Tag Archives: լուսին

ԹԱՂՎԱԾ Է ԼՈՒՍՆԻ ՎՐԱ

8 Սպտ

Կա՞ մարդ, որ թաղված է Լուսնի վրա: Պատկերացրեք, այո: Ամերիկացի գիտնական Յուջին Շումեյքերը, որ երկրաբան ու աստղագետ էր, առ այսօր միակ մարդն է, ում աճյունն ամփոփվել է Լուսնի վրա: Նրա մասունքներ այնտեղ են առաքվել Lunar Prospector միջմոլորակային կայանի օգնությամբ, որն իր առաքելությունն ավարտելով ընկավ Լուսնի վրա:

ՀՈՒՇԱՐՁԱՆ ԼՈՒՍՆԻ ՎՐԱ

4 Հկտ

Գիտե՞ք, որ հուշարձան կա նաև… Լուսնի վրա: Այն տեղադրվել է 1971 թվականին, «Ապոլոն-15»-ի անձնակազմի կողմից: Նվիրված է զոհված տիեզերագնացներին: Իրենից ներկայացնում է ալյումինե սկաֆանդր, իսկ արձանիկի կողքին տեղադրված ցուցատախտակի վրա 14 զոհվածների անուններն են:

190692_original

ԱՐԻՎԱՐԱ ՆԱՐԻՔԻՐԱ

4 Ապր

Ես ոչ կարող եմ վեր կենալ, ոչ քնել եմ կարող…
Եվ անցնում է գիշերն այդպես, և բացվում է օրը,
Բոլորն ասում են. «Գարուն է»… Բայց առանց հոգնելու
Թափվում է անձրևը:- Իսկ ես
Նայում եմ թախիծով` ինչպես է այն գալիս…

* * *
Իմ հայացքը չի հագենում,
Իսկ լուսինը սարի ետևն է ուզում թաքնվել…
Օ լեռնակատարներ,
Երկնակամարը բաց արեք,
Որպեսզի նա նորից երկնքում երևա:

Թարգմ. Հ. Բեյլերյան

ԿՈՆՍՏԱՆՏԻՆ ԲԱԼՄՈՆՏ

28 Նյմ

Լուսինը ոգու անտես ուժ ունի,
Նրա շուրջը միշտ գաղտնիք է շրջում,
Ասում է «Կյանքը արտացոլք է մի,
Բայց ուրվականն այդ իզուր չի շնչում»:

Փայլում է ցոլքով իր խունականաչ
Ու հմայված այդ արթնացող փայլով,
Հառնում է հոգում մի երկար հառաչ,
Տանջում է նա իր համբույրի ցավով:

Երկու շաբաթվա մահ ու կորստյամբ
Ու իր հարությամբ նոր ու տիրական
Ասում է` զուր չենք թախիծով օծված,
Որ վերջում լույս է մեզ բաժին ընկած:

Ու գունատ ծիրում քնած է թեպետ,
Հմայում է մեզ հեռու անհունից,
Որպես կարոտի հիասքանչ տիկին,
Համայն տխրության վերին տիրուհի:

Թարգմ. Լ. Բլբուլյան

%d bloggers like this: