Պահոց | Մայիսի, 2013

ԷԴԳԱՐ ՊՈ

29 Մյս

Արդյո՞ք խելագարությունը բանականության գերագույն դրսևորումը չէ: Թերևս այն, ինչ պանծալի է, և այն ամենը, ինչ վեհ է, ծագում է հենց հիվանդագին ուղեղի այն հատուկ վիճակներից, որոնց շնորհիվ իմացությունը վեր է հառնում ի հաշիվ հասարակ գիտակցության: Ցերեկով երազողներին բացահայտ են շատ բաներ, որոնք մատչելի չեն նրանց, ով երազում է միայն գիշերները: Մշուշոտ անուրջներում նրանք նշմարում են հավերժի վաղանցիկ պատկերներն ու սարսռալով արթնանում` հիշելով, որ հաղորդակից են եղել մի մեծ գաղտնիքի: Կցկտուր դրվագներով նրանք յուրացնում են բարու իմաստությունը, բայց ավելի շատ` չարիքի ստորին գիտությունը: Ինչևէ, անղեկ ու անառագաստ նրանք խրվում են «անճառելի լույսի» անհուն օվկիանոսը, որ, ինչպես նուբիացի բնախույզը կասեր, «նորից մտնեն խավարի ծովը` նրա պարունակությունը հետազոտելու համար»:

EAP

ԱՅՍՊԵՍ ԵԿԱՎ ԱՆԿԱԽՈՒԹՅՈՒՆԸ

27 Մյս

«Անդրկովկասի քաղաքական ամբողջութեան լուծումով եւ Վրաստանի ու Ադրբեջանի անկախութեան հռչակումով ստեղծուած նոր կացութեան հանդէպ, Հայոց Ազգային Խորհուրդը իրեն յայտարարում է հայկական գաւառների գերագոյն ու միակ իշխանութիւն: Որոշ ծանրակշիռ պատճառներով թողնելով մօտիկ օրերում կազմել Հայոց Ազգային Կառավարութիւն, Ազգային Խորհուրդը ժամանակաւորապէս ստանձնում է կառավարութեան բոլոր ֆունկցիաները հայկական գաւառների քաղաքական եւ վարչական ղեկը վարելու համար»:

Հայոց Ազգային Խորհուրդ
1918, Մայիս 30

post-31580-1253162534

Առաջներում էլ այսպես էին ընտրում

27 Մյս

Երևանից մեզ գրում են. «Այն կարգադրություններից հետո, որով քաղաքի թուրք և հայ ձայնավորների թիվը պիտի հավասարեցվի, ժամանակը վաղուց անցկացրած քաղաքագլուխ Գեղամով մեծ հույս ունի նորից ընտրվելու: Նա թուրք ձայնավորներին իր կողմը գցելու միջոցները գիտե, մանավանդ որ դրա համար հարկավոր էլ չէ բոլոր ձայնավորների համար գործ ունենալ, այլ բավական է միայն մի քանի պարագլուխ հաջիների հաճությունն առնել: Ինչ կասկած, որ Գեղամովի վերընտրությունը, բացի այն, որ կապացուցանե, թե ինչպիսի ինտրիգաներով են շրջապատված քաղաքային ընտրությունները, այլև ցույց կտա, թե որքան մեռած է Երևանի մեջ հասարակական գիտակցությունը: Բայց մի՞թե ճշմարիտ մեռած է այդ գիտակցությունը…»:

 

«Մշակ», 1890 թ.

man_shoeing_ox_in_market_square._yerevan_armenia._1918-1919

ՄԻԽԱՅԻԼ ԲՈՒԼԳԱԿՈՎ

27 Մյս

Դու քո խոսքն արտասանեցիր այնպես, կարծես չես ճանաչում ստվերները, ինչպես նաև չարիքը: Դու նույնքան բարի չե՞ս լինի` խորհելու համար այս հարցի շուրջ. ի՞նչ կաներ քո բարությունը, եթե գոյություն չունենար չարիքը, և ինչպիսի՞ տեսք կունենար երկիրը, եթե նրա վրայից անհետանային ստվերները: Չէ՞ որ ստվերները ծնվում են առարկաներից ու մարդկանցից: Ահա իմ սուսերի ստվերը: Սակայն լինում են ծառերի և կենդանի արարածների ստվերներ: Արդյոք դու չե՞ս ցանկանում կողոպտել ողջ երկրագունդը` նրանից հեռացնելով բոլոր ծառերն ու շնչավորներին` հանուն մերկ լույսի մասին քո երևակայության բավականության: Դու հիմար ես:

«Վարպետն ու Մարգարիտան»

img3

ՌԻՉԱՐԴ ԲԱԽ

26 Մյս

Օրենքը կեցության բոլոր մակարդակներում նույնն է` մեր հաջորդ աշխարհը մենք ընտրում ենք այստեղ ձեռք բերած գիտելիքների միջոցով: Եվ եթե այստեղ մենք նախընտրել ենք անգիտությունը եւ մեր գիտելիքը մնացել են առաջվանը, հաջորդ կյանքը ոչնչով չի տարբերվի ներկայից, նրա բոլոր սահմանափակությունները կպահպանվեն:

Բացարձակ արագությունը` դա ժամում հազար մղոնը չէ: Եվ ոչ էլ միլիոնը: Եվ ոչ էլ նույնիսկ լույսի արագությունը, քանզի ցանկացած թիվ սահմանազատման էությունն է, իսկ սահմանազատումը միշտ էլ  սահմանափակում է: Եվ ուրեմն բացարձակը սահմանազատում ունենալ չի կարող: Այնպես որ, բացարձակ արագությունն այն է, երբ դու պարզապես գտնվում ես այնտեղ, որտեղ պատրաստվում ես ուղևորվել: Տարածության նկատմամբ հաղթանակից հետո մնում է միայն Այստեղը: Իսկ ժամանակի նկատմամբ հաղթանակից հետո` Հիման:

richard-bah-08

Երևանը հայտնվեց անգրագետ պաշտոնյայի կարգավիճակում

26 Մյս

images (1)2001 թ. ՅՈՒՆԵՍԿՕ-ն որոշում ընդունեց յուրաքանչյուր տարի Գրքի համաշխարհային մայրաքաղաք տիտղոսը շնորհել այն քաղաքին, որը պարտավորվում է սեր սերմանել գրքի և ընթերցանության հանդեպ:
Այս կոչմանն արդեն արժանացել են Մադրիդը, Ալեքսանդրիան, Մոնրեալը, Թուրինը, Ամստերդամը, Բուենոս Այրեսը և այլ քաղաքներ: Իսկ 2012-ին գրքի 12-րդ համաշխարհային մայրաքաղաք հռչակվեց Երևանը: Շարունակել կարդալ

ԺԲՐԱՆ ԽԱԼԻԼ ԺԲՐԱՆ

26 Մյս

ՍԻՐՈ ՄԱՍԻՆ

Երբ սերը հրավիրի ձեզ, հետևեք,

Թեև նրա ուղիները դժվարին են ու խութապատ.

Եվ երբ նրա թևերը պարուրեն ձեզ, հանձնվեք,

Թեև նրա փետուրների մեջ պահված սուրը կարող է խոցել ձեզ,

Եվ երբ խոսի ձեզ հետ, հավատացեք,

Թեև նրա ձայնը կարող է փշրել ձեր երազները, ինչպես որ հյուսիսային հողմը ավերում է պարտեզը:

Որովհետև ինչպես որ սերը թագադրում է ձեզ, նույնպես էլ խաչում է, ինչպես որ աճեցնում է ձեզ, նույնպես էլ էտում,

Ինչպես որ ձեր հասակն ի վեր բարձրանում է և արևի տակ սրսփացող ձեր ամենից մատղաշ ճյուղերը շոյում,

Նույնպես և հասնում է ձեր արմատներին ու սարսռում հողի նրանց կառչանքը:

Ցորենի շեղջերի պես ձեզ ամփոփում է իր մեջ, կալսում ձեզ` մերկացնելու համար,

Մաղում է` ազատագրելու համար ձեզ ձեր կեղևներից,

Աղում է, մինչև որ սպիտակեք,

Շաղում է, մինչև որ փափկեք,

Եվ հետո հանձնում է իր սրբազան կրակին, որպեսզի Աստծո սրբազան խնջույքի սրբազան հացը լինեք:

Սերն այս բոլորն անելու է ձեզ, որպեսզի ձեր սրտերի գաղտնիքներն իմանաք ու այդ իմացությամբ կյանքի սրտի մի մասունքը դառնաք…

Halil-Dzhebran-548x600

ԺԱՆ-ՊՈԼ ՍԱՐՏՐ

26 Մյս

Դուք` մոռացվածներդ, լքյալներդ, հիասթափվածներդ, դուք, որ քարշ եք գալիս հողի վերին շերտերի տակ, խավարի մեջ, ինչպես հրաբխային ծխի հոսանքներ, դուք, որ ոչինչ չունեք կորցնելու` ձեր անհուն զայրույթից բացի, դուք` մեռելներդ, ելեք ոտքի, ձեր տոնն է այսօր: Եկեք, վեր բարձրացեք հողից, ինչպես ծծմբի շոգու ահավոր ալիքը քամու բերանին: Բարձրացեք աշխարհի արգանդից, ով մեռելներ` մահացած հարյուր անգամ, դուք, որոնց մենք սպանում ենք նորովի` մեր սրտի ամեն մի զարկով: Հանուն զայրույթի ու մաղձի, հանուն վրիժառության ես ձեզ վերակոչում եմ, ելեք, հագեցրեք ողջերի հաշվին ձեր ծարավ ատելությունը: Եկեք որպես թանձր մշուշ ու լցրեք մեր փողոցները: Ձեր կուռ հորդաները թող խցկվեն մոր և մանկան միջև, սիրուհու և սիրեկանի միջև: Թող ողջերն ափսոսան, որ դեռ չեն մահացել: Ոտքի ելեք, ճիվաղներ, սողուններ, ուրվականներ, արծվամարմին չարքեր, դուք` մեր գիշերների սարսափը: Ելեք զինվորներ, դուք որ մեռնելիս որպես վերջին խոսք անիծեցիք աշխարհը: Ոտքի ելեք, ով ձախորդներ, ստորացվածներ: Ոտքի ելեք, սովահարներ, դուք, որ հոգեվարքի ճիչն արձակելիս մեզ անիծեցիք: Նայեք, այստեղ են ողջերը, այդ ճարպոտ, կենդանի ավարաները: Ելեք և փոթորկաշունչ գրոհեք նրանց վրա, կրծեք նրանց մարմինները: Ելեք, ելեք, ելեք…

sartre583

%d bloggers like this: