Archive | ՄՏՔԵՐ ՈՒ ԽՈՀԵՐ RSS feed for this section

ԻՆԳՄԱՐ ԲԵՐԳՄԱՆ

4 Jun

Մենք գիտենք, որ յուրաքանչյուր տղամարդ ունի արժանապատվության զգացում: Մենք՝ կանայքս, իրավունք ունենք կատարեց ցանկացած հանցանք մեր տղամարդկանց, սիրեկանների, որդիների հանդեպ, բայց երբեք չպետք է վիրավորենք նրանց արժանապատվության զգացումը: Եթե վիրավորենք՝ կնշանակի հիմար ենք ու ինքներս ենք մեղավոր մեր անհաջողությունների համար: Մենք պիտի մեր դաշնակիցը դարձնենք այդ արժանապատվության զգացումը, խնամենք նրան ու գուրգուրենք, շողոքորթենք, նվագենք նրա վրա, ինչպես հմուտ երաժիշտն՝ իր գործիքով: Այդժամ տղամարդը կլինի մեր ձեռքերում, մեր ոտքերի տակ և ընդհանրապես այնտեղ, որտեղ այդ րոպեին կցանկանանք նրան տեսնել:

«Ամառային գիշերվա ժպիտները» գրքիցBergman_0

ՄԱՔՍ ՖՐԱՅ

4 Jun

Տառապել, վախենալ և լինել կարգապահ, որ խուսափես պատժից՝ այս բաները մարդիկ կարողանում են անել առանց կողմնակի օգնության: Իսկ ուրախանալն ու ոչնչից չվախենալը ամենից դժվարն են: Եվ ուրեմն հատկապես սրանք էլ պետք է, որ մարդը սովորի այս աշխարհում:
Մարդը չի կարող տառապել ավելին, քան նա կարող է տառապել: Սպառելով հնարավորությունները՝ մենք կամա թե ակամա ուրիշ զբաղմունք ենք գտնում, և դա բարօրություններից մեծագույնն է:ljtgtnfq5ns

ԲՐՈՒՆՈ ՅԱՍԵՆՍԿԻ

3 Jun

Մի վախեցիր թշնամիներից. վատագույն դեպքում նրանք կարող են քեզ սպանել:
Մի վախեցիր բարեկամներից. վատագույն դեպքում նրանք կարող են քեզ դավաճանել:
Վախեցիր անտարբերներից. նրանք չեն սպանում ու չեն դավաճանում, սակայն նրանց լուռ համաձայնությամբ է, որ հողագնդի վրա գոյություն ունեն դավաճանությունն ու սպանությունը:featured_bruno_jasienski-640x480

ԵՎԳԵՆԻ ԳՈՒԼՅԱԿՈՎՍԿԻ

3 Jun

Մարդը հազվադեպ է ընդունակ գնահատել իր հետ կատարված դեպքերի իրական նշանակությունը: Միայն հետո, անցած տարիների բարձրությունից, իմաստնություն ու ճերմակ մազեր ձեռք բերելով, մենք կարող ենք դրանք քիչ թե շատ ճշմարտացիորեն պարզաբանել, սակայն այդ ժամանակ քիչ օգուտ կա դրա ըմբռնումից: Շատ հաճախ է մանրը, այսրոպեականը մեզ թվում արտակարգ կարևոր՝ իրենով ստվերելով արդեն ետևում մնացած կյանքի ճանապարհի իսկական շրջադարձերը:HyCf0QRypIs

ՎԱԼԵՆՏԻՆ ՊԻԿՈՒԼ

2 Jun

Ես այնքան էլ չեմ վստահում մարդկանց, որոնք հրապարակայնորեն տարփողում են իրենց հայրենասիրության մասին: Նմանատիպ արտահոսքի մեջ միշտ էլ կարելի է որսալ ինչ-որ կեղծ բան: Պատահական չէ, որ Արևելքում հնուց ի վեր ասացվածք կա. «Գրպանում մուշկ ունեցողը դրա մասին չի աղաղակում փողոցներում, քանի որ մշկահոտն ինքն է մատնում իրեն»:

untitled

ՌԻԿ ՅԱՆՍԻ

2 Jun

Հավանաբար դա մեր ճակատագիրն է, մարդկության անեծքը՝ երբեք չճանաչել ու չհասկանալ իրար: Մենք ստեղծում ենք մարդու մասին մեր կարծիքը՝ հիմնված նրա արարքների ու բառերի վրա, և ստացվում է փխրուն մի կառույց, գրեթե տեսիլք, որ գոյություն ունի միայն մեր գիտակցության մեջ: Այդ տեսիլքն ասես անտիկ աստվածների տաճար լինի, որտեղ աստվածները երբեք չեն ապրել: Մենք հասկանում ենք, մենք զգում ենք կազմությունը, մենք սիրում ենք այն՝ մեր սեփական ստեղծագործությունը:

CREATOR: gd-jpeg v1.0 (using IJG JPEG v62), quality = 90

ՋՈՆ ԼԼՈԻԴ

30 May

Կենսաբաններն ասում են, որ մարդուն շարժման մեջ են դնում երեք հիմնական ուժերը՝ ուտելիքը, սեքսը և ինքնապահպանումը: Իսկ մենք ասում ենք, որ կա նաև չորրորդ շարժիչ ուժը, ինչն էլ մեզ մարդ է դարձնում՝ հետաքրքրասիրությունը: Խոզուկին բացարձակապես չի մտահոգում գոյության իմաստը, կնճիթավորներն ու թիթեռնիկները իրենց հայացքը չեն սևեռում գիշերային երկնքին և չեն հարցնում, թե ինչ կետեր են այնտեղ առկայծում: Իսկ ահա մարդը…0_eb9cf_45af451a_XXL

ԱՆՏՈՆ ՉԵԽՈՎ

30 May

Եթե ֆիզիկական և բարոյական անմաքրությունը մի տեղից քշես, այն մեկ ուրիշ տեղ կփոխադրվի…
Նախապաշարմունքները և այդ բոլոր զազրելի ու նողկալի առօրյա բաները հարկավոր են, որովհետև դրանք ժամանակի ընթացքում վերածվում են մի որևէ պետքական բանի, ինչպես գոմաղբը՝ սևահողի։ Աշխարհում չկա ոչ մի այնպիսի լավ բան, որ իր սկզբնաղբյուրում աղտ չունենա։616

ԻՐՎԻՆ ՅԱԼՈՄ

30 May

Զգուշացեք մեկ ուրիշի հետ բացառիկ և անխոհեմ կապվածությունից. դա բնավ էլ չի հանդիսանում (ինչպես հաճախ թվում է) բացարձակ սիրո օրինակ: Ինքն իր մեջ ներփակված ու ինքն իրենով կերակրվող այդպիսի սերը, որն ուրիշների կարիքը չունի ու ոչինչ չի տալիս նրանց, դատապարտված է ինքնափլուզման:zgbdc5-689g5c5x0cw10laur267-original

ԼԻԹՈՆ ՍԹՐԵՉԻ

30 May

Սխալը, անըմբռնողականությունը, անախորժ խոչընդոտները, որոնք ի հայտ են գալիս ձեր ճանապարհին, պետք է ընկալել այնպիսին, ինչպիսին նրանք կան՝ որպես կյանքի բնական դրսևորում, որպես կյանքի մութ կողմ: Հաղթահարելով այդ խոչընդոտները, ձեր գիտակցությունը զարգանում է, վարժվում է, հասնում է կատարելության, իսկ բնավորությունը ձեռք է բերում ուժ, դիմացկունություն և անհրաժեշտ համառություն:

«Վիկտորյա թագուհին» գրքիցPresence-Lytton-Strachey-631

ԼԻ ՅԱԿԿՈԿԱ

28 May

Մի անգամ ես հորս տարա «Ֆորդի» դիլերների ամենամյա խորհրդաժողովին: Երբ նիստն ավարտվեց, մենք որոշեցինք գնալ գոլֆ խաղալու: Թեև հայրս մինչ այդ երբեք մականը ձեռքը չէր առել, մենք նրան խնդրեցինք մասնակից դառնալ խաղին:
Առաջին հարվածը կատարելուց հետո նա ցատկոտելով սուրաց գնդակի ետևից և ամբողջ խաղի ընթացքում վազվզեց, թեև 70 տարեկան էր: Ես փորձեցի խաղաղեցնել նրան. «Հանգստացիր, հայրիկ: Գոլֆը խաղ է հանդարտ քայլքի համար»: Բայց պետք էր ճանաչել իմ հորը: Նա միշտ կարծում է, որ «իմաստ չունի քայլել, եթե կարելի է վազել»:1378478691142954339

ՅԵՆՍ ՅԱԿՈԲՍԵՆ

27 May

Որտեղի՞ց նա պիտի իմանար, որ եթե չափից ավելի հաճախ ես երգում խելահեղ սիրո հիմնը, այն կորցնում է բառերի ու մեղեդու հմայքը և վերածվում է անճաշակ բարբաջանքի: Նա որտեղի՞ց պիտի իմանար, որ այսօր երջանկությունը որքան էլ մեզ երկինք բարձրացնի, վաղը նրա թևերը կթուլանան: Իսկ երբ վրա հասավ ծանր խումհարը, նա ցավով հասկացավ, որ հիասթափվել են մեկը մյուսից մինչև իրար հանդեպ քաղցր արհամարհանքը, քաղցր քամահրանք, որ օր օրի կորցնում էր իր քաղցրությունը՝ ձեռք բերելով դառնահամը:

«Նիլս Լյունե» գրքիցjacobsen_j_p-19920822.2_png_300x364_q85

ԲԵՆԹԼԻ ԼԻԹԼ

27 May

Իմ կարծիքով, յուրաքանչյուր մարդու համար վրա է հասնում այնպիսի մի շրջան, երբ կյանքը սկսում է թվալ ձանձրալի, երբ կառչում է «ապրիր ներկայով» փիլիսոփայական թեզերից մեկին, որովհետև ետ նայելը և բոլոր բաց թողնված հնարավորություններին հայացք նետելը ցավագին է, իսկ ինչ-որ բան փոխելու համար այլևս ոչ ուժ կա, ոչ ժամանակ:Bentley-Little

ՔԱՐԼԶ ԴԸ ԼԻՆՏ

26 May

Կարևոր են ոչ թե պատասխանները, այլ հարցերը, որոնք մենք տալիս ենք, և ուղիները, որոնցով անցանք ու հասանք այստեղ այն պատճառով, որ հարցեր էինք տվել: Լավ է, որ աշխարհում գաղտնիքներ կան: Դրանք մեզ հիշեցնում են այն մասին, որ կյանքն ավելին է, քան աշխատանքի ու հաճույքների հաջորդականությունը:locus2

ԴԵԼՓԻՆԵ ԴԵ ՎԻԳԱՆ

26 May

Մենք կարողանում ենք ստեղծել գերձայնային ինքնաթիռներ և տիեզերք ուղարկել հրթիռներ: Մենք ընդունակ ենք գտնել հանցագործին մեն-մի հատիկ մազի կամ մաշկի միկրոմասնիկի օգնությամբ: Մենք աճեցնում ենք լոլիկներ, որոնք թարմությունը պահպանում են երեք շաբաթից ավելի: Մենք հորինել ենք փոքրագույն էլեկտրոնային չիպեր, որոնք ընդունակ են լցնելու տեղեկատվական անդունդը: Եվ մենք կարողանում ենք մարդկանց թողնել փողոցում, որ մեռնեն:6a00d8341bfb1653ef017ee895ea9a970d

ՍՎԵՆ ԼԻՆԴԳՎԻԹ

25 May

Պատիվը, արդարությունը, կարեկցանքը, ազատությունը գաղափարներ են, որոնք դեռ ոչ մեկին դարձի չեն բերել: Կան միայն նրանք, ովքեր չիմանալով, չգիտակցելով, չզգալով՝ սոսկ հարբեցնում են իրենց բառերով, կրկնում են բառերը, բացականչում են դրանք՝ երևակայելով իրենց դրանց հավատացյալը, թեև իրականում չեն հավատում ոչնչի, բացի օգուտից, անձնական շահից, սեփական հաճույքներից:

Foto: Jurek Holzer/Svenska Dagbladet 2008-01-30 Författaren Sven Lindqvist intervjuas om sin nya bok Avsikt att förinta som kommer ut i januari. Bilderna är tagna i hans lägenhet på Bellmansgatan och i bakgrunden syns en väggbonad inhandlad under en resa i Kashmir.

ՍԵՐԳԵՅ ՅՈՒՐՍԿԻ

25 May

Երջանիկ է նա, ով չի ափսոսում իր կատարած ընտրության համար: Իսկ նրան, ով ափսոսում է, համակում է թախիծը, հետո կարոտը, հետո հուսահատությունը: Սիրտը ճմլվում է… Բաց տեղեր տեքստում, հիշողության մեջ: Բացթողումներ՝ հանդիպումներ, հանդիպումներ, հնարավորություններ, ժամադրություններ, խնդություններ… Մի պարտքի կատարումը դուրս է մղում մյուս պարտքերը հատուցելու հոգսը: Կան առաջնայնություններ. պետք է ընտրել գլխավորը:
Նախ՝ տագնապ, հետո՝ ամոթ: Տագնապ, որ սխալվում ես, որ թույլ չեն տա իրագործել: Ամոթ, որ սխալվեցիր, որ չարեցիր այնպես, ինչպես ուզում էիր: Իսկ եթե վերադառնա՞լ, ետ պտտե՞լ: Կապվել թելի հանգույցով այն դռան բռնակին, որից մի ժամանակ դուրս ես եկել: Թող քանդվի կծիկը, թող թելն իր ետևից քաշի բոլոր շրջադարձերով, վերելքներով ու վայրէջքներով: Իսկ երբ կթվա, որ առջևում փակուղի է, բռնիր թելից ու փորձիր ետ գնալ, փնտրիր այն դուռը, որտեղից դուրս եկար դեպի բաց տարածություն… Փնտրիր այն դուռը… Չի ստացվում: Ոտքերդ հոգնել են, թելդ խճճվել է ուրիշ թելերի հետ: Եվ քո դուռը չկա: Այնտեղ հիմա դարպաս է: Կամ խուլ պատ: Միայն բռնակն է մնացել ու նրանից թել է կապված: Գուցե բնավ էլ քոնը չէ: Եթե քո կյանքի լաբիրինթոսում դու անեիր գեթ մեկ ուրիշ շրջադարձ, դա կլիներ ոչ այն: Համակերպվիր խնդիրների ու բացթողումների հետ. դրանք քո ընտրությունն էին: Կտրիր թելը: Դու ազատ ես, և յուրաքանչյուր նոր վայրկյանը նոր ընտրություն է:95765448_ya45

ՄԱՐԳԵՐԻՏ ՅՈՒՐՍԵՆԵՐ

23 May

Լռությունը միշտ էլ կազմված է չասված բառերից: Գուցե այդ պատճառով էլ ես դարձա երաժիշտ: Պետք էր արտահայտել այդ լռությունը, ստիպել նրան պատմելու իր թախիծը, այսպես ասած, հարկադրել նրան, որ երգի: Բայց դրա հետ մեկտեղ պետք էր դա անել առանց բառերի (բառերը միշտ էլ չափազանց որոշակի են և այդ պատճառով էլ՝ դաժան), միայն երաժշտությամբ, որովհետև երաժշտությունն անհամեստ չի լինում, և բողոքելով հանդերձ նա չի ասում, թե որն է այդ բողոքի պատճառը…

????????????????????????????????????

ԷՆՆ ԼԻՆԴԲԵՐԳ

23 May

Յուրաքանչյուր օր, յուրաքանչյուր արարք կղզի է՝ ժամանակի ու տարածության ջրերով շրջապատված: Յուրաքանչյուր օրը կղզու ավարտվածությունն ունի: Մարդիկ նմա մթնոլորտում վերածվում են կղզիների՝ անկախ, ամբողջական, խաղաղված, ուրիշների անձնական անդորրը հարգող, նրանց ափերը չներխուժող, մեկ այլ անհատականության հրաշքի հանդեպ հարգանքով նահանջող: Սակայն իրականում ուրիշներից մեզ առանձնացնում է ոչ թե ֆիզիկական առանձնացումը, ֆիզիկական մեկուսացումը, այլ հոգևոր կղզիացումը:

«Ծովի նվերը» գրքից99396

ԿԱՐԼ ՅՈՒՆԳ

22 May

Ցավն այն է, որ դուք ապրում եք օրինակներով: Դրանց մեջ կյանք չկա: Եթե դուք ապրում եք օրինակներին համապատասխան, դուք ապրում եք այդ օրինակի կյանքով: Իսկ ո՞վ պիտի ապրի ձեր կյանքով, եթե ոչ ինքներդ: Այնպես որ, ապրեք ինքներդ:

00v/51/arve/G2035/036

ՎԻՃԱԿԱԳՐՈՒԹՅՈՒՆ

Map

Follow

Get every new post delivered to your Inbox.

Join 4,901 other followers

%d bloggers like this: