Tag Archives: առածներ

ՈՒԻԼՅԱՄ ԲԼԵՅՔ

4 Նյմ

ԴԺՈԽՔԻ ԱՌԱԾՆԵՐԸ
Հիմարը տեսնում է ոչ նույն ծառը, որն իմաստունն է տեսնում:
Նա, ում դեմքը չի ճառագում, երբեք աստղ չի դառնա:
Աշխատող մեղուն վիշտ անելու ժամանակ չունի:
Մեծագույն արարքը ուրիշին քեզնից վեր դասելն է:
Եթե հիմարը համառի իր հիմարությամբ` իմաստուն կդառնա:
Կնոջ մերկությունը Աստծո գործն է:
Այն, ինչ հիմա ապացուցված է, երբեմն լոկ ենթադրվել է:
Նա, ով թույլ է տալիս քեզ հրամայել իրեն, ճանաչում է քեզ:
Թույն ակնկալիր չհոսող ջրից:
Տար հիմարի նախատինքը, արքաների բաժինն է դա:
Քաղցր հաճույքի հոգին չի կարող երբեք լինել աղտոտ:
Մի պստիկ ծաղիկի արարումը դարերի տքնություն է:
Անեծքը կաշկանդում է, օրհնությունը ձերբազատում:
Լավ է երեխային խեղդեք իր օրորոցի մեջ, քան սնուցեք անգործունյա կրքեր:
Որտեղ մարդ չկա` բնությունն ամայի է:

Թարգմանությունը` Գրիգոր Բաբայանի

%d bloggers like this: