«Թոմը և Ջերրին» մուլտֆիլմի հերոսների անունների ընտրությունն ամենևին էլ պատահական չէ և դա հին արմատներ ունի: 19-րդ դարի առաջին կեսին ստեղծագործում էր անգլիացի գրող Պիրս Իգանը, ով առավելապես ընթերցողներին հայտնի էր «Կյանքը Լոնդոնում» ակնարկների ժողովածուով: Նրա նախընտրած կերպարները «ոսկե երիտասարդության» ներկայացուցիչներն էին, որոնց կյանքն անցնում էր արկածների ու զվարճանքների մեջ, իսկ գլխավոր հերոսներն էին Թոմն ու Ջերրին: Այդ տարիներին նույնիսկ տարածում գտած արտահայտություն կար` «tom and jerry», որը նշանակում էր «կռիվներ հրահրել, հարբել, և շրջապատի համար խնդիրներ ստեղծել»: Կա ենթադրություն, որ հենց այս փաստն էլ որոշիչ է եղել մուլտֆիլմի հերոսների անուններն ընտրելիս:
Hovikcharkhchyan's Blog 