Tag Archives: ՋՈՆ ՍԹԱՅՆԲԵՔ

ՋՈՆ ՍԹԱՅՆԲԵՔ

1 Ապր

Միշտ ապրել եմ տաք և բուռն: Կամ կառապանի պես հարբել եմ, կամ ահավոր շատ կերել, կամ էլ բերանս ոչինչ չեմ դրել: Կամ օրերով քնած եմ եղել, կամ էլ գիշերներն անվերջ աչք չեմ փակել: Կամ ծանր ու երկարատև աշխատանքի մեջ եմ նետվել փառքիս օրերին, կամ էլ օրերով անձնատուր եմ եղել բացարձակ ծուլությանը: Բեռնակիր եմ եղել` արկղեր եմ շալակել ու հրել, փայտահատ եմ եղել, լեռներ եմ մագլցել, տրվել եմ սիրուն ամենայն հաճույքով, և երբ գինարբուքին հաջորդող առավոտը չոր, լեղի շուրթերով արթնացել եմ, ասել եմ` սովորական բան է, ու քայլել եմ առաջ:

228311585

 

ՋՈՆ ՍԹԱՅՆԲԵՔ

21 Հնվ

…Եվ այսպես շարունակ. պետությունից` միություն, միությունից` ազգ: ( Ազգը սովորաբար բնական ինչ- որ սահմաններ ուներ հանձին օվկիանոսի, լեռնաշղթայի կամ գետի, որոնք արգելում էին ավելի հեռուները տարածվել): Ամեն ինչ լավ էր, մինչև որ սրամիտների մի նոր խումբ հայտնագործեց հեռահար միջոցներ` ղեկավարվող արկեր և ատոմային ռումբեր: Դրանից հետո գետը կամ օվկիանոսը որևէ վճռական դեր խաղալ չէր կարող: Չափազանց վտանգավոր դարձավ առանձին ազգություններով ապրելը ճիշտ այնպես, ինչպես ժամանակին չափազանց վտանգավոր էր առանձին ընտանիքներով ապրելը:
Երբ մարդիկ հայտնվում են կործանման սպառնալիքի տակ, ստիպված մի նոր ելք են սկսում որոնել: Այժմ մենք ունենք Միավորված ազգեր, և այդ դեպքում էլ ավագներից պրծում չկա: Նրանք դեմ են Միավորված ազգերին ճիշտ այնպես, ինչպես ժամանակին դիմադրում էին մեր նախնիներին քարանձավներից դուրս գալիս: Բայց մենք հիմա ստիպված չենք լինի ընտրություն կատարել: Բանը բարեհոգության և առաջընթացի ցանկության մեջ չէ: Դեռևս քարանձավային շրջանից, մենք ամեն անգամ ընտրություն կատարելով, երբեք չենք ընտրել կործանումը: Եվ եթե այս ամենից հետո մենք ինքներս ջախջախենք մեզ, ապա բավականին հիմար բան կստացվի: Նման պարագայում մենք մեզ ավելի հիմար կդրսևորենք, քան էին քարանձավային մարդիկ, և ես չեմ կարծում, որ դա իրոք այդպես էլ լինի: Ես համոզված եմ, որ մենք նույնքան հիմար ենք, որքան քարանձավային մարդիկ, և դա, վերջին հաշվարկով, այնքան էլ վատ բան չէ:

%d bloggers like this: