Պահոց | ՊԱՏՄՈՒԹՅՈՒՆ RSS feed for this section

1926-Ի ԵՐԿՐԱՇԱՐԺԸ

22 Հկտ

1926 թվականի հենց այս օրը` հոկտեմբերի 22-ին Լենինականում տեղի ունեցավ ուժգին երկրաշարժ: Հարյուրավոր մարդիկ զոհվեցին, մեծ ավերածություններ եղան քաղաքում և հարակից 44 գյուղերում: Այդ աղետի մասին են պատմում այս բացառիկ լուսանկարները: Այն օրերին դրանք հրատարակվել էին բացիկների տեսքով, որպեսզի վաճառքից եկած գումարները ծառայեցվեն աղետյալներին օգնելու համար:

լենինական երկրաշարժ 1926-1

լենինական երկրաշարժ 1926

լենինական երկրաշարժ 1926-2

լենինական երկրաշարժ 1926-3

լենինական 1926

Advertisements

Elementary

22 Հկտ

Գուցե անհավատալի թվա, բայց Արթուր Կոնան Դոյլի հերոսի` Շերլոկ Հոլմսի հայտնի արտահայտությունը` «Elementary», որ կարելի է լսել նրա մասին պատմող բոլոր ֆիլմերում, երբեք չեք հանդիպի հանրահայտ խուզարկուի մասին գրված գրքերում: Իրականությունն այն է, որ հիշյալ արտահայտությունը հորինել էին Կոնան Դոյլի վեպերի մոտիվներով թատերական մի ներկայացման բեմադրիչները: Իսկ դետեկտիվ գրքերի հեղինակն այդ բառն ընդամենը մեկ անգամ է գործածել` «Կուզիկը» պատմվածքում:

Sherlock-Holmes-007

 

ԿԱՐԵՎՈՐԸ ՆՄԱՆՈՒԹՅՈՒՆՆ Է

21 Հկտ

Պաղեստինում փոքրիկ գազանանոց կա: Համարյա բոլոր կենդանիներին այնտեղ են բերվել անլեգալ` Եգիպտոս տանող գաղտնի թունելով: Բայց 2009 թվականին Իսրայելի հետ ռազմական կոնֆլիկտի ժամանակ ռմբահարվեց նաև այգին, հետո սննդի պակասից սատկեցին երկու զեբրերը: Նոր զեբր գտնելու հնարավորություն չկար: Եվ այդ ժամանակ հնարամիտ պաղեստինցիները բերեցին երկու սպիտակ ավանակ, նրանց վրա սև ներկով շերտեր ավելացրեցին ու հանեցին ցուցադրման:

0,,26283724-FMM,00

ԲՈՀԵՄԱԿԱՆ

21 Հկտ

Բոհեմ: Մենք այդպես ենք անվանում այն կենսակերպը, որ բնորոշ է արվեստի ոլորտի մարդկանց` ազատ վարագիծ, էքսցենտրիկ ոճ, ռոմանտիկ միջավայր: Բայց, պարզվում է, «բոհեմ» բառը սկզբնապես որևէ ընդհանուր բան չի ունեցել մտավորական շրջանակների հետ: Այն առաջացել է Չեխիայի Բոհեմիա շրջանի անվանումից: Միջնադարում այս տարածքում ապրում էին մեծ թվով գնչուներ: Այդ գնչուները հաճախ էին հասնում մինչև Փարիզ` ֆրանսիացիներին հիացնելով իրենց թափառական կենցաղով, անկայուն ապրելակերպով, յուրահատուկ տեսքով: Եվ քանի որ մարդիկ ընդհանրություններ նկատեցին այդ գնչուների ու ստեղծագործական էլիտայի բարքերում, նման որակներն էլ պատճառ դարձան, որ բոհեմ կոչվեի նաև արվեստամերձ հանրությունը:

14005778._SX540_

ԼՍԵԼ, ԵԹԵ ՉԵՍ ՏԵՍՆՈՒՄ

19 Հկտ

Աշխարհահռչակ երաժիշտ Ռեյ Չարլզը կույր էր, բայց երբ նա որոշեց ստեղծել բարեգործական հիմնադրամ, այն ծառայում էր լսողությունը կորցրած մարդկանց: Դա շատերին զարմացրեց: Ու երբ նրանք հարցրեցին երաժիշտին, թե ինչու խուլերի, այլ ոչ թե կույրերի համար, Ռեյ Չարլզը պատասխանեց. «Երաժշտությունը փրկել է իմ կյանքը, և ես չգիտեմ, թե ինչպես պիտի ապրեի, եթե չկարողանայի այն լսել»:

ray-charles

ՇՇԻ ՖԻԱՍԿՈՆ

19 Հկտ

Ֆիասկո, այսինքն լիակատար ձախողում: Բայց ինչու՞ ֆիասկո և որտեղի՞ց հայտնվեց այդ բառը: Ասում են, որ դրա «հեղինակը» իտալացի կատակերգու Բիանկոնելլին է: Սա մի անգամ որոշեց հանդիսատեսին ցուցադրել ուրախ մնջախաղ, որտեղ ձեռքին  ուներ շիշ: Բայց ներկայացումը ձախողվեց: Իսկ շշին իտալերեն ասում են ֆիասկո (fiasco): Հենց այդտեղից էլ արտահայտությունը սկսեց շրջանառվել իր երկրորդ իմաստով:

poterpeti-fiasko

 

ՏԱՐԱՆՏԻՆՈՅԻ ԾԽԱԽՈՏԸ

18 Հկտ

Կինոռեժիսոր Քվենթին Տարանտինոն երբեք չի հանդուրժում, որ իր ֆիլմերում որևէ թաքնված կամ բացահայտ գովազդ լինի: Այս խնդիրը լուծելու համար նրա հերոսները նույնիսկ զրկված են սովորական ծխախոտներ ծխելու հնարավորությունից: Գովազդը բացառելու համար Տարանտինոն հորինել է գոյություն չունեցող ծխախոտ` «Red Apple»-ը, որն էլ օգտագործում են նկարահանումների ժամանակ:

e12abc5ea4c1e0431e9314f5048aaeba

 

ՊԱՏՃԱՌԸ ԿԱՐՄԻՐԸ ՉԷ

18 Հկտ

Տարածված կարծիք կա, թե ցլամարտի ժամանակ կենդանուն կատաղեցնում է կարմիր գույնը: Բայց դա ընդամենը մոլորություն է: Ցլերը գույները չեն տարբերում: Իրականում նրանք արձագանքում են շարժմանը: Մատադորի կողմից կարմիր մուլետի թափահարումը բավարար է, որ ցուլն առաջ նետվի: Իսկ կամիր գույնն ընտրվել է նրա համար, որ կենդանու արյունը տեսանելի չլինի:

7749448_il-fullxfull-438371664-fwjo

 

ԱՐԳԵԼՎԱԾ ՊՏՈՒՂԸ

16 Հկտ

Արգելված պտուղը, որ համտեսեցին Ադամն ու Եվան և արտաքսվեցին դրախտից, Աստվածաշնչի որևէ տեքստում հստակ չի անվանվում: Ընդունված է համարել, որ դա խնձորն է: Հավանաբար այսպես է ճանաչվել այն պատճառով, որ լատիներեն mălum (չարիք) և mālum (խնձոր) բառերը նման են: Բայց Աստվածաշնչի որոշ մեկնաբաններ արգելված պտղի այլ տարբերակներ են առաջարկում, օրինակ, խաղողը, նուռը կամ թուզը: Վերջին տարբերակը նրանք հիմնավորում են այն փաստով, որ պտուղը ճաշակելուց հետո Ադամն ու Եվան իրենց ծածկեցին թզենու տերևով:

adam_and_eva

 

ՉԻՊՍԻ ԱՃՅՈՒՆԱՍԱՓՈՐԸ

14 Հկտ

Չիպսերի համար գործածվող այս գլանաձև ամանները ստեղծել է ամերիկացի քիմիկոս Ֆրեդ Բորը և նույնիսկ այն արտոնագրել է: Նա այնքան շատ էր հպարտանում իր «հոգեզավակով», որ կտակեց մահից հետո իր աճյունն ամփոփել դրա մեջ ու թաղել: Ժառանգները հանգուցյալի կամքը կատարեցին:

kelloggs-kauft-pringles

ԱՄԵՆԱՏԱՐՈՂՈՒՆԱԿԸ

14 Հկտ

Աշխարհի ամենատարողունակ բառը (որը նաև դժվար արտասանվող է) պահպանվել է յագհան ցեղախմբի լեզվում (Հրո Երկիր): Դա Mamihlapinatapai բառն է: Այն մոտավորապես նշանակում է հետևյալը. «Նայել իրար այն հույսով, որ երկուսից մեկը կառաջարկի անել այն, ինչը ցանկանում են երկուսն էլ, սակայն ոչ մեկը չի ցանկանում լինել առաջինը»:

u_7e00035133465f22a661148c363d3aad_800

ԽՄԵԼ ՈՒ ՈՐՈՇԵԼ

11 Հկտ

Հերոդոտոսի վկայությամբ հնագույն ժամանակներում պարսիկների մոտ կարևորագույն որոշումներ ընդունելու երկու փուլ գոյություն ուներ: Շատ հաճախ նման որոշումները կայացվում էին բուռն գինարբուքների ժամանակ, բայց հաջորդ օրը դրանք անպայման վերանայվում էին սթափ գլխով: Եվ հակառակը. այն որոշումները, որոնք կայացվել էին առանց խմիչքի ազդեցության, պիտի անպայման վերանայվեին կերուխումի սեղանների շուրջ:

800px-Persian_warriors_from_Berlin_Museum

 

ԱՂՋՆԱԿ ՌԻԼԿԵՆ

9 Հկտ

Այս լուսանկարում պատկերված աղջնակն իրականում ավստրիացի նշանավոր բանաստեղծ Ռիլկեն է: Նրա անվանը երկու կանացի անուններ են կցված` Ռենե և Մարիա: Բանն այն է, որ Ռիլկեի ծննդից առաջ նրանց ընտանիքում մահացել էր գրողի մանկահասակ քույրը: Եվ ծնողները որոշել էին տղային մեծացնել իբրև աղջիկ: Մինչև 5 տարեկան դառնալը մայրը Ռիլկեին աղջկական հագուստներ էր հագցնում և խաղալու էին ուղարկում ուրիշ աղջիկ երեխաների հետ:

Rilke_23

ԱՐՋԸ ՂԵԿԻ ՄՈՏ

9 Հկտ

Հայտնի է մի դեպք, երբ կրկեսային արջին պաշտոնապես վարորդական իրավունք են շնորհել: Խոսքը Վալենտին Ֆիլատովի կրկեսի վարժեցրած կենդանու մասին է: Երբ նրանք հյուրախաղերով գտնվում էին Շտուտգարտում, գերմանացիները` տպավորված Դևոչկա անունով արջի մոտոցիկլետ վարելու վարպետությամբ, նրան հանձնեցին վարորդական իրավունք: 10 տարի անց կրկեսային խումբը նորից այդ քաղաք այցելեց: Եվ այդ ժամանակ տեղի ադմինիստրատորը որոշեց գովազդային ակցիա կազմակերպել` ցուցադրել արջի հմտությունը քաղաքի փողոցներում: Արջը հեշտությամբ անցավ մի քանի թաղամաս, նույնիսկ արգելակեց կարմիր լույսի տակ, միայն թե վերջում այնուամենայնիվ հարվածեց հենց ադմինիստրատորի «Մերսեդեսին»: Բայց հետո ոստիկանները պարզեցին, որ վթարի մեղավորը ոչ թե արջն էր, այլ մի «Ֆոլքսվագենի» վարորդ:

1441_640

ՇԱՀԵՑ ՈՒ ԽՄԵՑ

9 Հկտ

1842 թվականին Ռուսաստանում` Ուրալում հայտնաբերվեց ամենախոշոր ոսկու բնակտորը: Այն կշռում էր 36, 2 կիլոգրամ և ստացավ «Մեծ եռանկյունի» անունը (այժմ պահվում է ՌԴ Ալմաստե ֆոնդում):
Ճորտին, որ գտել էր այդ հարստությունը, ոչ միայն ազատություն պարգևեցին, այլև նվիրեցին այնքան փող, որով կարելի էր գնել 10 գյուղ` իր բնակիչներով հանդերձ: Սակայն երջանիկ հաջողակը իրեն առանձնապես նեղություն չպատճառեց և ամբողջ գումար տվեց խմիչքին: Ինչպես ասում են, ջրի բերածը ջուրն էլ տարավ:

Верстка-170_51.cdr

ՀՈՒՇԱՐՁԱՆ ԼՈՒՍՆԻ ՎՐԱ

4 Հկտ

Գիտե՞ք, որ հուշարձան կա նաև… Լուսնի վրա: Այն տեղադրվել է 1971 թվականին, «Ապոլոն-15»-ի անձնակազմի կողմից: Նվիրված է զոհված տիեզերագնացներին: Իրենից ներկայացնում է ալյումինե սկաֆանդր, իսկ արձանիկի կողքին տեղադրված ցուցատախտակի վրա 14 զոհվածների անուններն են:

190692_original

ԴԱՆԱԿԻ ՀԱՐՎԱԾ

4 Հկտ

«Անապատի սպիտակ արևը» ֆիլմում գլխավոր դերակատարներից մեկի` Պավել Լուսպեկաևի ճակատին թարմ սպի կա: Բայց դա գրիմ չէ: Տեսարաններից մեկը նկարահանելուց առաջ նա գարեջրատանը վիճաբանել էր տեղի բնակիչների հետ և դանակի հարված էր ստացել:

БСП_илл_0(1)

ՆՈՒՅՆԸ, ԻՆՉ ՈՐ ԴՈՒՔ

1 Հկտ

Մի անգամ Ջոն Քենեդին այցելեց Քանավերալ հրվանդանում գտնվող ՆԱՍԱ-ի ռազմաբազա: Այստեղ հանդիպում էր նախատեսված ամերիկացի հռչակավոր գիտնականների ու գյուտարարների հետ, որոնք ձգտում էին նվաճել տիեզերքը և ոտք դնել Լուսնի վրա: Երբ փակ քննարկումն ավարտվեց և նախագահը դուրս եկավ միջանցք, հանկարծ իր ոտքերի մոտ նկատեց մի ծեր սևամորթի, որ կռացած ավլում էր տարածքը և աղբն էր հավաքում աղբակալի վրա:
Քենեդին մոտեցավ և հարցրեց նրան.
— Իսկ դու՞ք ինչ եք անում այստեղ:
Սևամորթը շտկեց մեջքը, խորին արժանապատվությամբ նայեց նախագահին և ասաց.
— Նույնը, ինչ որ դուք: Ես աշխատում եմ, որ հնարավոր դարձնեմ մարդու թռիչքը դեպի Լուսին:

600x482

 

ՀԱՆՈՒՆ ԵՎ ԸՆԴԴԵՄ ԱՌԱՋԸՆԹԱՑԻ

29 Սպտ

Զիգմունդ Ֆրոյդն իր կյանքի մայրամուտին երկմտանք էր ապրում, թե արդյո՞ք մարդկության բազում ձեռքբերումները կարելի է համարել առաջընթաց: Իր վերջին ակնարկներից մեկում, որը վերնագրել էր «Մշակույթի անհարմարությունները», ծեր հոգեվելուծաբանը հաճոյախոսություններ էր շռայլում տեխնիկական նվաճումների հասցեին, որոնց շնորհիվ, օրինակ, նա մեծ ուրախությամբ լսում է հարազատ տնից հազարավոր կիլոմետրեր հեռու գտնվող որդու ձայնը: Բայց հետո Ֆրոյդը գրում էր. «Եթե չլիներ գնացքը, որն իմ որդուն տարավ այդքան հեռու, ինձ անհրաժեշտ չէր լինի հեռախոսը` նրա ձայնը լսելու համար: Եթե մարդիկ հսկայական նավեր չկառուցեին, ինձ անհրաժեշտ չէր լինի հեռագիրը` աշխարհի մյուս ծայրում գտնվող հարազատից լուր առնելու համար»:

zig-frejd-5

ԿՆՈՋ ԸՆՏՐՈՒԹՅՈՒՆԸ

27 Սպտ

Մի անգամ Չինգիզ խանին մոտեցավ մի կին և խնդրեց ազատել իր հարազատներին: Չինգիզ խանն ասաց.
— Ահա քո առաջ կանգնած են ամուսինդ, որդիդ և եղբայրդ: Ես ազատ կարձակեմ միայն մեկին: Որի՞ն կընտրես:
Կինն անմիջապես պատասխանեց.
— Եղբորս:
— Բացատրիր, ինչու՞:
— Ամուսին ես կարող եմ գտնել, որդի կարող եմ ծնել, բայց եղբայր ստեղծել չեմ կարող:
Իր լսածից հետո Չինգիզ խանը բաց թողեց բոլորին:

p159795_i_h12_aa_thumb[4]

%d bloggers like this: