Tag Archives: ԹՈՄԱՍ ՀՈՒԴ

ԹՈՄԱՍ ՀՈՒԴ

13 Դկտ

ԱՇՈՒՆ
Չկա արև ու լուսին,
Չկա ոչ այգ, ոչ կեսօր,
Չկա ոչինչ, որ զատի մութ գիշերը ցերեկից,
Չկա հեռուն լայնարձակ,
Չկա երկինք կապուտակ,
Չկա ճամփա ու փողոց, չես տարբերի տունը կից.
Չկա, չքվել է ասես ճամփիս ծայրը հեռավոր,
Չկան, կորել են ասես նեղ փողոցները մոլոր,
Չկա, մեգը խժռել է զանգակատան ծայրը սուր,
Չկան, մուժում չեմ տեսնում ծանոթ դեմքեր ես իմ շուրջ,
Չկա խինդը ջերմության, նրա հաճույքը խորին,
Չկա զգացումը զվարթ քո մարմնական ուժերի,
Չկա ոչ շաղ, ոչ ստվեր, ոչ մի թռչուն ու զեռուն,
Չկան մրգեր, ծաղիկներ, ոչ էլ սաղարթ հովասուն.
Չկան նոյեմբերին:

Թարգմ. Հ.Գևորգյանի

%d bloggers like this: