Tag Archives: ՍԵՐ

ՍԻՐՈ ԲԱԶՄԱԶԱՆՈՒԹՅՈՒՆԸ

25 Ապր

Հին հույների մոտ սիրո տարբեր նշանակությունների համար գործածվում էին տարբեր բառեր: Այսպես, «էրոս»` նշանակում էր տարերային, հիացական սիրահարվածություն, սիրո օյեկտի նկատմամբ պաշտամունքային վերաբերմունք: «Ֆիլիա»` նշանակում էր սեր-բարեկամություն կամ սեր-կախվածություն` գիտակցված ընտրությամբ: «Ստորգեն» քնքուշ սերն էր, հատկապես ընտանեկան: «Լյուդուսը» սիրախաղն էր` անվստահության հակվածությամբ: «Ագապեն» զոհաբերվող սեր էր, «պրագման»` հաշվենկատ սերը, իսկ «մանիան»` սեր-մոլուցքը:

iubire-465x390

Advertisements

ՖՐԵԴԵՐԻԿ ԲԵԳԲԵԴԵՐ

31 Օգս

Թիթեռը մեկ օր է ապրում, վարդը` երեք: Կատվի կյանքը 13 տարի է, սիրո կյանքը` երեք տարի: Եվ ոչինչ չես կարող փոխել: Սկզբում կրքերի տարին է, հետո քնքշանքի տարին և վերջապես` ձանձրույթի տարին:
Առաջին տարին ասում են. «Եթե դու գնաս, ես ինձ կսպանեմ»:
Երկրորդ տարին ասում են. «Եթե դու գնաս, ես ցավ կապրեմ, բայց կդիմանամ»:
Երրորդ տարին ասում են. «Եթե դու գնաս, ես դա կնշեմ շամպայնով»:

«Սերն ապրում է երեք տարի» գրքիցлюбовь765

 

ԿՆՈՒՏ ՀԱՄՍՈՒՆ

14 Փտր

Ի՞նչ բան է սերը: Դա քամու սոսափն է վարդի թփերում: Ոչ, դա կրակ է, որ շիկնում է արյան մեջ: Սերը դժոխային մեղեդի է, և նրա հնչյունների տակ պար գալ են ուզում նույնիսկ ծեր սրտերը: Նա իսկը մարգարտածաղիկն է, որ բացվում է մութն ընկնելուն պես և իսկը հողմածաղիկ է, որ թեթև շնչից կծկում է իր թերթերն ու մեռնում է, եթե դիպչես նրան:

Ահա թե ինչ է սերը:Markovtsev Tatyana [Татьяна Марковцева] - Russian Minimalist painter - Tutt'Art@ (63)

ՎԻԼՅԱՄ ՍԱՐՈՅԱՆ

14 Փտր

Ես հավատում եմ սիրուն, իսկ սիրահարները միշտ աղոթում են: Ես հավատում եմ աղոթքներին, թվերին, նշաններին` այն ամենին, ինչն ընդունակ է մեզ հեռու պահել դժբախտությունից, ուղղորդել դա նրանց կողմը, ովքեր չեն սիրում ու չեն երազում: Ես հավատում եմ կանխազգացմանը և հավատում եմ ճշմարտությանը, բայց ամենից շատ ես հավատում եմ սիրուն: Ես չեմ ցանկանում, որ ինչ-որ մեկը տուժի իմ պատճառով, ուզում եմ, որ բոլորը խուսափեն չարիքից, սակայն ես մի բան գիտեմ.- սերը միակ պաշտպանությունն է դժբախտությունից, և հավատում եմ, որ կգա ժամանակը, երբ յուրաքանչյուրը կգտնի իր սերը, կլսի իր երգը, կտեսնի իր որդուն, և Բարձյալի ձեռքը նրան պահապան կլինի:Markovtsev Tatyana [Татьяна Марковцева] - Russian Minimalist painter - Tutt'Art@ (2)

ԱՆԽԵԼ ԴԵ ԿՈՒԱՏԵ

7 Փտր

Մի շփոթիր սերը ցանկության հետ: Սերն արեգակ է, ցանկությունը` ընդամենը բռնկում: Ցանկությունը կուրացնում է, իսկ արևը կյանք է տալիս: Ցանկացողը պատրաստ է զոհաբերումների, իսկ ճշմարիտ սերը չի ճանաչում զոհ և չի հավատում զոհին: Այն նվիրաբերում է: Սերը չի խլում մեկից, որպեսզի տա մեկ ուրիշին: Սերը կյանքի էությունն է: Իսկ քո կյանքը ուրիշին չես հանձնի:

Ցանկությունը սոսկ թվում է, թե բարօրություն է, բայց այն հոգին խանձող բոց է, դա կույր ու դաժան հրդեհ է: Եթե դու սիրում ես մարմինը` դա միայն ցանկությունն է: Սերը վերաբերմունք է մարդու, այլ ոչ թե նրա մարմնի հանդեպ: Ու հենց այստեղ է սիրո գաղտնիքը:kartinki-foto-lyubov-425

ԿՈՒՐՏ ՎՈՆԵԳՈՒՏ

19 Դկտ

— Էլիզա,- ասացի ես,- քեզ համար այնքան շատ գրքեր եմ կարդացել, ուր ասվում է, թե սերն աշխարհում ամեն բանից կարևոր է: Գուցե պետք է հիմա ասե՞մ, որ սիրում եմ քեզ:

— Ասա,- պատասխանեց նա:

— Ես սիրում եմ քեզ, Էլիզա,- ասացի ես:

Նա մտածեց:

— Ոչ,- ասաց վերջապես,- ինձ դուր չի գալիս:

— Ինչու՞,- հարցրեցի ես:

— Այնպիսի զգացողություն է, կարծես դու ատրճնակը դրել ես գլխիս,- ասաց նա:- Սա ընդամենը մի միջոց է` ստիպելու մեկ ուրիշին ասել այն, ինչը նա գուցե թե բոլորովին էլ չի ցանկանում: Դե, ուրիշ ինչ է մնում ինձ ասել, ուրիշ ինչ կարող է ասել մարդը, բացի այս բառերից. «Ես էլ եմ քեզ սիրում»:

«Վերջ միայնությանը» գրքիցvonnegut_200_150-219d763eeb5cd691ac0ce99b2b5fd1320047ede3-s6-c30

ՊԵԴՐՈ ՍԱԼԻՆԱՍ

18 Դկտ

Ուղղակի ներկա

Ո՛չ հուշեր, ո՛չ գուշակություն,

Միայն հիմա՝ երգելով,

Ո՛չ լռություն, ո՛չ բառ,

Քո ձայնը՝ միայն ու միայն հետս խոսելիս:

Ո՛չ ձեռքեր, ո՛չ շուրթեր,

Միայն երկու մարմին՝

Բաժանված հեռու հեռվում:

Ո՛չ լույս, ո՛չ մշուշ,

Ո՛չ աչքեր, ո՛չ հայացք,

Ցոլանք՝ հոգու ցոլանք:

Եվ վերջապես

Ո՛չ վայելք, ո՛չ ցավ,

Ո՛չ երկինք, ո՛չ երկիր,

Ո՛չ վերև, ո՛չ ներքև,

Ո՛չ կյանք, ո՛չ մահ, ոչինչ,

Միայն սեր, միայն սիրելով:

ԹարգմանությունըՌուզաննա Պետրոսյանի310952

ՄԻԼՈՐԱԴ ՊԱՎԻՉ

15 Դկտ

Տեսնու՞մ ես, վերևում` լեռների վրա ձյունն է նստած: Եվ դու մտածում ես, որ դա ընդամենը ձյուն է: Բայց դա այդպես չէ: Այնտեղ երեք ձյուն կա, ընդ որում դա կարել է նաև այստեղից պարզ տեսնել ու տարբերակել: Մի ձյունն անցյալ տարվանն է, երկրորդը, որ նշմարվում է դրա տակ` նախանցյալ տարվանը, իսկ վերևինն այս տարվա ձյունն է: Ձյունը միշտ ճերմակ է, բայց ամեն տարի այն տարբեր է: Այդպես էլ սերն է: Կարևոր չէ, թե այն քանի տարեկան է, էական է` փոփոխվու՞մ է այն, թե ոչ: Եթե ասես` իմ սերն արդեն երեք տարի միօրինակ է, իմացիր, որ սերդ մեռել է: Սերը կենդանի է այնքան ժամանակ, քանի դեռ փոփոխվում է: Բավական է այն դադարի փոխվել, դա վերջն է:269683-3200x1200

ԺԱՆ-ԼՈՒԻ ԿՈՒՐՏԻՍ

26 Նյմ

Երբ սիրում ես, անտանելի է զգալ, որ սիրելիդ քեզ համարում է ոչ բավարար գրավիչ կամ էլի դրա նման ինչ-որ մի բան: Որ դու ոչ սոցիալապես, ոչ ֆինանսական առումով քո բարձրության վրա չես: Որ սիրելիդ համարյա արհամարհում է քեզ: Չկա դրանից ավելի դառնագին բան, ոչինչ այդքան ճնշվածություն չի պատճառում, ոչինչ այդպես չի խորտակում… Եվ քեզ համակում է վախը, քանզի հասկանում ես, որ սերն առանց հարգանքի անմտություն է:

Սերը մի զգացում է, որը ոչնչի պահանջ չունի, բացի սիրո առարկայից, մի զգացում, որ սնվում է ինքն իրենով, իր անպարփակ էությունից… AVT_Curtis-J-l_2469

ԷՐԻԽ ՖՐՈՄՄ

30 Հկտ

Սերն արվե՞ստ է: Եթե այո, ապա այն պահանջում է գիտելիք ու ջանք: Կամ գուցե սերը հաճելի զգացողությու՞ն է, որը ճաշակելը նախախնամության գործն է, մի այնպիսի բան, որը բաժին է ընկնում մարդուն երջանիկ պատահականությամբ: Բանն այն չէ, որ մարդիկ սերը համարում են անկարևոր: Նրանք դա փափագում են, նրանք դիտում են անթիվ քանակությամբ երջանիկ ու դժբախտ սիրային պատմություններով ֆիլմեր, նրանք հարյուրավոր հիմար երգեր են լսում սիրո մասին, բայց հազիվ թե որևէ մեկն իսկապես մտածում է, որ կա սերը սովորելու անհրաժեշտություն: Մարդկանց մեծամասնության համար սիրո խնդիրը սիրված լինելն է, այլ ոչ թե սիրել կարողանալը:fromm-400x250

ԿՈՐՐԻ ԹԵՆ ԲՈՈՄ

16 Հկտ

Ի՞նչն է մեզ ամենաուժգին ցավը պատճառում: Սերը: Սերն ամենասարսափելի ուժն է աշխարհում, և եթե այն չի հանդիպում պատասխան զգացումի, ապա մեզ ստիպում է տառապել: Երբ դա կատարվում է, պետք է երկու բան անել: Կարելի է սպանել սեփական զգացումը, սակայն այդ դեպքում կսպանվի նաև մեզնից մի մասնիկ: Կամ էլ, Կորրի, կարելի է Տիրոջից խնդրել` մեկ այլ ճանապարհ բացել այդ սիրո համար: Եվ եթե դու խնդրես նրան, նա քեզ սեր կտա, որին այլևս ոչինչ չի կարող ոչնչացնել: Երբ մենք չենք կարողանում սիրել` այդ բառի սովորական իմաստով, Կորրի, Տերը մեզ կարող է տալ մեկ ուրիշ հրաշալի միջոց… Երջանկությունը պայմանավորված չէ մեր շրջապատով: Երջանկությունն այն է, ինչը մենք ստեղծում ենք մեր սրտում:

«Օթևանը» գրքիցCorrie-ten-Boom

ԱՆԴՐԵ ԼԵԿԼԱՐԿ

21 Սպտ

ՍԻՐՈ ԿԱՆՈՆՆԵՐԸ

 Առանց սիրո ամուսնությանն արդարացում չկա:

Սիրահարներին չարժե ամուսանանալ, եթե հաճախ սերը վերածվում է խուճապային փախուստի:

Չկա հաճույք այն գուրգուրանքներից, որոնք ձեռք են բերվում առանց համաձայնության:

Ոչ ոք չի խանգարում կնոջը սիրված լինել երկու տղամարդու կողմից, կամ տղամարդուն` սիրվել երկու կնոջից: Սակայն ոչ ոք չի կարող ունենալ երկու կապվածություն միաժամանակ:

Սերն ու ժլատությունը չեն ապրում մի տան մեջ:

Այն թեթևությունը, որով մեզ տրվում են մարմնական հաճույքները, արժեզրկում են դրանք, այն դեպքում, երբ դժվարություններն ու խոչընդոտները բարձրացնում են դրանց գինը:

Ճշմարիտ սիրահարները միշտ ամաչկոտ են:

Ամուսնությունը չի բացառում սերը:17f2c5a9

ԿԵՏՐԻՆ ԷՆՆ ՊՈՐՏԵՐ

12 Սպտ

Սիրո նախահիմքը, նրա առաջին նախապայմանը հավատն է, անվերապահ հավատարմությունն ու նվիրվածությունը: Ճշմարիտ սերը կույր չէ, ընդհակառակն, այն գուցե թե առաջինն է, որ բացում է մարդու աչքերը: Սիրելի մարդու աննշան դավաճանությունը` կատարվել է վաղ, թե ուշ, ամեն բանի դավաճանությունն է ի սկզբանե: Այն կործանում է ոչ միայն ապագան, այլև անցյալը, քանզի դա նշանակում է, որ կյանքի յուրաքանչյուր օրը, լիակատար վստահությունը կեղծիք էր, և սիրտը խաբված է եղել: Ով գեթ մեկ անգամ անհավատարիմ է եղել, նա երբեք հավատարիմ չի եղել:katherine-anne-porter

ԿՈՒՐՏ ՎՈՆԵԳՈՒՏ

16 Հլս

Բոլոր հիմարները մի դժբախտություն ունեն. իրենց հիմարության ծայրով անգամ չեն ենթադրում, որ աշխարհում կա այնպիսի մի բան, ինչպիսին է առողջ բանականությունը: Ու թեև մարդիկ հիմար են ու դաժան, տեսեք, թե այսօր ինչ հրաշալի օր է…

Մարդկային կյանքի իմաստը (ինչն էլ որ ղեկավարի մարդկանց) միայն այն է, որպեսզի սիրես նրանց, ովքեր քո կողքին են, ովքեր քո սիրո կարիքն ունեն: Աշխարհում այնքան սեր կա, որ կբավականացնի բոլորին: Պետք է պարզապես փնտրել կարողանալ: Չի կարելի մի ոտքով կանգնել իրականության, իսկ մյուսով երազանքների վրա, այլապես ճակատագրի համար չափազանց մեծ կլինի գայթակղությունը` ձեզ երկու կես անել, մինչ դուք կորոշեք, թե որ ուղին եք ընտրելու:

tumblr_kwd222qVra1qailcpo1_500

ԳԱԲՐԻԵԼ ԳԱՐՍԻԱ ՄԱՐԿԵՍ

8 Հնս

Մի ամբողջ շաբաթ ես իմ հագից չհանեցի տնային խալաթը, ոչ ցերեկը, ոչ գիշերը, չլվացվեցի, չսափրվեցի, չմաքրեցի ատամներս, քանի որ սերը ինձ շատ ուշ սովորեցրեց, որ մարդն իրեն կարգի է բերում, հանգնվում է և օծվում է օծանելիքով ինչ-որ մեկի համար, իսկ ես ոչ մեկը չունեի: Ու՞մ համար…

Ամուսնությունը որպես այդպիսին չի ունեցել որևէ գիտական հիմնավորում. երկու հոգի, իրար հազիվ ծանոթ, մեկը մյուսին ոչնչով չնմանվող, տարբեր բնավորություններով, մեծացած տարբեր մշակութային միջավայրերում և, ամենագլխավորը, տարբեր սեռերից, պիտի, չգիտես ինչու, ապրեին միասին, քնեին միևնույն անկողնում և կիսեին իրենց ճակատագիրն այն դեպքում, երբ, ամենայն հավանականությամբ, նրանց համար նախատեսված էր եղել միանգամայն այլ ճակատագրեր:

Թույլերը երբեք չեն կարող ոտք դնել սիրո թագավորություն: Այդ թագավորությունում օրենքները խիստ են: Կանայք հանձնում են իրենց միայն համարձակ ու վճռական տղամարդկանց, նրանք հույսով են ներշնչում, իսկ դա այն է, ինչ հարկավոր է կանանց:

Սիրո մի տարատեսակը ոչնչացնում է սիրո մեկ այլ տարատեսակի, քանի որ մարդը հավատարիմ է իր բնույթին. հագեցնելով քաղցը` նա կորցնում է հետաքրքրությունը սննդի նկատմամբ:

images

ԺԲՐԱՆ ԽԱԼԻԼ ԺԲՐԱՆ

26 Մյս

ՍԻՐՈ ՄԱՍԻՆ

Երբ սերը հրավիրի ձեզ, հետևեք,

Թեև նրա ուղիները դժվարին են ու խութապատ.

Եվ երբ նրա թևերը պարուրեն ձեզ, հանձնվեք,

Թեև նրա փետուրների մեջ պահված սուրը կարող է խոցել ձեզ,

Եվ երբ խոսի ձեզ հետ, հավատացեք,

Թեև նրա ձայնը կարող է փշրել ձեր երազները, ինչպես որ հյուսիսային հողմը ավերում է պարտեզը:

Որովհետև ինչպես որ սերը թագադրում է ձեզ, նույնպես էլ խաչում է, ինչպես որ աճեցնում է ձեզ, նույնպես էլ էտում,

Ինչպես որ ձեր հասակն ի վեր բարձրանում է և արևի տակ սրսփացող ձեր ամենից մատղաշ ճյուղերը շոյում,

Նույնպես և հասնում է ձեր արմատներին ու սարսռում հողի նրանց կառչանքը:

Ցորենի շեղջերի պես ձեզ ամփոփում է իր մեջ, կալսում ձեզ` մերկացնելու համար,

Մաղում է` ազատագրելու համար ձեզ ձեր կեղևներից,

Աղում է, մինչև որ սպիտակեք,

Շաղում է, մինչև որ փափկեք,

Եվ հետո հանձնում է իր սրբազան կրակին, որպեսզի Աստծո սրբազան խնջույքի սրբազան հացը լինեք:

Սերն այս բոլորն անելու է ձեզ, որպեսզի ձեր սրտերի գաղտնիքներն իմանաք ու այդ իմացությամբ կյանքի սրտի մի մասունքը դառնաք…

Halil-Dzhebran-548x600

ՍՏԵՖԱՆ ՑՎԱՅԳ

26 Հնվ

Ոչ, առողջները, ուժեղները, հպարտները, զվարթները չեն կարողանում սիրել: Նրանց ինչի՞ն է դա պետք: Նրանք ընդունում են սերն ու խոնարհումն ըստ հարկի, մեծամտորեն և անտարբեր: Եթե մարդը տրվում է նրանց ամբողջապես, նրանք դրա մեջ չեն տեսնում ողջ կյանքի իմաստն ու երջանկությունը: Ոչ, նրանց համար դա ընդամենը լրացում է իրենց անձի, ասես մազերի կամ ապարանջանի զարդարանք: Միայն ճակատագրից քշվածներին, ճնշվածներին, թույլերին, տգեղներին, մերժվածներին է կարելի իրապես օգնել սիրո միջոցով: Նա, ով տալիս է իր կյանքը սիրուն, հատուցվում է այն ամենի համար, ինչ իրենից խլվել է: Միայն նրանք գիտեն ճշմարտորեն սիրել և ընդունել սերը, միայն նրանք գիտեն, թե ինչպես է պետք սիրել. համակերպումով և երախտագիտորեն…

Zweig Stefan

ԷՐԻԽ ՄԱՐԻԱ ՌԵՄԱՐԿ

22 Հնվ

— Ես այնքան երջանիկ եմ,- ասաց նա:

Ես կանգ առա ու նայեցի նրան: Նա ընդամենը երեք բառ էր ասել: Սակայն երբեք ես չէի լսել, որ դրանք այդպես արտաբերվեին: Ես ճանաչում էի կանանց, բայց նրանց հետ հանդիպումները մշտապես եղել էին թռուցիկ` ինչ-որ արկածներ, երբեմն` պայծառ ժամեր, միայնակ երեկո, փախուստ ինքդ քեզնից, հուսահատությունից, դատարկությունից: Ասենք` ես ինքս էլ այլ բան չէի փնտրել. Չէ՞ որ գիտեի, որ չի կարելի հույս դնել այլ բանի, քան ինքդ քո կամ, լավագույն դեպքում` ընկերոջ վրա: Ու հանկարծ ես տեսա, որ ինչ-որ բան եմ նշանակում մեկ ուրիշի համար և որ նա երջանիկ է միայն այն պատճառով, որ ես իր կողքին եմ: Նման խոսքերն ինքնըստինքյան շատ հասարակ են հնչում, բայց երբ խորհում ես այդ մասին, սկսում ես հասկանալ, թե որքան անսահմանորեն կարևոր է այդ ամենը: Այն կարող է փոթորկել մարդու հոգին և տիրել նրան: Դա սեր է, բայց և մի տեսակ ուրիշ բան: Այնպիսի մի բան, հանուն որի արժե ապրել:

1

ԼԵԳԵՆԴ ՍԻՐՈ ՄԱՍԻՆ

30 Սպտ

Շատ ժամանակներ առաջ կար մի կղզի, որի վրա ապրում էին մարդկային բոլոր զգացմունքներն ու հոգևոր արժեքները. Ուրախություն, Տխրություն, Իմացություն և այլն: Նրանց հետ միասին ապրում էր նաև Սերը: Մի անգամ զգացմունքները նկատեցին, որ կղզին կամաց-կամաց ծածկվում է ջրով և շուտով կանցնի ջրի տակ: Բոլորը նստեցին իրենց նավերն ու լքեցին կղզին: Սերը չէր շտապում և սպասում էր մինչև վերջին րոպեները: Երբ կղզին գրեթե ամբողջությամբ սուզվել էր ջրի տակ, և Սերը հասկացավ, որ այլևս հույս չկա, թե կղզին կփրկվի, սկսեց օգնության կանչել: Մոտակայքով անցնում էր Հարստության շքեղ նավը:
Սերը խնդրեց նրան վերցնել իրեն, սակայն Հարստությունն ասաց, որ իր նավի վրա այնքան թանկարժեք իրեր, ոսկի ու արծաթ կա, որ Սիրո համար տեղ չկա:
Այդժամ Սերը դիմեց Գոռոզությանը, ով նույնպես անցնում էր կղզու մոտով, բայց ի պատասխան լսեց, որ իր ներկայությունը կխախտի Գոռոզության նավի վրա տիրող կանոնակարգվածությունն ու կատարելությունը:
Այնուհետև, նկատելով Տխրության նավը, Սերն աղերսանքով դիմեց նրան:
— Օ՜, Սեր, — պատասխանեց Տխրությունը.- ես այնքան տխուր եմ, որ պետք է մենակ մնամ:
Կղզու մոտով իր նավով անցավ նաև Ուրախությունը, սակայն նա այնքան ուրախ էր, որ անգամ չլսեց Սիրո աղերսանքը:
Հանակարծ Սիրո ականջին մի ձայն հասավ. «Արի, Սեր, ես քեզ կվերցնեմ ինձ հետ»: Սերը շրջվեց և տեսավ մի ալևոր ծերունու ու այնքան ուրախացավ, որ անգամ մոռացավ հարցնել նրա անունը: Երբ նրանք հասան ցամաքին, Սերը իջավ նավից, իսկ ծերունին շարունակեց իր ճանապարհը:
Եվ երբ ծերունու նավակը անհայտացավ տեսադաշտից, Սերը հանկարծ սթափվեց. նա նույնիսկ շնորհակալություն չէր հայտնել ծերունուն: Սերը դիմեց Իմացությանը.
— Իմացություն, ասա ինձ, ո՞վ էր իմ փրկիչը:
— Դա Ժամանակն էր,- պատասխանեց Իմացությունը:
— Ժամանա՞կը,- զարմացավ Սերը,- հանուն ինչի՞ նա ինձ օգնեց:
Իմացությունը նայեց Սիրո շփոթված դեմքին և պատասխանեց.
— Միայն Ժամանակը գիտի, և միայն նա է հասկանում` որքան կարևոր է կյանքում Սերը:

ՋՈՆ ՕՍԲՈՐՆ

26 Օգս

Բոլորը փախչում են կյանքի տանջալից ծանրությունից: Եվ մանավանդ սիրուց: Իմաստ չունի սիրո մեջ ինքն իրեն խաբել: Չես կարող սիրել առանց ձեռքերդ կեղտոտելու, սերը ծանր աշխատանք է: Սերը ջղեր ու հոգու արիություն է պահանջում: Եվ եթե ուժ չունես դիմանալու, որ չքնաղ, անբիծ հոգիդ տակնուվրա լինի, ուրեմն ավելի լավ է ընդհանրապես հրաժարվես մարդկանց նման ապրելուց և սուրբ ձեռնադրվես… Անարդարությունն էլ ինչպե՞ս է լինում. քաղցում են նրանք, ովքեր չպետք է քաղցեն, սիրում են նրանց, ովքեր սիրո արժանի չեն, մեռնում են նրանք, ովքեր չպետք է մեռնեն: Մի՞թե ես սխալվել եմ` կարծելով, թե գոյություն ունի մտքի և ոգու մի տեսակ հրավառ խիզախություն, որ փնտրում է իր կորովի նմանակին: Ամենազորեղ, հուժկու արարածները կարծես թե ամենից ավելի միայնակ են այս աշխարհում…

%d bloggers like this: