Tag Archives: ՍԱՌԱ ԲԵՌՆԱՐ

ՍԱՌԱ ԲԵՌՆԱՐ

6 Դկտ

Կյանքը չափազանց կարճ է նույնիսկ երկարակյացների համար: Պետք է ապրել միայն նրանց համար, ովքեր ձեզ լավ գիտեն ու գնահատում են և երբ դատում են՝ միշտ արդարացնում են, նրանց հետ, որոնց դուք վերաբերվում եք նույնպիսի քնքշությամբ և նույնպիսի հանդուրժողականոթյամբ: Մնացյալները ամբոխ են, ուրախ կամ տխուր, հավատարիմ կամ ուխտադրուժ, որոնցից պետք է սպասել սոսկ անցողիկ զգացումներ, հաճելի կամ տհաճ հույզեր, որոնք ոչ մի հետք չեն թողնում:

«Իմ երկակի կյանքը» գրքիցphoto-Sarah-Bernhardt-1-590x460

ՍԱՌԱ ԲԵՌՆԱՐ

29 Նյմ

Ներել՝ չի նշանակում մոռանալ:
Սիրում եմ խորհուրդներ տալ և բնավ չեմ սիրում, երբ ինձ են խորհուրդ տալիս: Ինձ հետ կատարվող ամեն բան զուրկ է տրամաբանությունից ու խելամիտ դատողությունից: Ես անընդհատ իմ առջև զանազան նպատակներ եմ դնում, որպեսզի չդառնամ կապը կտրած: Իսկ որպեսզի հասնես հաջողության, պետք է լինես հրապուրիչ: Հրապույրը դրսևորվում է ամեն ինչում և միաժամանակ ոչ մի բանում: Այն պետք է լինի ձեզնից հորդող էներգիայի մեջ, ձեր հայացքում, քայլվածքի մեջ, ձայնի հնչերանգում, նրբակիրթ շարժուձևում: Բոլորովին պարտադիր չէ լինել ճանաչված գեղեցկուհի կամ գեղեցիկ: Գլխավորը՝ տիրապետել անձնական հրապույրի: Բայց հասարակությունն առավել հակում ունի հավատալու վատ համբավին, քան լավերին: Բարի, խելացի, կարեկից մարդիկ երբ հավաքվում են մի վայում, նրանք դառնում են անհամեմատ վատը: Անհատական պատասխանատվության բացակայության զգացումը հոռի բնազդներ է ծնում: Ծիծաղելի երևալու երկյուղը նրանց զրկում է բարությունից:
Մեծ է այն արվեստագետը, ով հանդիսատեսին ստիպում է մոռանալ մանրամասները: Եթե նույնիսկ ինչ-որ մեկի ճակատին գրված է, որ նա պիտի կարևոր անձ լինի, ապա այդ մասին դատել կարող են միայն նրա մահից հետո: Իսկ լեգենդը միշտ էլ դառնում է ճշմարտությունից նախապատվելի:

%d bloggers like this: