ՄՏՔԵՐ

Իրականում մեզնից յուրաքանչյուրը նման է թատերական ներկայացման, որ դիտում են երկրորդ արարից: Ամեն ինչ լավ է, բայց ոչինչ հասկանալի չէ:
Խուլիո Կորտասար

Ես աշխարհ եմ: Բայց աշխարհը ես չեմ:
Դանիել Խարմս

Ուզու՞մ ես մարդկանց դարձնել ազատ,- նախ ինքդ ազատագրվիր:
Ուզու՞մ ես, որ քեզ սիրեն,- նախ ինքդ սիրիր:
Ուզու՞մ ես ինչ-որ բան ստանալ,- նախ ինքդ տուր:
Վիկտոր Լիխաչև

Մարդկային հանրությունը նման է մի հրեշի, որը ոչինչ չի սովորում, անում է միևնույն ապուշ սխալները, գնում է կարճաժամկետ հաճույք` երկարատև ցավի գնով:
Մարգարետ Էթվուդ

Մեռածները չեն նախանձում ապրողներին:
Ջեյմս Ռոլլինս

Չորս բան կա, որոնք այսօր կառավարում են աշխարհը՝ փողը, կրոնը, ֆուտբոլն ու պատերազմը:
Արթո Պաասիլինա

Խելագար սերը արագ է անցնում, երկու խելագարների սերը՝ երբեք:
Անջելինա Ջոլի

Քանի դեռ քո կյանքում տեղ չի գտնվել այն մարդու համար, ում կհամարես ոչ պակաս կարևոր, քան ինքդ քեզ, դու միշտ կլինես միայնակ:
Ռիչարդ Բախ

Այս աշխարհում ամեն բան շատ պարզ է` առաստաղը սպիտակ է, ճտքակոշիկները սև են, իսկ շաքարը քաղցր է:
Անտեն Չեխով

Ինչ-որ տեղ կարդացել եմ, որ դինոզավրերը վերացան, քանի որ նրանց ոչ ոք չէր շոյել: Հուսամ, տղամարդիկ չեն կրկնի նույն սխալը կանանց դեպքում:
Ֆաբիո Վոլո

Ամուսնության մասին չափից ավելի մտածելը գռեհկություն է:
Հենրի Ջեյմս

Եթե 600 կապիկ 700 տարի չխչխկացնեն գրամեքենան, ապա նրանցից մեկը կհավաքի Շեքսպիրի տողը:
Սթիվեն Կինգ

Ով պայքարում է՝ կարող է նաև պարտվել: Ով չի պայքարում՝ արդեն պարտված է:
Ֆայթ Էթցոլդ

Խելացի մարդիկ ներում են, բայց չեն մոռանում:
Քոլին Թիփինգ

Երջանկությունը վաղվա օր չունի: Երեկվա օր էլ չունի: Նա չի հասկանում անցյալը և չի մտածում գալիքի մասին: Նա ունի միայն ներկան:
Իվան Տուրգենև

Խոհեմությունն այսպես ամենքիս վախկոտ է դարձնում…
Շեքսպիր

ՄՏՔԵՐ

Նրանք, ովքեր ասում են, թե դա անհնար է, չպետք է խանգարեն նրանց, ովքեր դա անում են:
Ջեք Կենֆիլդ

Մարդկության դժբախտությունների մեծ մասը բերում են բարի մտադրություններով ֆանատիկները:
Պոլ Անդերսոն

Հավատն առ այն, թե գոյություն ունի միայն մեկ ճշմարտություն և որ հենց ինքդ ես տիրապետում դրան, ինձ ներկայանում է իբրև աշխարհի բոլոր չարիքների խորագույն արմատը:
Մաքս Բորն

Ճշմարտությունը երբեք չի հաղթանակում: Ուղղակի մեռնում են նրա հակառակորդները:
Անրի Պուանկարե

Միշտ կգտնվեն էսկիմոսներ, որոնք Կոնգոյի բնակիչների համար կգրեն տրոպիկական շոգի պայմաններում դրսևորվող վարքի կանոնները:
Եժի Լեց

Դժբախտ են այն մարդիկ, որոնց համար ամեն ինչ պարզ է:
Լուի Պաստեր

Կինը գիտի սիրո իմաստը, տղամարդը՝ դրա գինը:
Մարտի Լարնի

Հոգում ծանրացած քարը իր քաշը չի փոփոխում: Փոխվում է միայն այդ քարը կրելու ուժը:
Մաքսիմ Մարուխ

Այն, ինչ բոլորին դուր է գալիս, ոչ միշտ է լավը:
Թոդ Շթրասեր

Ամեն ինչ անցնում է, բայց ամեն ինչ չէ, որ մոռացվում է:
Իվան Բունին

Երբ սիրտը կռիվ է տալիս դատողության հետ, հազվադեպ է պատահում, որ հաղթի դատողությունը:
Ժյուլ Վերն

Ես սիրեցի քեզ վաղը, որովհետև այսօր մենք դեռ անծանոթներ ենք:
Մարկ Լևի

Տեր Աստված, տուր ինձ իմաստնություն եւ ժուժկալ ապրելու կամք: Բայց ոչ հիմա, խնդրում եմ…
Ստանիսլավ Եժի Լեց

Կգա ժամանակը, երբ դու կորոշես, որ ամեն ինչ վերջացած է: Հենց դա էլ կլինի սկիզբը:
Լուիս Լամուր

Մարդուն կարելի է դուրս քաշել կեղտի միջից, բայց հնարավոր չէ կեղտը դուրս քաշել մարդու միջից:
Լի Հարփըր

Զգացմունքներն ու հույզերը մաքրում են հոգին, ինչպես ջուրը մարմինն է մաքրում: Բայց ամբողջ օրը թաց-թաց ման գալն էլ հիմարություն է:
Հենրի Լայոն Օլդի

Եթե ինչ-որ պահի զգաս, որ դժվարացել է կյանքի ճանապարհով քայլելը, ուրեմն դու շարժվում ես դեպի վեր:
Օլեգ Ռոյ

Իմ դժբախտությունն այն է, որ ես ամեն ինչ հասկանում եմ:
Ալբեր Կամյու

ՄՏՔԵՐ

Ես վիրաբույժից ստացա վիրահատության հաշիվը: Հիմա հասկանում եմ, թե ինչու են նրանք դիմակներով աշխատում:
Ջեյմս Բորեն

Ես ճանաչում եմ մարդկանց: Բայց որքան կուզեի հավատալ, որ սխալվում եմ:
Գ. Կուլ

Ես կարողանում եմ ներել, բայց չեմ կարողանում մոռանալ:
Հարիեթ Բիչեր

Թող կոշկակարը չդատի կոշիկից բարձր:
Ապելլես

Ճշմարտությունը երբեք չի հաղթանակում: Պարզապես մեռնում են նրա հակառակորդները:
Մաքս Պլանկ

Մարդն իր կյանքի ընթացքում բախվում է երկու դրամայի. առաջինը, երբ նա ինչ-որ բան է երազել, բայց դա չի ստացել և երկրորդ, երբ նա ստացել է ու հասկացել, որ դա չէր երազել:
Էլբերտ Հաբբարդ

Ինչքան միտքը քիչ է, այնքան համակիրները շատ են:
Կոստանտին Մելիխան

Ժամը վրա է հասել, բայց չկա հերոսը:
Վալտեր Սքոթ

Մարդը ծնվում է, որ ապրի, այլ ոչ թե նախապատրատվի կյանքին:
Բորիս Պաստեռնակ

Արդեն չորրորդ անգամ եմ այս ֆիլմը դիտում և պիտի ասեմ, որ այսօր դերասաններն ավելի լավ էին խաղում:
Ֆաինա Ռանևսկայա

Ցինիկ հեռուտատեսային պարոնները, ինչպես հայտնի է, անտարբեր հաշվում են արցունքների քանակը, որ հնարավոր է լինում քամել դյուրահավատ տանտիրուհիներից հերթական սրտաշարժ սյուժետի օգնությամբ, որ հետո նրանց մածուցիկ սրտերի վրա ավելի լավ նստի լվացքի փոշու գովազդը:
Լիդիա Մասլովա

Թմբուկը կարող է խլացնել ամբողջ նվագախմբին, բայց չի կարող փոխարինել նրան:
Էմիլ Կրոտկի

Բոլորը գրում, գրում, գրում են և գիտե՞ք որն է ամենավատը` գրում են բանաստեղծություններ: Գիտե՞ք ինչքան լավ կլիներ, եթե այդ գրչակների ցեղախմբի` մեզնից յուրաքանչյուր չորրորդ ապուշի ձեռքը տային գործիքներով արկղը և ուղարկեին ինչ-որ տեղ իսկական գործով զբաղվելու:
Ուոլթ Ուիթմեն

Դե ինչ, ջեմտլմեններ, եկեք այսօր անենք այնպիսի մի բան, որ աշխարհը հավերժ հիշի դա:
Ծովակալ Քոլլինգվուդ

Երբեմն շատ ուշ է լինում հաղթելու համար: Բայց երբեք ուշ չի լինում պարտվելու համար:
Թոմ Ուորսոն

Ռուսաստանի հետ համաձայնությունն արժե ճիշտ այնքան, որքան այն թուղթը, որի վրա դա գրված է:
Չերչիլ

Այնքան ծիծաղելի է լսել սուտը, երբ գիտես ճշմարտությունը: Բայց ընդհատել չես ուզում. ախր մարդն այնքան ջանք է գործադրել…
Ֆաինա Ռանևսկայա

ՄՏՔԵՐ

Կարծիքը քողարկում է մտադրությունը:
Հանս Կելլեր

Եթե նույնիսկ տղամարդը կարողանար հասկանալ, թե ինչ են մտածում կանայք, միևնույն է, չէր հավատա:
Դորոթի Փարքեր

Որոշ նկարիչներ արևը դարձնում են դեղին շրջանակ: Բարեբախտաբար, կան ուրիշները, որոնք իրենց վարպետությամբ դեղին շրջանակը վերածում են արևի:
Պաբլո Պիկասսո

Վարդերը բնության հանդեպ սեր են սերմանում, փշերը` հարգանք:
Անտոն Լիգով

Թղթակից- Պարոն նախագահ, դուք երբևէ թռչող ափսե տեսե՞լ եք:
Հարի Թրումեն- Միայն թերթերում:

Այսօրվա արմատականը վաղվա պահպանողականն է:
Մարկ Տվեն

Ես դեռ չեմ հանդիպել մի կատվի, որ մտահոգվի, թե իր մասին ինչ են խոսում մկները:
Յուզեֆ Բուլատովիչ

Ես հարցրեցի կնոջս. «Ո՞ւր կցանկանաս գնալ մեր ամուսնության տարեդարձի առթիվ»: Նա պատասխանեց. «Այնտեղ, որտեղ երբեք չեմ եղել»: Դե ես էլ ասացի. «Գուցե խոհանո՞ց»:
Խեննի Յանգմոն

Ես լիովին համաձայն եմ, որ վտանգավոր զենքերը պիտի պահել հիմարների աչքից հեռու: Եկեք սկսենք գրամեքենայից:
Սոլոմոն Շորթ

Ես և հարուստ եմ եղել, և եղել եմ աղքատ: Հավատացեք ինձ, հարուստ լինելն ավելի լավ է:
Մեյ Ուեսթ

Պարզ է, որ ոչինչ էլ պարզ չէ: Դրա համար էլ պարզ չէ, թե մենք ինչպես ենք հանդուրժում պարզության բացակայությունը:
Սեմյուել Բաթլեր

Ամենևին չեմ ցանկանում իմանալ, թե ինչ են խոսում իմ մասին իմ թիկունքում: Առանց դրա էլ ես իմ մասին շատ բարձր կարծիք ունեմ:
Օսկար Ուալդ

Ես ոչ մեկի կարծիքի հետ համաձայն չեմ: Ես իմ կարծիքն ունեմ:
Իվան Տուրգենև

Լեզուն հորինվել է, որ մարդիկ հարցեր տան: Պատասխանել կարելի է և աղաղակով, և շարժումներով, բայց հարցը անհրաժեշտ է արտաբերել: Բանականությունը ծնունդ առավ, երբ մարդն առաջին հարցը տվեց:
Էրիկ Հոֆֆեր

Ես հոգ եմ տանում ճշմարտության համար ոչ թե հանուն ճշմարտության, այլ հանուն ինձ:
Սեմյուել Բաթլեր

Ես համոզված եմ, որ տիեզերքում կան 15, 747, 724, 136, 275, 002, 577, 605, 653, 961, 181, 555, 468, 044, 717, 914, 527, 116, 709, 366, 231, 425, 076, 185, 631, 031, 296 պրոտոններ և նույնքան էլ էլեկտրոններ:
Սըր Արթուր Էդինգտոն

Ես երբեք աղքատ չեմ եղել, թեև եղել եմ անփող: Աղքատ լինելը մտքի վիճակ է, անփող լինելը` սովորական պատահականություն:
Մայք Թոդ

ՄՏՔԵՐ

Քսանհինգ տարեկանում բոլորն էլ կարող են լինել տաղանդավոր: Ամբողջ խնդիրն այն է, որ տաղանդավոր լինես նաև հիսուն տարեկանում:
Էդգար Դեգա

Լավագույնը, որ հայրը կարող է անել իր զավակների համար, նրանց մորը սիրելն է:
Թեոդոր Հեսբերգ

Իսպանացի գրող Լոպե դե Վեգան մահվան մահճում վերջին անգամ հայացք նետեց իր շուրջը հավաքվածների դեմքերին ու ասաց. «Դե լավ, թեև վերջում հետևյալը կասեմ` սիրտս խառնում է Դանթեից»:

Յուրաքանչյուր Կայեն կգտնի իր Աբելին:
Հելմուտ Վալտերս

Մարդկանց ատամներ ցույց տալու լավագույն միջոցը ժպիտն է:
Վիկտոր Ֆինկ

Զարմանալի է, բայց կյանքի ամբողջ փիլիոփայությունը ամփոփված է երկու բառի մեջ. «Թքած ունեմ»:
Շառլ Լուի Մոնտեսքյո

Աստված մեզ հիշողություն տվեց, որ վարդերը մեզ համար ծաղկեն նաև դեկտեմբերին:
Ջեյմս Մեթյու Բարրի

Բանակային այն կանոնը, թե «հրամայել կարող է միայն նա, ով կարողանում է ենթարկվել»` նույնն է, եթե ասենք, որ լողալ կարողանում է միայն նա, ով կարողանում է խեղդվել:
Լորենս Պիտեր

Իսկ գուցե բուրմունքը մեռնող վարդի ցա՞վն է:
Հռոմի պապ Ալեքսանդր VI

Որտեղ շատ լույս կա, այնտեղ ստվերը թանձր է:
Գյոթե

Իշխանական աթոռները գլխի չափերով չեն պատրաստվում:
Ստանիսլավ Եժի Լեց

Սրամիտ լինելը դժվար գործ չէ, եթե քեզ համար աշխատում է մի ամբողջ կառավարություն:
Ուիլ Ռոջերս

Աստված պատասխանում է մեր բոլոր աղոթքներին: Երբեմն ասում է «այո», երբեմն` «ոչ», իսկ երբեմն էլ ասում է. «Դուք ինչ է, բոլորովի՞ն խելքներդ թռցրել եք»:
Ջիմմի Քարտեր

Անօգուտ է հանգստություն գտնել ինչ-որ վայրում, եթե այն չես գտել քո ներսում:
Ֆրանսիական

Առանձնության մեջ կարելի է ձեռք բերել ամեն ինչ, բացի բնավորությունից:
Ստենդալ

Միշտ թվում է, թե մեզ սիրում են նրա համար, որ լավն ենք: Բայց չենք կռահում, որ մեզ սիրում են նրա համար, որ լավն են նրանք, ովքեր մեզ սիրում են:
Լև Տոլստոյ

Դուք այն եք, ինչ մտածում եք:
Ջեյն Վագներ

ՄՏՔԵՐ

Պատմությունը ստիպված է կրկնվել, քանի որ նրան ոչ ոք չի լսում:
Լորենս Պիտեր

Քեզ ընկեր գտիր, դու չես կարող երջանիկ լինել միայնակ: Երջանկությունը գործ է երկուսի համար:
Պյութագորաս

Կյանքի իմաստն այն չէ, որ բավարարվեն ցանկություններդ, այլ այն, որ դրանք ունենաս:
Մ. Զոշենկո

Լույսը Աստծո ստվերն է:
Պլատոն

Երբ դու իրավացի ես, ոչ ոք դա չի հիշի: Երբ դու սխալվես, ոչ ոք չի մոռանա:
Իռլանդական

Ամեն մարդ ցանկանում է դրախտ ընկնել, բայց ոչ ոք չի ցանկանում մեռնել:
Ջո Լուիս

Ատելությունը սրտից է գալիս, արհամարհանքը` գլխից:
Արթուր Շոպենհաուեր

Հուսալ պետք է մինչև վերջին րոպեն: Բայց վերջին րոպեին կարելի է նաև չհուսալ:
Դոն- Ամինադո

Ավելի հեշտ է մեռնել ընկերոջ համար, քան գտնել ընկեր, որի համար արժե մեռնել:
Լուի Մարեն

Չկա ավելի բարոյալքող բան, քան փոքր, բայց մշտական աշխատավարձը:
Էռլ Ուիլսոն

Չեն լինում վատ գարեջրատներ և լավ բանտեր:
Լ. Կամերտոն

Ես չգիտեմ` իսկապե՞ս հրեշտակներն Աստծո ներկայությամբ միայն Բախ են նվագում, բայց ես վստահ եմ, որ իրենց ընտանեկան նեղ շրջանակում նրանք նվագում են Մոցարտ:
Կարլ Բարտ

Երբեք կնոջը մի ասա, որ դու արժանի չես նրա սիրուն: Նա առանց քեզ էլ այդ բանը գիտի:
Անհայտ հեղինակ

Չկա ավելի դժվարին աշխատանք, քան գեղեցիկ տեսք ունենալ առավոտվա 8-ից մինչև կեսգիշեր:
Բրիջիդ Բարդո

Ներեք ձեր թշնամիներին, բայց երբեք մի մոռացեք նրանց անունները:
Ջոն Քենեդի

Լավ հագնված մարդը նա է, ում հագուստին ուշադրություն չեք դարձնում:
Սոմերսեթ Մոեմ

ՄՏՔԵՐ

Չկա այնպիսի հիմարություն, որ հնարավոր չլինի հիմնավորել:
Վլադիմիր Շերբատիխ

Ես չեմ պնդում, որ ունեմ բոլոր հարցերի պատասխանը, բայց ես խոստանում եմ, որ ունեմ հարցեր ցանկացած պատախանի համար:
Դեյվիդ Լենդեր

Աշխարհում չկան ավելի տխուր բառեր, քան «Մինչդեռ կարող էր լինել…» բառերը:
Գիլբերտ Կ. Չեստերտոն

Սերը գուցե և կույր է, բայց հարևանները` ոչ:
Էվան Էզար

— Պարոն Չերչիլ, դուք հարբած եք:
— Այո, տիկին: Իսկ դուք տգեղ եք: Բայց ես վաղը կսթափվեմ:
(Լեդի Աստորի և Ուինսթոն Չերչիլի զրույցից)

Չեք կարող սեղմել այն ձեռքը, որ բռունցքված է:
Ինդիրա Գանդի

Այս տխուր և մեղսավոր աշխարհում միշտ էլ կան բաներ, որ արժանի են գոհության: Ինչ վերաբերում է ինձ, ապա ես ուրախ եմ, որ հանրապետական չեմ:
Հենրի Լուիս Մենկեն

Վերջում դուք կհիշեք ոչ թե ձեր թշնամիների վիրավորանքը, այլ ձեր բարեկամների լռությունը:
Մարտին Լյութեր Քինգ

Երբեք մի վստահիր ապագային: Նա ոչնչով վստահության չի ներշնչել:
Անդրե Շանսոն

Նոր զգեստը կնոջ վրա ներգործում է այնպես, ինչպես 4 գավաթ օղին` տղամարդու վրա:
Յանինա Իպոխորսկայա

Մի՞թե դուք կարծում եք, որ երբ գիշերը միայնակ անկողին եք մտնում, ապա միտքն այն մասին, որ ձեզ սիրում է աշխարհի կեսը, կարող է մխիթարական լինել: Աշխարհի կեսը ոչինչ է:
Բրիջիդ Բարդո

Երբեք ականջ մի դրեք ձեր հասցեին հնչող դատողություններին, որովհետև եթե դուք նույնիսկ կարողանաք քայլել ջրերի վրա, ինչ-որ մեկն անպայման կասի. «Տեսեք, նա անգամ լողալ չգիտի»:
Մարգարետ Թետչեր

Մարդուն վիճակված չէ մի ազգից ավելի խելացի լինել:
Բալզակ

Ճշմարտության հարցերը չեն լուծվում ձայների մեծամասնությամբ:
Դեմոկրիտես

Ոչինչ ինձ վրա այնքան ծանր տպավորություն չի գործում, որքան այն, երբ տեսնում եմ, որ եզները իրենք են իրենց ոտքով գնում և վզները լծան տակ կոխում:
Նար-Դոս

Գիտության և արվեստի գործիչները չեն կատարում իրենց պարտականություններն այն պատճառով, որովհետև նրանք այդ պարտականություններից ստեղծեցին իրավունքներ:
Լև Տոլստոյ

 

ՄՏՔԵՐ

Եթե կյանքն ինչ-որ բան տալիս է, ապա միայն նրա համար, որ ետ վերցնի:
Արթուր Շոպենհաուեր

60 տարի առաջ «լավատես» ու «հիմար» բառերը հոմանիշներ չէին:
Մարկ Տվեն

Որքան մարդը տարիքն առնում է, այնքան ավելի է նմանվում ինքն իրեն:
Մորիս Շևալյե

Խելացի մարդ համարվելու համար պարտադիր չէ խելացի բաներ անել: Բավական է ընդամենը հիմարություն չանել:
Բոգուսլավ Վոյնար

Մարդը կարող է ամեն ինչ, բայց ոչ ավելին:
Կոստանտին Մելիխան

Որքան բարակ է սառույցը, այնքան բոլորի մոտ ավելի մեծ է ցանկությունը ստուգել` կդիմանա՞ արդյոք:
Հենրի Շոու

Դիվանագետի թանաքը հեշտ է ջնջվում, եթե նրա վրա չեն ցանել հրանոթային վառոդ:
Պիեռ Բուաստ

Մահից ավելի վատ ի՞նչ կարող ես ցանկանալ նրան, ում վրա զայրացած ես: Այնպես որ հանգստացիր, նա կմեռնի, եթե դու նույնիսկ մատդ մատին չխփես:
Սենեկա

Ընկեր գտնելու համար պետք է մի աչքը փակել: Ընկեր պահելու համար պետք է փակել երկու աչքերը:
Նորման Դուգլաս

Եթե մարդը հոռետես է դառնում մինչև 48 տարեկանը, ուրեմն նա չափից շատ գիտի: Իսկ եթե նա այդ տարիքում էլ մնում է լավատես, ուրեմն նա չափազանց քիչ գիտի:
Մարկ Տվեն

Որքան քիչ են մտքերը, այնքան շատ են համախոհները:
Կոստանտին Մելիխան

Երբ խորհրդարանը նիստ է գումարում, ամբողջ երկիրն այնպիսի զգացողություն է ունենում, կարծես երեխայի ձեռքը մուրճ են տվել, որ խաղա:
Ուիլ Ռոջեր

Որպեսզի երբեք հիմարների չհանդիպեք, փակվեք ձեր սենյակում և կոտրեք հայելին:
Ֆրանսուա Ռաբլե

Չես կարող պարտադրել, որ քեզ սիրեն: Բայց կարող ես պարտադրել, որ քեզ հարգեն:
Բենջամին Ֆրանկլին

Ինչ էլ պատահի, երբեք կյանքը չափից ավելի լուրջ մի ընդունեք: Միևնույն է, նրաից դուք կենդանի դուրս չեք գա:
Քին Հաբբարդ

Երաժշտություն հորինելու համար պետք է ընդամենը հիշել մեղեդին, որը դեռ ոչ ոք չի հնարել:
Ռոբերտ Շուման

Մենք ի՞նչ կարող ենք ասել Աստծո մասին: Ոչինչ:
Մենք ի՞նչ կարող ենք ասել Աստծուն: Ամեն ինչ:
Մարինա Ցվետաևա

Լավ է քիչ հասկանալ քան վատ հասկանալ:
Անատոլ Ֆրանս

Վաղվան մի հետաձգեք այն, ինչը կարելի է անել վաղը չէ մյուս օրը:
Մարկ Տվեն

ՄՏՔԵՐ

Ճշմարտության ձայնը հակացուցված է լսողությանը:
Լաո-ցզի

Որտեղ անհրաժեշտությունն է, այնտեղ էլ հնարավորությունն է:
Պյութագորաս

Սովը, սերը, փառասիրությունն ու վախը. ահա մարդկային բոլոր արարքների չորս հիմնական դրդապատճառները:
Ուիլյամ Սամներ

Հպարտությունը շքեղություն է, որ սիրահարված կինն իրեն թույլ տալ չի կարող:
Քլեր Լյուս

Էլեգանտ կնոջն ամեն ինչ սազում է, բացի աղքատ ամուսնուց:
Իվ Մոնտան

Փակեք դուռը բոլոր սխալների առաջ և ճշմարտություն չի կարողանա ներս մտնել:
Ռաբինդրանաթ Թագոր

Առողջ մարդը նա չէ, ում ոչ մի տեղը չի ցավում, այլ նա, ում մոտ ամեն անգամ տարբեր տեղեր են ցավում:
Միշել Կրեստեն

Սա ազատ երկիր է: Յուրաքանչյուրն իրավունք ունի ինձ նամակ ուղարկել, իսկ ես իրավունք ունեմ դրանց չպատասխանել:
Ուիլյամ Ֆոլքներ

Զղջումը մաքրված կեղտաբծի նման է. վերջում միշտ էլ ինչ-որ հետք մնում է:
Ալեքսանդր Ֆրեդրո

Գառն ու գայլը տարբեր կերպ են հասկանում «ազատություն» բառը: Սրա մեջ է տարաձայնության էությունը, որ գերիշխում է մարդկային հասարակության ներսում:
Աբրահամ Լինքոլն

Բնականաբար, մարդուն կարելի է սիրել, եթե նրան լավ չես ճանաչում:
Չարլզ Բուկովսկի

Ասում են` վաղ թե ուշ ճշմարտությունը հաղթանակում է, բայց դա այդպես չէ:
Անտոն Չեխով

Ոչ ոք չի կարող լինել իրապես ազատ, քանի դեռ բոլորն ազատ չեն:
Ոչ ոք չի կարող լինել իրապես ազնիվ, քանի դեռ բոլորն ազնիվ չեն:
Ոչ ոք չի կարող լինել իրապես երջանիկ, քանի դեռ բոլորը երջանիկ չեն:
Հերբերտ Սփենսեր

Չեմ սրտնեղում, եթե մարդիկ ինձ չեն հասկանում, սրտնեղում եմ, եթե ես չեմ հասկանում մարդկանց:
Կոնֆուցիոս

Բոլորն ինձ ներում են, բայց ոչ ոք չի օգնում:
Սենեկա

Պատերազմում հաղթում է այն բանակը, որի հրամանատարները համեստ են հագնված:
Ռոջեր Բիմոն

Առաջներում մարդիկ սովորում էին նրա համար, որ կատարելագործվեին: Հիմա սովորում են ուրիշներին զարմացնելու համար:
Կոնֆուցիոս

ՄՏՔԵՐ

— Ո՞րն է քո երազանքը:
— Որ ինչ-որ մեկն ինձ համբուրի անձրևի տակ: Իսկ քոնը՞:
— Որ անձրև գա:
Չարլզ Բուկովսկի

Իրականացած երազանքը միշտ զրկված է ռոմանտիզմից:
Բորիս Վասիլև

— Երջանկությունն այցելում է նրան, ով կարողանում է սպասել:
— Այո, իհարկե: Միայն տես, որ ամբողջ կյանքդ չանցնի սպասասրահում:
Թեոդոր Դրայզեր

Հասակ մը կա մեր կենաց մեջ,
Ուր ամենայն իղձ կավարտի…
Նահապետ Ռուսինյան

Ավելի ցավալի բան չկա, քան ամբողջ սրտով սիրել մարդուն և իմանալ, որ նա գրոշ չարժե:
Սոմերսեթ Մոեմ

Բաժանումը սիրո համար նույնն է, ինչ որ քամին` կրակի համար: Փոքր սերը նա հանգցնում է, իսկ մեծ սերն ավելի է բորբոքում:
Ալեքսանդր Կուպրին

Եթե թշնամին գերագնահատում է քո թերությունները, դա մեծ հաջողություն է: Բայց եթե բարեկամդ թերագնահատում է քո առավելությունները, դա ավելի լավ է:
Մարիո Պյուզո

Աստված ամեն ինչ տեսնում է, հարևաններն` ավելի շատ:
Անհայտ հեղինակ

Աստված մտածում է մեր մասին: Աստված չի մտածում մեր փոխարեն:
Ժան Կոկտո

Ադամն ընդամենը էսքիզն էր: Աստծուն հաջողվեց մարդ կերտել միայն Եվայի միջոցով:
Սիմոնա դը Բովուար

Ավտորիտարիզմն այն է, երբ մեկն ասում է` «Ես ձեր թագավորն եմ», և բոլորը համաձայնվում են: Իսկ տոտալիտարիզմն այն է, երբ բոլորը գոռում են. «Դու մեր թագավորն ես, դու մեր թագավորն ես», և նա համաձայնվում է:
Բոլեսլավ Վոլտեր

Լավ է քիչ հասկանալ, քան վատ հասկանալ:
Անատոլ Ֆրանս

Նա, ով քեզ գովում է այն բանի համար, ինչը դու չունես, ուզում է քեզնից ստանալ այն, ինչը ունես:
Յուջին Մանյուել

Տղամարդիկ ստում են հենց այնպես, կանայք` արտասուքն աչքերին:
Դոն-Ամինադո

Երբ ժամը կգա որոշելու, թե ում արդարացնել, ամբոխը միշտ կընտրի Բարաբային:
Ժան Կոկտո

Երբ մի դուռը փակվում է, բացվում է մեկ ուրիշը: Սակայն մենք հաճախ այնքան երկար ենք նայում փակված դռանը, որ չենք նկատում բացվածը:
Հելեն Քելլեր

ՄՏՔԵՐ

Յուրաքանչյուր գաղտնիք արժե ճիշտ այնքան, որքան նա, ումից մենք այն թաքցնում ենք:
Կառլոս Ռուիս Սաֆոն

Իմացիր, թե ինչ է ուզում մարդը և դու կիմանաս մարդուն:
Սթիվեն Կինգ

Եթե ճակատագիրդ քո ծիծաղը չի հարուցում, ուրեմն չես կասկացել կատակը:
Գրեգորի Դևիդ Ռոբերտս

Երջանկություն գոյություն ունի, դա պարզից էլ պարզ է: Այն ինչ-որ մեկի դեմքն է:
Ֆրեդերիկ Բեգբեդեր

Հավատը, որը չի կիսում ոչ ոք, կոչվում է շիզոֆրենիա:
Վիկտոր Պելևին

Աշխարհի ամենաահավոր երկու արտահայտությունները սրանք են` «Ինձ անհրաժեշտ է զրուցել քեզ հետ» և «Հուսամ` մենք լավ ընկերներ կմնանք»: Ամենածիծաղելին այն է, որ դրանք միշտ էլ հակառակ արդյունքին են հանգեցնում` կոտրելով և զրույցը, և ընկերությունը:
Ֆրեդերիկ Բեգբեդեր

Ինչպես տեսնում եմ, կան երեք բաներ, որոնց ոչ ոք չի հավատում: Չեն հավատում ճշմարտությանը, չեն հավատում նրան, ինչը միանգամայն հնարավոր է և նրան, ինչը միանգամայն տրամաբանական է:
Ջոն Սթայնբեք

Անիմաստ է մարդկանց բաժանել լավերի ու վատերի: Մարդիկ լինում են կամ հրապուրիչ, կամ ձանձրալի:
Օսկար Ուալդ

Տխմարը այն մարդն է, ով «Գործերդ ոնց են» հարցին ի պատասխան սկսում է պատմել, թե գործերը ոնց են:
Բերտ Թեյլոր

Եթե ինչ-որ մեկը գիշերները նայում է երկնքին, դա դեռ չի նշանակում, թե գործ ունենք աստղագետի հետ:
Ջոն Բոյն

Մարդը կարող է լինել հպարտ` չլինելով փառասեր: Հպարտությունն առավելապես պայմանավորված է մեր անձի մասին սեփական կարծիքով, իսկ փառասիրությունը` այն կարծիքներով, որ կցանկանայինք ուրիշները կազմեին մեր մասին:
Ջեյն Օսթեն

Հետոն կազմված է բազմաթիվ այժմներից:
Ջոն Գրին

Հասարակական կարծիքը բոլոր պոռնիկներից ամենափչացածն է:
Օնորե դը Բալզակ

Բայց կանայք, չգիտես ինչու, սիրում են շոյել այն դանակը, որն իրենց խոցել է:
Ջերոմ Ք. Ջերոմ

Ընդամենը երկու անսահման բան կա` տիեզերքն ու հիմարությունը: Թեև տիեզերքի հարցում ես վստահ չեմ:
Ալբերտ Էյնշտեյն

Միշտ չէ, որ իմաստությունը գալիս է տարիքի հետ: Պատահում է, որ տարիքը միայնակ է գալիս:
Միխայիլ Ժվանեցկի

Սերն ամեն ինչ է: Եվ սա է այն ամենը, ինչ մենք գիտենք նրա մասին:
Էմիլի Դիքինսոն

ՄՏՔԵՐ

Բոլոր մարդիկ ծնվում են ազատ և հավասար իրավունքներով, բայց ոմանք հետո ամուսնանում են:
Մարսել Ժուանդո

Մենք անցյալից պիտի կրակը վերցնենք, ոչ թե մոխիրը:
Ժան Ժորես

Երբ մարդը տասնյոթ տարեկան է, նա գիտի ամեն ինչ: Եթե նա քսանյոթ տարեկան է ու առաջվա պես գիտի ամեն ինչ, ուրեմն նա դեռ տասնյոթ է:
Ռեյ Բրեդբերի

Եթե գիտես ինչ խոսել մարդու հետ, դա փոխադարձ համակրանքի նշան է: Եթե գիտեք ինչի մասին լռել միասին, դա իսկական բարեկամության սկիզբն է:
Մաքս Ֆրեյ

Բանականութունը տրված է մարդուն, որ նա հասկանա` միայն բանականութամբ ապրել չի կարելի:
Ռեմարկ

Այն պահին, երբ մտածում ես, թե արդյո՞ք սիրում ես ինչ-որ մեկին, այդ պահից դու արդեն ընդմիշտ դադարեցիր նրան սիրել:
Կառլոս Ռուիս Սաֆոն

Մշտապես ես ասում եմ. «Շատ հաճելի է ծանոթանալ ձեզ հետ» թեև ինձ բոլորովին էլ հաճելի չէ: Բայց եթե ուզում ես ապրել մարդկանց հետ, ստիպված ես ամեն բան ասել:
Սելինջեր

Իրապես ուժեղ չես լինի այնքան ժամանակ, քանի դեռ չես սովորել տեսնել ամեն ինչի ծիծաղելի կողմը:
Կեն Կիզի

Ինչու՞ է մարդն արտասվում, երբ տխուր է: Որովհետև աչքերը երբեմն պետք է թացացնել, որ դրանք ավելի պարզ տեսնեն:
Ավգուստ Սթինդբերգ

Քեզ համար բազմոց գնիր և առաջիկա երկու տարին դու բավարարված կլինես: Կարևոր չէ, եթե ինչ-որ բան այնպես չընթանա: Ծայրահեղ դեպքում դու բազմոցի խնդիրը լուծեցիր:
Չակ Պալանիկ

Միայն կինը գիտի, թե ինչի է ընդունակ մեկ ուրիշ կին:
Սոմերսեթ Մոսեմ

Ես շատ բաների մասին էի ուզում խոսել: Բայց գիտեի, որ նրա համար ցավոտ կլինի: Դրա համար էլ թաղեցի իմ ներսում. թող ցավոտ լինի ինձ համար:
Ջոնաթան Սաֆրոն Ֆոեր

Կանայք տիրապտում են բացառիկ հոտառության: Նրանք կարող են գտնել ամեն ինչ, բացառությամբ ակնհայտից:
Օսկար Ուալդ

Այն մարդկանց նման, ովքեր մտածում են, թե երջանիկ կլինեն, եթե տեղափոխվեն ուրիշ մի վայր, իսկ հետո պարզվում է` ուր էլ գնաս, դու քեզ հետ վերցնում ես քեզ:
Նիլ Գեյման

Ժամանակն արագ է թռչում, երբ այն լցված է դատարկությամբ: Իմաստազուրկ կյանքը նման է գնացքի, որ սլանում է` կանգ չառնելով քո կայարանում:
Կառլոս Ռուիս Սաֆոն

Մենք ծնվում ենք ճիչով, մեռնում ենք հառաչանքում: Մնում է միայն ապրել ծիծաղով:
Վիկտոր Հյուգո

Երբ մարդը դադարում է ընտրություն կատարել, նա դադրում է մարդ լինել:
Էնթոնի Բերջես

ՄՏՔԵՐ

Կնոջը կառավարելու երկու միջոց կա, բայց ոչ ոք դրանք չգիտի:
Հաբերդ Ֆրանկ

Նա, ով առաջինը կնոջը համեմատեց ծաղկի հետ, մեծագույն պոետ էր: Իսկ ահա երկրորդը հիմարի մեկն էր:
Հայնրիխ Հայնե

Շատ քչերը ձեզ կստիպեն ծիծաղել: Եվ գրեթե ամեն ոք կարող է ձեզ ստիպել արտասվել:
Բիլ Մյուրե

Ուժի թուլությունը կայանում է նրանում, որ այն հավատում է միայն ուժին:
Պոլ Վալերի

Հիմնական գաղափարը`մեռնել երիտասարդ որքան հնարավոր է ուշ:
Էշլի Մոնտեգյու

Կանայք տղամարդկանցից ուշ են մահանում, որովհետև միշտ ուշանում են:
Ֆաինա Ռանևսկայա

Թշնամուն կարելի է ներել, բայց նախ պետք է նրան ոչնչացնել:
Նապոլեոն

Դուք ասում եք` ժամանակն անցնում է: Անմիտներ, այդ դուք եք անցնում:
Թալմուդ

Ով առաջ չի գնում, նա ետ է գնում: Անշարժ վիճակ չկա:
Բելինսկի

Կինը երբեք այնքան ուժեղ չի լինում, քան երբ զինված է լինում թուլությամբ:
Բունին

Վանդակում ծնված թռչունը կարծում է, թե թռիչքը հիվանդություն է:
Ալեքսանդրո Խոդորովսկի

Վատ օրենքներով և լավ չինովնիկներով լիովին կարելի է կառավարել երկիրը: Բայց եթե չինովնիկները վատն են, չեն օգնի նույնիսկ ամենալավ օրենքները:
Բիսմարկ

Կցանեք արարք` կհնձեք սովորություն:
Կցանեք սովորություն` կհնձեք բնավորություն:
Կցանեք բնավորություն` կհնձեք ճակատագիր:
Ուիլյամ Թեքերեյ

Եթե իրավիճակից ելք չեք տեսնում, գործեք անտրամաբանորեն: Հենց դա էլ ելք կդառնա:
Կոկո Շանել

Եթե կինն ասում է «ոչ», դա նշանակում է «թերևս», եթե կինն ասում է «թերևս», դա նշանակում է «այո», եթե կինն ասում է «այո», ապա դա կին չէ:
Վոլտեր

Եթե մարդը քեզ վատություն է արել, նրան կոնֆետ տուր: Նա քեզ` վատություն, դու նրան` կոնֆետ: Եվ այդպես այնքան ժամանակ, քանի դեռ այդ անասունի մոտ չի առաջացել շաքարային դիաբետ:
Ֆաինա Ռանևսկայա

Առաջ անցնելու երկու ճանապարհ կա` խաղալ կանոններով բոլորից լավ կամ բոլորից լավ խախտել կանոնները:
Բոբ Հոկեր

ՄՏՔԵՐ

Հիշիր այս օրը… քանզի նրանից է սկսվում հավերժությունը:
Դեն Բրաուն

Ամեն անգամ, երբ իմ հեռախոսը լռում է, ես գիտեմ, որ դա դու ես:
Յանուշ Վիշնևսկի

Գործը միավորում է, խոսքը բաժանում է:
Բրեթ Իսթոն Էլիս

Երբեմն այն, ինչ մենք գիտենք, անիմաստ է նրա համեմատ, ինչ մենք զգում ենք:
Սթիվեն Կինգ

— Աչքերիդ ի՞նչ է եղել: Դու արտասվե՞լ ես:
— Ոչ,- պատասխանեց նա` ժպտալով:- Ես չափից ավելի սևեռուն նայեցի իմ հեքիաթներին, իսկ այնտեղ շատ պայծառ արև էր:
Կնուտ Համսուն

Լավատեսն ու հոռետեսը հավասար ներդրում ունեն հասարակական կյանքում: Լավատեսը ստեղծում է օդանավը, իսկ հոռետեսը` պարաշյուտը:
Բեռնարդ Շոու

Լռում է միայն նա, ով ընդունակ է ինչ-որ բան ասելու:
Ժան-Պոլ Սարտր

Եթե աշխարհում ամեն ինչ անիմաստ է,- ասաց Ալիսան,- ի՞նչն է խանգարում հորինել որևէ իմաստ:
Լուիս Քերոլ

Մարդկային ուղեղն ընդունակ է պահպանելու մոտ 60 միլիարդ հիշողություն: Երբ հիշողության «ամբարը» լցվում է, տեղի է ունենում դրանց զտումը: Պակաս հետաքրքիր հիշողությունները մոռացվում են: Մնում են ողբերգական հուշերն ու անցած ուրախությունների ափսոսանքը:
Բեռնարդ Վերբեր

Սիրահարված կնոջից տրամաբանություն պահանջելը նույնն է, թե արև փնտրես խուլ գիշերվա մեջ:
Ստեֆան Ցվայգ

Կյանքում չկան ուղիղ ճանապարհներ: Բոլոր ուղիներն իրենց բնույթի մեջ շրջանաձև են: Կարող ես ճամփա ընկնել, հեռանալ ինքդ քեզնից, բայց միևնույն է, կվերադառնա քեզ մոտ, ինչպես անտառում մոլորվածը, ինչպես շղթայով կապված շունը:

Ուիլլ Ֆերգյուսոն

Փախան մանկությունը, պատանեկությունը, հասունությունը: Կփախչի ծերությունը: Բոլորը կփախչեն: Մենակ կմնամ:
Յուրի Նագիբին

Ուրիշի հիմարությունը երբեք չի նվազեցնում քոնը:
Ումբերտո Էկո

ՄՏՔԵՐ

Ով գիտի` անում է, ով չգիտի` սովորեցնում է ուրիշներին:
Բեռնարդ Շոու

Ես հրաժարվեցի հրաշքներ գործել, քանզի հրաշքներն անհրաժեշտ են միայն անհավատներին` տալով նրանց նյութ զազրախոսության, բայց ոչ մտածումների համար:
Էրիկ-Էմանուել Շմիտ

Եթե ուզում ես ճանաչել մարդուն, մի լսիր, թե նրա մասին ինչ են ասում ուրիշները: Լսիր, թե նա ինչ է ասում ուրիշների մասին:
Վուդի Ալեն

Ծխելուց հրաժարվելը շատ հեշտ է: Ես մի հազար անգամ հրաժարվել եմ:
Մարկ Տվեն

Մարդիկ կարծում են, թե կդադարեն սիրահարվել, երբ ծերանան, մինչդեռ իրականում նրանք ծերանում են, երբ դադարում են սիրահարվել:
Մարկես

Աստված սիրեց թռչուններին ու ստեղծեց ծառը: Մարդը սիրեց թռչուններին ու ստեղծեց վանդակը:
Ժակ Դևալ

Եթե դուք պատրաստ չեք տեսնել ավելին, քան տեսանելի է, ուրեմն դուք ոչինչ չեք տեսնի:
Ռութ Բերնհարդ

Ես միշտ հանդես եմ եկել հանուն այն բանի, որ վտանգավոր զենքը չընկնի հիմարների ձեռքը: Եկեք սկսենք գրամեքենայից:
Ֆրենկ Լլոյդ Ռայթ

Իմ դժբախտությունն այն է, որ ես ամեն ինչ հասկանում եմ:
Քամյու

Երբեք մի կանգնեք կնոջ և այն բանի միջև, ինչ նա երազում է:
Մայնեթ Ուոլթերս

Սերը կույր է, բայց ամուսնությունը վերականգնում է տեսողությունը:
Գեորգ Լիխտենբերգ

Տղամարդուն կին է հարկավոր, որովհետև բոլոր մեղքը չես կարող բարդել միայն կառավարության վրա:
Լեոնարդ Լևինսոն

Եթե իրավիճակից ելք չեք տեսնում, վարվեք անտրամաբանորեն: Հենց դա էլ կլինի ելքը:
Կոկո Շանել

Եթե փակուղում ես հայտնվել, քեզ ապուշի պես մի պահիր: Դուրս եկ այնտեղից, որտեղից մտար:
Խորխե Բուկայ

Աշխարհին հայտնի է կնոջ արտասուքի 700 տեսակ: Եվ այդ ողջ հրաշագեղությանը տղամարդն արձագանքում է միան մեկ արտահայտությամբ. «Ախր ի՞նչ ես լալիս, Կատյա»:
Սլավա Սե

 

ՄՏՔԵՐ

Եղեք ինքներդ ձեզ հետ: Մնացած բոլոր տեղերն արդեն զբաղված են:
Օսկար Ուալդ

Երբեմն մեր կրակը մարում է, բայց ուրիշ մեկը կրկին բորբոքում է այն: Մեզնից յուրաքանչյուրը մեծագույն պարտք ունի նրա հանդեպ, ով թույլ չտվեց, որ այդ կրակը հանգչի:
Ալբերտ Շվայցեր

Կյանքն ապրելու երկու միջոց կա: Մեկն այն է, երբ կարծում ես, թե աշխարհում ոչ մի հրաշալի բան չկա: Մյուսն այն է, որ կարծում ես, թե աշխարհում ամեն ինչ հրաշք է:
Ալբերտ Էյնշտեյն

Սարսափելի է սիրել այն, ինչը չես վերահսկում:
Հոլլի Բլեք

Չեմ սիրում, երբ ստում են, բայց ճշմարտությունից ևս հոգնել եմ:
Անտոն Սեյա

Ծերությունը մարմնի հետ անում է նույնը, ինչ որ բթությունը` հոգու հետ:
Կարլոս Ռուիս Սաֆոն

Տաղանդը մեկ տոկոս ներշնչանք է և 99 տոկոս քրտինք:
Թոմաս Էդիսոն

Պատերազմի մասին իրապես կարող են դատել կարող են միայն մեռածները: Միայն նրանք ամեն բան մինչև վերջ իմացան:
Ռեմարկ

Հարուստների դրախտը կառուցվում է աղքատների դժոխքից:
Վիկտոր Հյուգո

Մեր սխալներից դասեր ենք քաղում: Ահա թե ինչու ենք հաջողություններից բթանում:
Ֆրեդերիկ Բեգբեդեր

Բանականությունը պիտի չմիջամտի սիրո հարցերին: Սիրելի կինը կարող է դատել ճիշտ կամ սխալ, տարբերություն չկա: Սերը վեր է բանականությունից:
Ջեկ Լոնդոն

Մի մոռացեք, որ ճշմարտությունը կարող է շահարվկել ենթատեքստի օգնությամբ:
Լի Սթրիթ

Միայն նրա աչքերն են գեղեցիկ, ով ձեզ նայում է քնքշությամբ:
Կոկո Շանել

Միշտ լինել առաջինը, միշտ քայլել`արգելքները հաշվի չառնելով, ոչ մի հարցում չկասկածել. դե մի՞թե հենց այս մեծ որակների օգնությամբ չէ, որ բթությունը կառավարում է աշխարհը:
Ուիլյամ Թեքերեյ

Ապրիր` ինչպես կուզես, միայն ոչ իզուր:
Դինա Օտտոմ

Նրանք վազում են և կարծես թե պիտի վազեն մի ողջ հավերժություն` փորձելով առաջ անցնել իրենք իրենցից: Եվ քամին խոտերն է քրքրում` սրբելով բոլոր հետքերը…
Ռեյ Բրեդբերի

Մեծ ձկնորսը խաղում էր իր Իր ձկան հետ, և ես չէի նկատում, որ արդեն կուլ եմ տվել խայծը:
Կլայվ Լյուիս

Սարսափելի փոփոխություններ տեղի ունեցան նրա հետ այն պատճառով, որ նա դադարեց հավատալ ինքն իրեն և սկսեց հավատալ ուրիշներին:
Լև Տոլստոյ

Արցունքների միջից մարդն ավելի հեռուն է տեսնում:
Բրյուս Լի

Երկու հիմար ավելի հեշտ լեզու կգտնեն, քան հիմարն ու խելոքը:
Ռուբեն Գալեգո

ՄՏՔԵՐ

Ինչու՞ ես դու ուզում ամեն ինչ անպայման հասկանալ: Ինձ, օրինակ, դուր է գալիս, երբ ինչ-որ բան անհասկանալի է: Կյանքը դրանից ավելի հետաքրքիր է դառնում:
Կետրին Էփլգեյթ

Բավ են մեծարանքները Ալեքսանդրներին:
Կեցցեն Արքիմեդները:
Սեն- Սիմոն

Գնում ենք դրախտ: Ճամփան անցում է դժոխքով:
Ռուսլան Գալեև

— Տեսնեմ` կհավատամ,- ասաց մարդը:
— Հավատաս` կտեսնես,- ասաց տիեզերքը:
Լարիսա Ռեներ

Կատակերգության և ողբերգության տարբերությունն այնքան էլ մեծ չէ: Կատակերգությունն այն է, ինչ կատարվում է ուրիշների հետ, ողբերգությունն այն է, ինչ կատարվում է ինձ հետ:
Միխայիլ Լիտվակ

Մենք բոլորս ընդամենը վառելիք ենք: Ծնվում ենք ու հետզհետե այրվում ենք, ընդ որում` մեկս մյուսից արագ: Եվ այրվում ենք մենք տարբեր կերպ: Սակայն չկա ավելի տխուր բան, քան ընդհանրապես չայրվելը, գոնե մեկ անգամ բոցավառվելու ընդունակ չլինելը:
Գրեմ Սվիֆթ

Հարցն այն չէ` կշահես դու, թե՞ կպարտվես: Հարցն այն է, թե ինչպե՞ս դու կխաղաս:
Դենիել Կիզ

Համարձակությունը վախի բացակայությունը չէ: Համարձակությունն այն է, երբ անում ես անհրաժեշտը` վախով հանդերձ:
Ջեկ Քենֆիլդ

Ծուլությունը հիմարների արձակուրդն է:
Չեսթերֆիլդ

Երբեմն հեռանալը սիրո ամենամեծ դրսևորումը կարող է լինել:
Գեյլ Ֆորման

Հավանաբար ամենատխուր իմաստնությունը, որ մարդը ձեռք է բերում տարիքի հետ, սեփական անձի հանձեպ աճող դժգոհությունն է:
Վլադիմիր Սանին

Կյանքն ինձ տրված է ոչ թե ձեզ ցուցադրելու համար, այն տրված է, որ ես ապրեմ նրանով: Իմ պարտքը, այլ ոչ թե մարդկանց կարծիքը` ահա թե որն է իմ հոգսը:
Ռալֆ Ուոլդո Էմերսոն

Գիտե՞ք, թե իրականում ովքեր են կառավարում աշխարհը: Երեխաները: Աշխարհը կառավարում են երեխաները: Ճիշտ է, նախկին երեխաները, բայց նրանցից լավագույնները նրանք են, ովքեր չեն մոռացել, թե ով են եղել նախկինում:
Ֆեոդոր Կնորե

Ներել` չի նշանակում արդարացնել քեզ հասցված վիրավորանքը: Ներել` նշանակում է հասկանալ:
Ռոբին Շարմա

Առյուծը պետք է ժամանակ առ ժամանակ մռնչա, որ հիշեցնի մյուսներին իրենց վախի մասին:
Գրեգորի Ռոբերթս

Նրան դուր էր գալիս խավարը, և խավարում իմաստ կար:
Բուկովսկի

ՄՏՔԵՐ

Երբ վրա է հասնում վերջը, այն գալիս է չափազանց արագ:
Գրեգորի Ռոբերտս

Սերը միակողմանի երթևեկությամբ ճանապարհ է: Սերը, ինչպես և հարգանքը, այն չէ, ինչ ստանում ես, այլ այն, ինչ դու տալիս ես:
Գրեգորի Ռոբերտս

Դիմադրության ժամանակ կարևոր է, թե ինչ արդյունքի կհասնես, այլ ոչ թե քո տեսքն ինչպիսին կլինի: Անիմաստ հերոսությունը նույնն է, թե անիմաստ ինքնասպանությունը:
Էրիխ Մարիա Ռեմարկ

Մարդը հանրագումարն է այն ամենի, ինչ նրա հետ կատարվել է:
Սթիվեն Կինգ

Հոգում կատարվում է գրեթե նույնը, ինչ լինում է ջրի հետ: Այն հոսում է: Այսօր դա գետակ է: Վաղը` ծով: Եվ ջուրն ընդունում է իր անոթի տեսքը:
Ժուզե Ագուալուզա

Տղամարդիկ լավն են, եթե դրանք օգտագործվում են ըստ նշանակության:
Հելգրիմուր Հելգասոն

Որպեսզի հասնես կյանքին, պահանջվում է մի ամբողջ կյանք: Քանի դեռ մենք «կանք»` մենք այնքան հիմար ենք, իսկ երբ արդեն «եղել ենք»` մենք դառնում ենք փոքր-ինչ խելացի:
Հելգրիմուր Հելգասոն

Քաղաքակրթության առաջին պատվիրանն է. «Անցյալը կսպասի…»:
Իրվին Շոու

Մենք չենք կարող ճանաչել մարդուն, երբ նա գալիս է մեզ մոտ: Նրան ճանաչելու համար ինքներս պետք է գնանք նրա մոտ:
Գյոթե

Ատելությունը ոչնչացնում է այն անոթը, որի մեջ նա պահվում է:
Պատրիսիա Քորնուել

Մարդը վեպի պես է: Մինչև վերջին էջը չես իմանա, թե ինչով կավարտվի: Այլապես չարժե ընթերցել:
Եվգենի Զամյատին

Քաղաքական գործիչը միշտ մտածում է հաջորդ ընտրությունների մասին: Մինչդեռ պետական գործիչը մտածում է հաջորդ սերունդների մասին:
Ուինսթոն Չերչիլ

Այնքան հեշտ է տեսնել կեղծիքը, երբ գիտես ճշմարտությունը:
Ռոբերտ Ք. Օ’ Բրայն

— Իմ կարծիքը հաշվի առնու՞մ ես:
— Իհարկե, եթե դու «կողմ» ես:
Ռիչարդ Քասլ

Սովորաբար մարդիկ շատ են մտածում: Բայց դժբախտությունն այն է, որ նրանք մտածում են խնդիրների, ոչ թե դրանց լուծման մասին:
Դեվիդ Ալլեն

Եթե քեզ խաբել են մեկ անգամ` ամոթ խաբեբային: Եթե խաբել են երկրորդ անգամ` ամոթ քեզ:
Մերի Էլիս Մոնրո

— Որտե՞ղ են խելացի մարդիկ թաքցնում ավազահատիկը:
— Ծովափին:
— Իսկ որտե՞ղ են խելացի մարդիկ թաքցնում տերևը:
— Անտառում:
Գիլբերտ Կիտ Չեսթերտոն

Աշխարհի կարգն է այդպես. ծնողները զավակներին տալիս են այնքան սեր, որքան ունեն, իսկ զավակները ծնողներին` որքան կարող են:
Օլգա Գոլոտվինա

ՄՏՔԵՐ

Մարդիկ երբեք չկարողացան կյանքն ընկալել այնպես, ինչպիսին այն կա: Նրանք միշտ կործանեցին կյանքը և ապրեցին ամպերի մեջ:
Ռոբին Հոբբ

Դուք կարծում եք, թե տիրապետում եք հիշողությանը, մինչդեռ նա է ձեզ տիրապետում:
Ջոն Իրվինգ

Ոչ մի տղամարդ չի կարող պարազապես կնոջ ընկերը լինել:
Ջոն Իրվինգ

Ես համեստ եմ, երբ խոսում եմ իմ մասին, բայց հպարտ եմ, երբ ինձ համեմատում եմ:
Սերգեյ Դովլաթով

Տարիքն առնել` նշանակում է չիմանալ, թե ուր գնալ:
Մոնիկա Ֆագերհոլմ

Գնացին նրանք: Մենք էլ ենք գնալու: Գալու եք դուք, բայց ձեզնից հետո էլ են գալու:
Կարապետ Գրիչ

Մարդկային հնարավորությունները միշտ հետ են մնում մտադրություններից:
Ջերոմ Ք. Ջերոմ

Սերը երգ է, որ կարող ես նաև միայնակ երգել, բայց ընտանեկան կյանքը պար է, որ պարում են միայն զույգերով:
Վերա Չիրկովա

Այսօրվա աշխարհը երեկվա կրակի մոխիրն է:
Գրացիա Վերասանի

Մարդը, ով ցանկացել, բայց չի կարողացել սուրբ դառնալ, դառնում է հրեշ:
Բորիս Ակունին

Հրաժեշտ տալը ցավոտ էր: Բայց ես հրաժեշտի փորձ ունեմ: Այն սովորեցնում է նայել առաջ:
Պոլ Անդերսոն

Ինչ-որ մեկին սիրելն ամենահամարձակ բանն է, որ մենք կարող ենք անել այս կյանքում:
Վիկտորյա Ուոլտերս

Գույժ, մոտենում է ժամանակը, երբ մարդն այլևս աստղ չի ծնվելու: Գույժ, մոտենում է ամենաչնչին մարդու ժամանակը, որն այլևս չի կարողանալու քամահրել ինքն իրեն: Նայեք, ես ձեզ ցույց եմ տալիս Վերջին մարդուն:
Նիցշե

Քանի դեռ մենք հակված ենք փախչել ինքներս մեզնից և խուսափել մեր տառապանքների ազնիվ գնահատումից, մենք կմնանք հիվանդներ:
Ռոբին Նորվուդ

Վտանգը չարի մեջ չէ, այլ մարդու: Չարն ամենքի մեջ էլ կա, բայց արդյունքում ամեն մեկին տրվում է ընտրության իրավունք:
Ռեյչել Վան Դայկեն

Արժեքավոր է միայն այն, ինչը դուք կիմանաք այն բանից հետո, երբ կիմանաք ամեն ինչ:
Ջոն Վուդեն

Սերն ու գեղեցկությունը հավերժ չեն: Միայն կեղտն է հավերժ:
Կամիլա Գրեբե

ՄՏՔԵՐ

Վախեցիր համբերատար մարդու զայրույթից:
Պենելոպա Դուգլաս

— Դու հավատու՞մ ես Աստծուն:
— Ես սպասում եմ: Սպասում եմ, թե երբ կհավատամ:
Դեն Սիմմոնս

Ընկերները պետք են հաջողության հասնելու համար: Իսկ աներևակայելի հաջողության հասնելու համար պետք են թշնամիներ:
Սիդնի Շելդոն

Մարդը կարող է վերք հասցնել ձեր մարմնին, բայց նա երբեք չի հաջողի վիրավորել ձեր հույզերը, եթե, իհարկե, դուք ինքներդ թույլ չտաք նրան այդ բանը:
Ավգուստո Կուրի

Զբաղված լինելը բավարար չէ. այդպես նաև մրջյուններն են լինում: Հարցն այն է, թե ինչով ես զբաղված:
Հենրի Դեվիդ Թորո

Մենք անհուսորեն ձգտում ենք դեպի անցյալ, բայց նա ամեն ժամ փոփոխվում է, և այնտեղ են ներխուժում մեր այսօրվա զգացմունքները:
Պասկալ Կինյար

Մի հավատացեք մեզ, հավատացեք նրան, ինչ մեր թիկունքում է:
Ալեքսանդր Բլոկ

Խինդն ու թախիծը նույն անկողնում են քնում: Ու պատահում է, որ երբ ձայն ես տալիս մեկին, մյուսն է արթնանում:
Բոժենա Նեմցովա

Ցանկանում եմ ցանկանալ այն, ինչ չեմ ցանկանում:
Միքելանջելո

Դժոխքն այն չէ, որ քեզ երբեք չեն սիրել: Դժոխքն այն է, երբ դու ոչ մեկին սիրելչես կարող:
Խայմ Շապիրա

Թերությունների բացակայությունն արդեն իսկ մեծ թերություն է:
Վոն Էնթվիստլ

— Պաշտում եմ խոզերին,- նկատեց Չերչիլը` շոյելով նրանցից մեկին:- Շները մեզ նայում են հարգանքով: Կատուները մեզ արհամարհում են: Իսկ խոզերը մեզ վերաբերվում են, ինչպես հավասարը հավասարի:
Բարրի Սնիգեր

Երջանկությունն ինքը քեզ կգտնի: Նա սիրում է վստահներին ու անկախներին, այլ ոչ թե նրանց, ովքեր լապտերով են երջանկություն փնտրում:
Տատյանա Ուստինովա

Նույնիսկ անսիրտ մարդիկ են սրտի կաթված ստանում, այնպես չէ՞:
Լի Բերմեխո

Հասարակ գաղտնիք է. եթե դուք ցանկանում եք ինչ-որ բան անել, դադարեք մտածել, ընդհատեք ներքին երկխոսությունը մինչ այն պահը, երբ սկսում եք գործել:
Փիթեր Բրեգման