Կապուտիկյանի անվան շուրջ վիրտուալ տարածքում շատ թեժ է

«Շատերի համար վատ բան եմ ասելու։ Բայց էլ չեմ դիմանում, բիդի գոչեմ։ Սիլվա Կապուտիկյանը շատ վատ բանաստեղծուհի է։ Շատ վատ». բլոգեր Սամվել Մարտիրոսյանի ֆեյսբուքյան ընդամենը այս մեկ գրառումը բավարար եղավ, որ նշված սոցիալական ցանցով կարծես էլեկտրական հոսանք անցներ:

Երեկ արդեն երկրորդ օրն էր, ինչ վիրտուալ իրարանցում էր սկսվել: Ֆեյսբուքի օգտատերերից ոմանք շտապեցին պաշտպանել Կապուտիկյանին, ոմանք էլ իրենց համերաշխությունն էին հայտնում Սամվել Մարտիրոսյանին: Վերջինների թվում էր բանաստեղծ Կարեն Անտաշյանը: «… մի անգամ Պետրոսի մոտ մի կես բերան Սեւակի մասին իրական կարծիքս էի արտահայտել՝ մինչեւ հիմա փակ համարներից զանգում մահվան սպառնալիքներ են հնչեցնում: Ի աջակցություն լավ մարդու կողմից բարձրաձայնված ճիշտ խոսքի, եւ լիովին գիտակցելով իմ հանդեպ անողոք ժողովրդական ցենզուրայի հնարավոր նոր ալիքի պոռթկումը, ասում եմ, որ այո, Շիրազն ու Կապուտիկյանը միջակ բանաստեղծներ են եւ տեղական նշանակության կարճաժամկետ էմոցիոնալ ֆոնի ձեւակերպումից զատ ուրիշ ոչ մի լուրջ գեղարվեստական խնդիր իրենց տեքստով չեն լուծել ոչ հայ գրականության, ոչ հայոց լեզվի համար»,- գրել է Անտաշյանը:

Բլոգեր Սամվել Մարտիրոսյանին երեկ խնդրեցինք հիմնավորել իր այդքան խիստ գնահատականը: «Պոեզիայի ոլորտում դժվար է կարճ ինչ-որ հիմնավորումներ անել,- պատասխանեց նա, ապա հավելեց, — Այսպիսի խիստ ծայրահեղ` դրական եւ բացասական ռեակցիաները ցույց են տալիս, որ ինչ-որ խնդիր կա»: Սամվել Մարտիրոսյանը նաեւ նկատեց, որ օրինակ դպրոցական դասագրքերում հայտնվում են հեղինակներ, որոնք անքննարկելի են, ու ժամանակի ընթացքում այդ առումով փոփոխություններ տեղի չեն ունենում: «Ես չեմ հանդիպել հասարակական քննարկումներ` օրինակ` ինչը պետք է երեխաների ճաշակը ձեւավորի»,- ասաց նա: Վերջինս պնդում է, որ դպրոցներում Սիլվա Կապուտիկյանը չարդարացված կերպով շատ ավելի գնահատված ու արժեւորված է, քան, ասենք, Համո Սահյանը:

Վերադառնալով ֆեյսբուքյան տիրույթ, նկատենք, որ ի տարբերություն Սամվել Մարտիրոսյանին աջակցողների կամ անարգանքի սյունին գամողների` գրականագետ Հովիկ Չարխչյանը բլոգերի գրառումից հետո սկսեց իր էջում Կապուտիկյանի բանաստեղծություններից տեղադրել` առանց որեւէ խոսքի ու մեկնաբանության: Դա պետք է ի պաշտպանություն բանաստեղծուհո՞ւ ընդունել. հետաքրքրվեցինք նրանից: «Կապուտիկյանը շատ վաղուց իմ պաշտպանության կարիքը չունի, այնպես որ իր բանաստեղծությունները տեղադրելը սոսկ հիշեցում էր, թե այդ ում մասին եք դուք խոսում եւ ինչպես եք համարձակվում անդրադառնալ մի բանաստեղծի, որն այսպիսի ստեղծագործությունների հեղինակ է: Ու մյուս կողմից էլ ավելորդ չէ նաեւ հիշեցնել, որ դրամբյաններ կոչվածները Թումանյանի ժամանակներից ու դրանից առաջ էլ միշտ եղել են: Մարդիկ, ովքեր ցեխ են շպրտում մեծությունների վրա` ինքնահաստատման համար: Ու որպես կանոն` դրանց երբեք չի հաջողվել որեւէ արդյունքի հասնել: Ընդամենը մնացել են պատմության մեջ վարկաբեկված, որպես փոքրատառով գործածվող անձնանուններ»,- պատասխանեց գրականագետը` ափսոսանք հայտնելով, որ այդօրինակ կրկնություններին վերջ չկա: «Դա նշանակում է, որ սերունդը դեռեւս այն չափով հասունացած ու ձեւավորված չէ, որ կարողանա հստակ տարբերակել լավը վատից, իր արժեքների նկատմամբ խորագույն հարգանք ունենալ եւ հասկանալ, որ անցյալը մերժելով` նորը չես հաստատի: Պետք է ժառանգորդը լինել այդ անցյալի, լա՛վ ժառանգորդը: Այնպես, ինչպես զավակներն են հարգում իրենց ծնողներին, այսօրվա ժամանակից հեղինակներն էլ պետք է խորագույն հարգանք ունենան նախորդների հանդեպ»,- հավելեց նա:

Հարցրինք, թե ով եւ ինչպես է որոշում գրողի մեծության ու արժանիքների չափը: «Որոշակի չափորոշիչներ ու սահմանումներ չկան, որպեսզի տեսնես` այս կամ այն հեղինակը դրանց համապատասխանո՞ւմ է, թե չէ: Այդպիսի բանը ժողովուրդն է որոշում, ընթերցողն է որոշում, ժամանակն է որոշում: Չկան մարդիկ, որոնք ժյուրիի պես նստեն ու որոշեն: Եթե գրողը դիմանում է ժամանակի քննությանը, ուրեմն մեծություն է»,- ասաց Հովիկ Չարխչյանը:

Իսկ բանաստեղծ Կարեն Անտաշյանի վերոնշյալ գնահատականը նա չի կիսում: «Մեղմ ասած` ես համամիտ չեմ Կարեն Անտաշյանի հետ: Ես այդպես չեմ կարծում ու կարող եմ հակափաստարկներ բերել` ապացուցելու համար դրա ճիշտ հակառակը: Ի վերջո, ինչ ասել է` տեղական նշանակության գրող: Ինչպիսի՞ նշանակության պիտի լիներ` տարածաշրջանայի՞ն, միջազգայի՞ն, տիեզերակա՞ն: Ու քանի՞ այդպիսի հեղինակների նա գիտի ժամանակակից գրականության մեջ, որ արդեն անհունն են նվաճել, գալակտիկաներ են նվաճել: Ինչի՞ մասին է խոսքը: Գրականությունը աշխարհագրական երեւույթ չէ, գրականությունը հոգեւոր երեւույթ է: Եթե այսօր ընդամենը երկու ընթերցող կա, որ գնահատում է Սիլվա Կապուտիկյանին կամ Հովհաննես Շիրազին, մենք պիտի հարգենք այդ երկու ընթերցողներին»,- հակադարձեց գրականագետը:

Ինչ վերաբերում է այս կամ այն հեղինակին դասագրքերում ընդգրկելուն, ապա, ըստ Հովիկ Չարխչյանի, դա որոշելիս հաշվի են առնվում այլ հանգամանքներ. «Այդ ընտրությունը կատարվում է բոլորովին այլ սկզբունքներով` այլ նպատակների համար: Դասագրքի հեղինակները թերեւս որոշակի չափորոշիչներ ունեն: Բոլորիս է հայտնի, որ դասագրքերը նաեւ այլ կարգի ֆունկցիաներ են կատարում: Եթե հեղինակին ընտրում են տվյալ դասագրքի համար, կնշանակի նրա ստեղծագործությունները համապատասխանում են այս կամ այն նպատակին: Այնպես որ, դասագրքերի հեղինակները ավելի շատ դրանով են առաջնորդվում, քան գրողի արժանի-անարժան լինելով»:

 Հ. Գ. Բլոգեր Սամվել Մարտիրոսյանի ֆեյսբուքյան գրառումը, ինչպես նկատել էին բազմաթիվ օգտատերեր, հանրության շրջանում բավական մեծ հետաքրքրություն առաջացրեց Կապուտիկյանի պոեզիայի նկատմամբ, դա առիթ դարձավ փնտրելու, գտնելու, ընթերցելու կամ վերընթերցելու նրա գործերը, ինչն արդեն լավ է:

Աննա Զախարյան

«Հայկական ժամանակ» օրաթերթ

10 սեպտեմբերի, 2015 թ.

ՄԱՄՈՒԼԻ ԱՆԴՐԱԴԱՐՁ

Առաջին ինտերնետային մարաթոնը` գրքի մարաթոն

Ամսաթիվ: 11/03/2011
Մարտի 13-ին Հայաստանում առաջին անգամ կմեկնարկի «Գիրք-2011» ինտերնետային մարաթոնը: 24 ժամ անընդմեջ համացանցային տիրույթում, սոցիալական ցաների և էլեկտրոնային փոստի օգնությամբ մարաթոնի կազմակերպիչներն ու հարյուրավոր կամավորներ տպագիր գրականություն կհանգանակեն հանրապետության հեռավոր շրջանների դպրոցների և գրադարանների համար, որոնք վերջին 20-25 տարիներին ոչ միայն չեն համալրվել, այլև էական կորուստներ են ունեցել:
Մարաթոնի անցկացման նախաձեռնող խմբի ղեկավար, գրող Հովիկ Չարխչյանը մեզ տեղեկացրեց, որ լուրջ նախապատրաստական աշխատանք է տարվել, խմբում ընդգրկված երիտասարդների ներկայությունը հաջողության կարևոր նախապայման է, իսկ նրանց նախանձախնդրությունն ու պատրաստակամությունը էլ ավելի է շեշտում նպատակի կարևորությունը:
— Նման միջոցառման փորձ մեզ մոտ դեռևս չկա, և մեր խմբի անդամները ջանում են անել առավելագույնը` լավ արդյունքներ արձանագրելու համար: Մարաթոնի անցկացման օրը պատահական չի ընտրված: Մարտի 13-ը Եղիշե Չարենցի ծննյան օրն է: Մինչ ակցիայի սկիզբը բազմաթիվ չարենցասերների հետ միասին կայցելենք մեծ գրողի թաղման վայրը, հարգանգի տուրք կմատուցենք Չարենցի հիշատակին, որից անմիջապես հետո մարաթոնը կմեկնարկի և կտևի մեկ ամբողջ օր,- տեղեկացրեց Հ. Չարխչյանը:
«Գիրք- 2011»-ի կամավորները ինչպես մարտի 13-ին, այնպես էլ հետագա երեք օրերին կարող են անձամբ այցելել նրանց, ովքեր գրքեր նվիրաբերելու խոստումներ են տվել: Բացի այդ մայրաքաղաքի տարբեր հատվածներում կգործեն այսպես կոչված «հավաքագրման կետեր», ուր կարելի է հանձնել նվիրատրված գրականությունը: Կընդունվեն ցանկացած բովանդակության գրքեր, ամսագրեր, ալմանախներ, քարտեզներ, տեղեկատուներ: Բոլոր նվիրատուների անունները հրապարակվելու են, նշվելու են գրքերի վրա, իսկ նրանց անուններն արձանագրող ցուցակները հանձնվելու են այն գրադարաններին, որտեղ կհանգրվանեն նվիրաբերած գրքերը: Մանրամասների մասին նախաձեռնող խումբը խոստանում է տեղեկացնել լրացուցիչ: Հավելենք նաև, որ մարաթոնն ունի ոչ միայն մեծ թվով աջակիցներ, այլև ինֆորմացիոն հովանավոր` asekose.am-ը և ՄԵԳԱՊՈԼԻՍ ամսագիրը:
asekose. am կայքէջը հանգանակության օրը պարբերաբար կտեղեկացնի ինչպես մարաթոնի ընթացքի, այնպես էլ տվյալ պահի արդյունքների մասին:

Հայաստանում կանցկացվի առաջին ինտերնետային մարաթոնը

Մարտ 11, 2011 | 17:31
Հայաստանում մարտի 13-ին տեղի կունենա առաջին ինտերնետային մարաթոնը` նվիրված գրքին: «Գիրք-2011» ինտերնետային մարաթոնը կտեւի 24 ժամ անընդմեջ՝ սոցիալական ցաների, էլեկտրոնային փոստի եւ տարբեր կայքերի միջոցով։ Այս մասինNEWS.am- Ինովացիայի թղթակցի հետ զրույցում ասաց մարաթոնի անցկացման նախաձեռնող խմբի ղեկավար, գրող Հովիկ Չարխչյանը։
Մարաթոնի ընթացքում կարելի է նվիրաբերել ցանկացած տեսակի տպագիր գրականություն՝ գրքեր, ամսագրեր, տեղեկագրեր, քարտեզներ եւ այլն։ Չարխչյանի խոսքով՝ մարաթոնի ընթացքում հանգանակված ողջ գրականությունը կուղարկվի հանրապետության հեռավոր շրջանների դպրոցներ և գրադարաններ, որոնք վերջին 20-25 տարիներին ոչ միայն չեն համալրվել նոր գրականությամբ, այլեւ էական կորուստներ են ունեցել։
«Այդ օրը մայրաքաղաքի տարբեր հատվածներում կգործեն այսպես կոչված «հավաքագրման կետեր», ուր կարելի է հանձնել գրականությունը: Բացի այդ կան բազմաթիվ կամավորներ, որոնք պատրաստ են անձամբ այցելել նրանց տուն, ովքեր գրքեր նվիրաբերելու խոստումներ են տվել եւ վերցնել գրականությունը՝ մարաթոնին կամ դրան հաջորդող օրերին»,-ասաց Հ. Չարխչյանը։
Նշենք, որ մարաթոնի անցկացման օրը պատահական չի ընտրված: Մարտի 13-ը Եղիշե Չարենցի ծննյան օրն է: Մինչ ակցիայի սկիզբը կազմակերպիչները բազմաթիվ չարենցասերների հետ միասին կայցելենք մեծ գրողի թաղման վայրը, հարգանքի տուրք կմատուցենք Չարենցի հիշատակին, որից անմիջապես հետո մարաթոնը կմեկնարկի եւ կտեւի մեկ ամբողջ օր։

Առաջին ինտերնետային մարաթոնը` գրքի մարաթոն

Մարտի 13-ին Հայաստանում առաջին անգամ կմեկնարկի «Գիրք-2011»ինտերնետային մարաթոնը: 24 ժամ անընդմեջ համացանցայինտիրույթում, սոցիալական ցաների և էլեկտրոնային փոստի օգնությամբմարաթոնի կազմակերպիչներն ու հարյուրավոր կամավորներ տպագիրգրականություն կհանգանակեն հանրապետության հեռավոր շրջաններիդպրոցների և գրադարանների համար, որոնք վերջին 20-25 տարիներին ոչմիայն չեն համալրվել, այլև էական կորուստներ են ունեցել:Մարաթոնիանցկացման նախաձեռնող խմբի ղեկավար, գրող Հովիկ Չարխչյանը մեզ տեղեկացրեց, որ լուրջնախապատրաստական աշխատանք է տարվել, խմբում ընդգրկված երիտասարդների ներկայությունըհաջողության կարևոր նախապայման է, իսկ նրանց նախանձախնդրությունն ուպատրաստակամությունը էլ ավելի է շեշտում նպատակի կարևորությունը:- Նման միջոցառմանփորձ մեզ մոտ դեռևս չկա, և մեր խմբի անդամները ջանում են անել առավելագույնը` լավարդյունքներ արձանագրելու համար: Մարաթոնի անցկացման օրը պատահական չի ընտրված:Մարտի 13-ը Եղիշե Չարենցի ծննյան օրն է: Մինչ ակցիայի սկիզբը բազմաթիվ չարենցասերների հետմիասին կայցելենք մեծ գրողի թաղման վայրը, հարգանգի տուրք կմատուցենք Չարենցի հիշատակին,որից անմիջապես հետո մարաթոնը կմեկնարկի և կտևի մեկ ամբողջ օր,- տեղեկացրեց Հ.Չարխչյանը:«Գիրք- 2011»-ի կամավորները ինչպես մարտի 13-ին, այնպես էլ հետագա երեք օրերինկարող են անձամբ այցելել նրանց, ովքեր գրքեր նվիրաբերելու խոստումներ են տվել: Բացի այդմայրաքաղաքի տարբեր հատվածներում կգործեն այսպես կոչված «հավաքագրման կետեր», ուր կարելիէ հանձնել նվիրատրված գրականությունը: Կընդունվեն ցանկացած բովանդակության գրքեր,ամսագրեր, ալմանախներ, քարտեզներ, տեղեկատուներ: Բոլոր նվիրատուների անուններըհրապարակվելու են, նշվելու են գրքերի վրա, իսկ նրանց անուններն արձանագրող ցուցակներըհանձնվելու են այն գրադարաններին, որտեղ կհանգրվանեն նվիրաբերած գրքերը: Մանրամասներիմասին նախաձեռնող խումբը խոստանում է տեղեկացնել լրացուցիչ:

«Գիրք-2011» ինտերնետային մարաթոնը կմեկնարկի մարտի 13-ին

Մարտի 13-ին մեկնարկում է «Գիրք-2011» ինտերնետային մարաթոնը: Մարաթոնը նպատակ ունի հավաքագրել գրքեր և այն նվիրաբերել Հայաստանի հեռավոր բնակավայրերի գրադարաններին, դպրոցներին, զորամասերին:
Մարաթոնի նախաձեռնող խմբի անդամ, հրապարակախոս Հովհաննես Չարխչյանը մեզ հետ զրույցում նշեց, որ շուրջ 24 ժամ ինտերնետային տիրույթում մարդիկ կարող են իրենց ներդրումն ունենալ այս մարաթոնում և գրքեր նվիրաբերել:
Չարխչյանը նշեց, որ ցանկացած ոք կարող է սոցիալական կայքերի, մասնավորապես Ֆեյսբուքի միջոցով տեղեկացնել գիրք նվիրելու իր պատրաստակամության մասին, և իրենց կամավորները կայցելեն նրանց և կվերցնեն նվիրատվությունը:
Չարխչյանը տեղեկացրեց, որ մարաթոնի մեկնարկի օրը իրենք կհրապարակեն կոնկրետ հեռախոսահամարներ, որոնց միջոցով ևս ցանկացողները կարող են զանգահարել և գիրք նվիրաբերել:
Մարաթոնի ինֆորմացիոն հովանավորները մարաթոնի օրը յուրաքանչյուր ժամը մեկ արդյունքների մասին տեղեկություններ կհաղորդեն:
Ի դեպ, միջոցառումը մեկնարկելու է Չարենցի թաղման վայր այցելությամբ:
«Այդ օրը Չարենցի ծննդյան օրն է, և մենք մեր նախաձեռնությունը նվիրում ենք այդ տարելիցին»,- ասաց հրապարակախոսը:

Գրքի մարաթոն

Մարտի 13-ին Հայաստանում առաջին անգամ տեղի կունենա «Գիրք-2011» ինտերնետային մարաթոնը: 24 ժամ անընդմեջ տեւելիք մարաթոնի ընթացքում կարելի է նվիրաբերել ցանկացած տեսակի տպագիր գրականություն՝ գրքեր, ամսագրեր, տեղեկագրեր, քարտեզներ, որոնք ուղարկվելու են Հայաստանի հեռավոր բնակավայրերի գրադարաններին, դպրոցներին, զորամասերին: Հայտնի է, որ այդ գրադարաններն ավելի քան 2 տասնամյակ չեն համալրվել, եղած գրքերն էլ, ժամանակի ընթացքում, բնականաբար, քայքայվում ու մաշվում են: Նախաձեռնող խմբի ղեկավար, գրող Հովիկ Չարխչյանը մեզ հետ զրույցում երեկ ասաց, որ գիրք նվիրաբերելու ցանկության մասին կարելի է ընդամենը տեղեկացնել Ֆեյսբուք սոցիալական ցանցում, եւ խմբի տասնյակ կամավորներն իրենք կայցելեն, կարձանագրեն նվիրատվությունը եւ կվերցնեն գրքերը: Դրանից բացի, Երեւանում նաեւ կլինեն կոնկրետ հասցեներ, որտեղ հնարավոր կլինի թողնել նվիրատվությունը: «Պարբերաբար ինֆորմացիա կլինի ընթացքի, հավաքված գրքերի ու մասնակիցների մասին: Բոլոր նվիրատու անձանց ու կազմակերպությունների անունները հրապարակվելու են»,- ասաց Հովիկ Չարխչյանը:

Մարտ 12, 2011