Tag Archives: ընտանիք

ՄԱՐԻՈ ՊՅՈՒԶՈ

10 Դկտ

Աշխարհն այսպես է կառուցված. միայն հարազատներից կարելի է սպասել աջակցություն և պաշտպանություն: Հարազատ արյունն ավելի հուսալի երաշխիք է, քան հասարակության սոցիալական պաշտպանությունը:

Մարդկանց, որոնց դու սիրում ես, չի կարելի «ոչ» ասել, համենայն դեպս` հաճախ: Դրա մեջ է ամբողջ գաղտնիքը: Իսկ եթե բոլոր դեպքերում հարկադրված ես, ապա քո «ոչ»-ը պիտի հնչի ինչպես «այո»: Կամ ջանա, որպեսզի իրենք քեզ ասեն այդ «ոչ»-ը:Mario Puzo, Paramount Pictures, 1969

ՖՐԱՆՑ ԿԱՖԿԱ

5 Նյմ

Ամուսնանալ, ընտանիք կազմել, ընդունել բոլոր ծնվող երեխաներին, պահպանել նրանց այս անկայուն աշխարհում և նույնիսկ առաջ ուղեկցել,- սա, իմ համոզմամբ, ամենամեծ բարիքն է, որ տրված է մարդուն: Այն, ինչ թվում է, թե շատերին հեշտությամբ է հաջողվում, չի կարող ծառայել իբրև առարկություն, թե իբր նախ ոչ բոլորին է հաջողվում իրականում, և երկրորդ` այդ քչերը մեծամասամբ  ոչ թե «ձեռք են բերում», այլ դա պարզապես «պատահում է» նրանց հետ: Ճիշտ է, դա այն «ամենամեծ» բարիքը չէ, բայց ամեն դեպքում կարևոր և խիստ պատվաբեր մի բան է (հատկապես այն պատճառով, որ այստեղ չի կարելի լիովին տարանջատել  «ձեռք բերելը» «պատահել»-ուց):

Մարդկային երկու հիմնական մեղքեր կան, որոնցից բխում են մնացածները. անհամբերությունն ու անփութությունը: Անթութության պատճառով մարդիկ արտաքսվեցին դրախտից, անփութության պատճառով նրանք չեն վերադառնում այնտեղ…

«Նամակ հորը»????????????

ՋՈՐՋ ՄԱՅՔՍ

17 Փտր

ԱՄՈՒՍՆՈՒԹՅԱՆ ՄԱՍԻՆ

Ամուսնությունը սիրուց միանգամայն տարբեր բան է: Դա լավ հաստատություն է, սակայն պետք է ավելացնեմ, որ շատ բան կախված է այն անձնավորությունից, ում հետ ամուսնանում եք:
Չկա առհասարակ լավ կին կամ լավ ամուսին. կա միայն լավ կին պարոն Այսինչի կամ լավ ամուսին` տիկին Այնինչի համար: Եթե դյուրահավատ ու դյուրախաբ մի կին ամուսնանա հիվանդագին ստախոսի հետ, նրանք երջանիկ կապրեն մինչև իրենց կյանքի վերջը. մեկը ստեր ասելով, մյուսը հավատալով: Այն տղամարդը, որը չի կարող ապրել առանց իր նկատմամբ մշտական հիացմունքի, պիտի ամուսնանա «Աստված իմ, դու հրաշք ես» տիպի կնոջ հետ: Իսկ այն տղամարդը, որը դժվարանում է որոշումներ կայացնել, ճիշտ կանի, եթե ամուսնանա բռնապետուհու հետ: Ամուսնության մեջ մեկ բռնապետ կարող է բարգավաճել. երկուսը շատ են:
Դեպի ամուսնական երջանկություն տանող ճանապարհը ոչ ոքի առաջ փակ չէ: Ամբողջը ընտրության խնդիր է: Պետք է ոչ թե կատարելություն որոնել, այլ մի խիստ անկատար կեսի պակասող կեսը:
Եթե մեկը սառնարան է գնում, նրա մտքով բնավ չի անցնում, թե դա վատ սառնարան է, որովհետև դրանով ձայնասկավառակ նվագել հնարավոր չէ. ոչ էլ որևէ մեկը կմեղադրի իր գլխարկին` որպես ծաղկաման հարմար չլինելու մեջ: Այնինչ բազմաթիվ տղամարդիկ, ովքեր շատ են սիրում իրենց ստամոքսը, ամուսնանում են իրենց խոհարարի կամ որևէ խոհարարի հետ և հետո նրան մեղադրում Ժորժ Սանդի փայլուն խելքն ու սրամտությունը չունենալու մեջ: Կամ` մի մարդ կարող է մտահոգված լինել իր կնոջ գեղեցկությունն ու նրբագեղությունը ցուցադրելով, ամուսնանալ մանեքենուհու հետ և զարմանալ` վեց ամիս անց պարզելով, որ իր կինը հավասարակշռված հայացքներ չունի միջազգային դրության վերաբերյալ: Մեկ ուրիշն ամուսնանում է մի աղջկա հետ միմիայն ու բացառապես նրա համար, որ նա տասնյոթ տարեկան է, և շատ է զարմանում տասնհինգ տարի անց` հայտնաբերելով, որ նա այլևս տասնյոթ տարեկան չէ: Կամ դարձյալ, եթե դուք ամուսնանում եք գիրք կրծողի հետ, որն ամեն ինչ գիտի ոսկու ստանդարտի, մոլորակային շարժման վերաբերյալ Պրաքսիտելեսի և Կեպլերի օրենքների մասին, չպետք է նրան մեղադրել փոքր-ինչ պակաս գեղեցիկ լինելու և պակաս կրակոտ խառնվածք ունենալու մեջ, քան Մերիլին Մոնրոն: Եվ եթե կանայք ամուսնանում են տիտղոսի կամ դրամատան հաշվի հետ, ապա չպետք է մեղադրեն իրենց ամուսիններին` Էրոլ Ֆլինի տիպի ռոմանտիկ հերոսներ չլինելու համար:
Հարկավոր է գիտենալ, թե ինչ եք գնում: Եվ քանի դեռ սառնարանով ձայնապնակներ չեք նվագում և քրիզանթեմի փնջեր չեք դնում ձեր գլխարկի մեջ, ունեք կարծեցյալ երջանկության հասնելու խելամիտ հնարավորություն:

Թարգմ. Շուշանիկ Ավագյան

ՋՈՆ ՍԹԱՅՆԲԵՔ

21 Հնվ

…Եվ այսպես շարունակ. պետությունից` միություն, միությունից` ազգ: ( Ազգը սովորաբար բնական ինչ- որ սահմաններ ուներ հանձին օվկիանոսի, լեռնաշղթայի կամ գետի, որոնք արգելում էին ավելի հեռուները տարածվել): Ամեն ինչ լավ էր, մինչև որ սրամիտների մի նոր խումբ հայտնագործեց հեռահար միջոցներ` ղեկավարվող արկեր և ատոմային ռումբեր: Դրանից հետո գետը կամ օվկիանոսը որևէ վճռական դեր խաղալ չէր կարող: Չափազանց վտանգավոր դարձավ առանձին ազգություններով ապրելը ճիշտ այնպես, ինչպես ժամանակին չափազանց վտանգավոր էր առանձին ընտանիքներով ապրելը:
Երբ մարդիկ հայտնվում են կործանման սպառնալիքի տակ, ստիպված մի նոր ելք են սկսում որոնել: Այժմ մենք ունենք Միավորված ազգեր, և այդ դեպքում էլ ավագներից պրծում չկա: Նրանք դեմ են Միավորված ազգերին ճիշտ այնպես, ինչպես ժամանակին դիմադրում էին մեր նախնիներին քարանձավներից դուրս գալիս: Բայց մենք հիմա ստիպված չենք լինի ընտրություն կատարել: Բանը բարեհոգության և առաջընթացի ցանկության մեջ չէ: Դեռևս քարանձավային շրջանից, մենք ամեն անգամ ընտրություն կատարելով, երբեք չենք ընտրել կործանումը: Եվ եթե այս ամենից հետո մենք ինքներս ջախջախենք մեզ, ապա բավականին հիմար բան կստացվի: Նման պարագայում մենք մեզ ավելի հիմար կդրսևորենք, քան էին քարանձավային մարդիկ, և ես չեմ կարծում, որ դա իրոք այդպես էլ լինի: Ես համոզված եմ, որ մենք նույնքան հիմար ենք, որքան քարանձավային մարդիկ, և դա, վերջին հաշվարկով, այնքան էլ վատ բան չէ:

ՄԱՔՍԻՄԻԼԻԱՆ ՎՈԼՈՇԻՆ

13 Դկտ

… Խարույկը մարդ թրծեց գազաններից,
Եվ կինը, որ պահապանն էր մոխրի,
Նախկին էգի միջից հանեց կերպարանքներ
Քրոջ և մոր,
Վեստալուհու և պոռնիկի:
Այն պահից, երբ Ագնին գույնը պայմանական
Հյուսեց մոխիրների մեջ օջախի-
Քարանձավը տաճար դարձավ,
Եվ ընթրիքը դարձավ խորհրդավոր,
Խարույկատեղը` զոհարան,
Կյանքն առտնին` ժամերգություն:
Եվ մարդկությունը
Սնվում էր
Ու բազմանում
Աչքի առաջ խստապահանջ,
Ահեղ աստծո:
Իսկ օջախների մեջ պահպանվում էին ձուլվածքներ
Ոսկու, բրոնզի ու արծաթի,
Քաղաքացիական կառուցվածքներ, կրոն, ընտանիք:

%d bloggers like this: