Պահոց | ՄՏՔԵՐ ՈՒ ԽՈՀԵՐ RSS feed for this section

ՄԻՇԵԼ ՖեՅԲԵՐ

12 Նյմ

Դժվար է ստիպել մարդկանց հասկանալ, որ իրենց կյանքը դաժան է ու սահմանափակ միայն այն պատճառով, որ նրանք այդպես են ընկալում: Դժվար է ստիպել մարդկանց տեսնել, որ գոյության անառարկելի փաստերը այնքան էլ անառարկելի չեն: Դժվար է գտնել ավելի հեշտ բառ, քան «անպատճառը», որպեսզի ասես պատճառի մասին:
Ամեն դեպքում, այն, ինչ կատարվում է, միշտ տարբերվում է նրանից, ինչը մենք կարող ենք պատկերացնել:1358887504_milniepuziri-2

Advertisements

ԼԵՈՆԱՐԴ ՔՈՀԵՆ

12 Նյմ

Երբեք մի խաղացեք բառը: Երբեք մի փորձեք ձեր ոտքերը պոկել հատակից, երբ խոսում եք թռչելու մասին: Երբեք մի փակեք ձեր աչքերը և մի խոնարհեք ձեր գլուխը, երբ խոսում եք մահվան մասին: Մի ուղղեք ձեր վառվող աչքերը ինձ, երբ խոսում եք սիրո մասին: Եթե ցանկանում եք տպավորել ինձ, սիրո մասին խոսելիս պահեք ձեր ձեռքը գրպանում ու խաղացեք ինքներդ ձեզ հետ: Թե ամբիցիան և ծափահարությունների քաղցն են դրդում խոսել սիրո մասին, պետք է սովորեք՝ ինչպես անել դա առանց խայտառակելու ինքներդ ձեզ և նյութը:
Թարգմ. Դիանա Հակոբյանimg_0733_2

ՇԵՐՐԻ ԱՐԳՈՎ

10 Նյմ

Անձնական հարաբերություններում կա մի հանգամանք, որը չի կարելի թերագնահատել: Ես խոսում եմ փողի մասին: Բազմաթիվ կանայք երազում են փայլփլուն զրահներով ասպետի մասին, որ պիտի գա ու վճարի իրենց բոլոր հաշիվները: Նրանք չեն գիտակցում, որ պարոն Կատարելությունը պարզապես դուրս կքաշի իրենց ոտքի տակի հողը: Եթե նա սկսի վճարել դղյակի բոլոր հաշիվները, նա էլ կպատվիրի երաժշտությունը: Եվ այդ ժամանակ արքայադուստրը կդադարի արքայադուստր լինել ու իրեն կզգա սովորական աղախնի նման:rycar-i-princessa-730x456

ՌՈԲԵՐՏ ՀԱՅՆԼԱՅՆ

7 Նյմ

Քանի անգամ եք առիթ ունեցել տեսնելու այսպիսի վերնագիր. «Երկուսը զոհվեցին՝ փորձելով փրկել խեղդվող երեխային»: Եթե լեռներում մարդ է մոլորվում, հարյուրավոր ուրիշներ գնում են նրանց փնտրելու և երբեմն երկու-երեք փրկարարներ զոհվում են: Բայց հաջորդ անգամ ավելի շատ կամավորներ են մեկնում: Հիմար թվաբանություն է: Բայց շատ մարդկային: Եվ այդ միտքը ձեզ է փոխանցվում բանահյուսության, ողջ կրոնի, ողջ գրականության միջոցով՝ եթե ինչ-որ մեկն օգնության կարիք է զգում, գնի մասին ոչ ոք չի մտածում: Թուլությու՞ն է: Իսկ գուցե բացառիկ ուժ է, որ մեզ նվիրել է գալակտիկան:9376-620x509

ԽԱՁԻՄԵ ԻՍԱՅԱՄԱ

4 Նյմ

Ինձ դուր չի գալիս մարդկանց լավերի ու վատերի բաժանելը: Եվ, այնուհանդերձ, դու կարծես ինքդ քեզ ասում ես. «Ահա այս մարդն ինձ համար ինչ-որ բան կանի, իսկ այս մյուսը ոչինչ չի անի»: Չեն լինում բոլորին ու յուրաքանչյուրին օգտակար մարդիկ: Եթե դու օգնեցիր մեկին, ապա հնարավոր է, որ վնասեցիր մեկ ուրիշին…cartoon-devil-and-angel

ԷՄԻԼ ՉՈՐԱՆ

1 Նյմ

Եթե ես իրականացնեի այն բոլորն, ինչ մտադրվել էի, արդյո՞ք դա ինձ երջանիկ կդարձներ այժմ: Իհարկե ոչ: Ինչ-որ ժամանակ ինքս ինձնից դուրս որոնումների երկար ճանապարհը բռնելով, դեռ ճանապարհի կեսին ես սկսեցի կասկածել իմ նպատակին և բոլոր նպատակներին ընդհանրապես:
Այն, ինչ ես գիտեմ, սպանում է այն, ինչ ես ուզում եմ:em-cioran

ԱՐԹՈՒՐ ԳՈԼԴԵՆ

31 Հկտ

Հիմա ես գիտեմ, որ մեր աշխարհն ավելի հաստատուն չէ, քան օվկիանոսում բարձրացող ալիքները: Ինչպիսին էլ դրանք լինեն, մենք պիտի վերապրենք մեր հաղթակակներն ու պարտությունները, որովհետև շատ շուտով կբարձրանա նոր ալիքը, սակայն դա արդեն կլինի նոր պատմություն…
Անհաջողությունը նման է ուժգին քամու: Ես նկատի չունեմ, թե նա մեզ շեղում է նախանշված ուղուց: Նա պոկոտում է մեր զգեստները ու մենք մնում ենք այնպիսին, ինչպիսին իրականում կանք, այլ ոչ թե այնպիսին, ինչպիսին ցանկանում էինք երևալ:34042

ՄՏՔԵՐ

29 Հկտ

Ասա, երբ ձյունը ջուր է դառնում, նա հիշու՞մ է, որ եղել է ձյուն:
Ջենիֆեր Մըքմահոն

Կատարելությունը չի կարելի սիրել: Բայց կատարելությանը կարելի է դիտել իբրև կատարելություն:
Ֆեոդոր Դոստոևսկի

Ճշմարտությունը նման է այն երգին, որը ոչ ոք չի ուզում լսել: Վախ կա, որ այն մեկընդմիշտ կխցկվի-կմնա իրենց գլխում:
Նազիմ Ռակհա

Ուզու՞մ ես աստծուն զվարճացնել՝ պատմիր նրան քո ծրագրերի մասին:
Ելենա Մինիկինա-Թայչեր

Ոչինչ այնպես ցավ չի պատճառում մարդուն, ինչպես նրա երջանկության բեկորները:
Միխայիլ Ժվանեցկի

Պատմությունից առավել ես նախընտրում եմ միֆոլոգիան, քանի որ պատմությունը սկիզբ է առնում ճշմարտությունից և գնում է դեպի խաբեություն, իսկ միֆոլոգիան սկսում է խաբեությունից ու գնում է դեպի ճշմարտություն:
Ժան Կոկտո

«Թվարկեք վեց բան, առանց որի ապրել չեք կարող»: Ես գրեցի. «Թթվածին, ջուր, սնունդ, սիրտ, թոքեր», իսկ հետո համոզվելով, որ բավականին պարզ եմ արտահայտվել, ավելացրեցի. «Ինտերնետ»:
Լոտտի Մոգաչ

Կյանքում երկու հիասթափություն է լինում. երբ ցանկանում ես ու չես ստանում ցանկալին և երբ ցանկանում ես ու ստանում ես:
Ռաջնիշ Օշո

Թույլ մարդիկ ոչնչացնում են իրենց թշնամու մարմինը, ուժեղները ոչնչացնում են թշնամու կերպարը, որ կրում են իրենց ներսում:
Ավգուստո Կուրի

Առաջ ես կարծում էի, թե դժոխքը մի տեղ է, որտեղ վառ կրակն է բորբոքվում և թագավորում են տառապանքն ու ցավը: Հիմա ինձ թվում է՝ դա այն վայրն է, որտեղ մշտապես միայնակ ես և քեզ սպասում է հուսահատությունը:
Քրիս Մունի

Գուցե ինձ մեկ տարուց էլ պակաս է մնացել ապրելու համար: Բայց դուք լսեք, թե ինչպես են երգում թռչունները…
Քեն Ուիլբեր

Ով սիրում է, պիտի կիսի նրա ճակատագիրը, ում սիրում է:
Միխայիլ Բուլգակով6bg8nrpvule

ՄԱՐԻԱ ԷՌՆԵՍՏԱՄ

26 Հկտ

Պարզապես երբ սկսում ես փորփրել ինքդ քո մեջ, զանազան մտքեր են գլխիդ մեջ գալիս… Հին ընկերներին նոր կողմերից ես տեսնում: Նրանք, որոնց հետ հույսեր էիր կապել, երես են թեքում քեզնից: Փոխարենը հազիվ ծանոթ մարդիկ, պարզվում է, պատրաստ են քեզ լսել ու մխիթարել: Եվ այդ ժամանակ կամա թե ակամա սկսում ես խորհել անցյալիդ մասին, այն մասին, ինչը նախկինում դու քեզ արգելել էիր մտածել: Չէ՞ որ դու գիտես, որ եթե սկսես փորել, վաղ թե ուշ կհանդիպես որդերի:hqdefault

ԱԼԵՔՍԱՆԴՐ ԴՅՈՒՄԱ

26 Հկտ

«Վաղը, վաղը»: Օ, որքան շատ բան է նշանակում այս բառը սիրահարների, փառասերների ու նաև թշվառների համար: Ինչպիսի դեր է այն խաղում մեր կյանքում: Հաճախ մենք այդ բառը շշնջում ենք՝ հույսերի իրագործմամբ տոգորված, սակայն այդ «վաղ»-ը, որն այնքան շատ բան էր խոստացել, վերածվում է «այսօր»-ի, և հատկապես «երեկ»-ի՝ չբերելով ոչինչ, բացի ցավից: Այդպես էլ անցնում են մեր օրերը: «Ցանկանալ» և «ափսոսալ». այս երկու բառերով էլ գրվում է մեր պատմությունը:alexandre_dumas_fils_lacma_ac1992-229-62

ԲՐԻԹԱՆԻ ՉԵՐՐԻ

26 Հկտ

Դու գիտե՞ս այն վայրը, որ գտնվում է մղձավանջի ու երազանքի միջև: Վայրը, որտեղ վաղը երբեք չի բացվում, իսկ երեկն այլևս ցավ չի պատճառում: Վայրը, որտեղ քո սիրտը բաբախում է իմ սրտի հետ միաձայն: Վայրը, որտեղ ժամանակը գոյություն չունի և հեշտ է շնչելը: Ես ուզում եմ այդ վայրում քեզ հետ ապրել:john-wilhelm

ՄՏՔԵՐ

23 Հկտ

Կամակորության և հավերժական սիրո միջև տարբերությունն այն է, որ կամակորությունը տևում է փոքր-ինչ ավելի:
Օսկար Ուալդ

Բացարձակ արժեք գոյություն ունի: Տարբերություն կա Կանդինսկու և… պահարանի կախիչի միջև: Նույնիսկ եթե ոչ ոք չի հասկանում այդ տարբերությունը: Դրանք տարբեր են:
Սքոթ Մաքքլայդ

Անցյալը համառ է ճիշտ նույն պատճառով, ինչ պատճառվ կրիան ամուր պատյան ունի. ներսի կենդանի մարմինը նուրբ է ու անպաշտպան:
Սթիվեն Կինգ

Այն, ինչ անում է մեկ մարդը, մենք անվանում ենք հանցագործություն: Իսկ այն, ինչ անում են մեծ թվով մարդիկ, մենք կոչում ենք կառավարություն:
Ռոբերտ Շեքլի

Երբ ծովին երկար ես նայում, սկսում ես կարոտել մարդկանց: Իսկ երբ երկար նայում ես մարդկանց՝ ծովն ես կարոտում:
Հարուկի Մուրակամի

Եթե դավաճանում ես, գոնե բարի եղիր պահպանել պատշաճությունը:
Ստեֆան Ցվայգ

Լրջությունը մտքի արգելափակված վիճակ է: Դա լճացման վիճակ է: Լուրջ մարդիկ հիվանդ մարդիկ են:
Օշո

Չկրթված միտքը վտանգավոր է:
Կոնֆուցիոս

Միայն սերը բավարար չէ, որ երկուսը ընդմիշտ միասին լինեն:
Քարեն Ուայթ

Ինչպե՞ս վերստին սովորեմ չիմանալ, թե դու ինչպես ես ապրում: Ինչպե՞ս վերստին ապրեմ, երբ չեմ լսում քեզ:
Մարկ Լևի

— Որքա՞ն երկար կարելի է սիրել այն կնոջը, որը քեզ չի սիրում:
— Որը չի՞ սիրում: Ամբողջ կյանքում:
Օսկար Ուայլդ

Ստիպված ես վազել ամբողջ թափով, որ ընդամենը մնաս միևնույն տեղում: Իսկ որպեսզի ուրիշ տեղ հասնես, պետք է վազել կրկնակի արագ:
Լուիս Քերոլ

Ես ոչ մեկին չեմ վիրավորում, հարգարժան պարոն: Ես ախտորոշում եմ կատարում:
Ամելի Նոթոմբ

Համեստության պակասը խելքի պակաս է:
Ալեքսանդր Պոպ

Երիտասարդ տարիներին մենք ապրում ենք, որ սիրենք: Հասուն տարիքում սիրում ենք, որ ապրենք:
Շարլ Սենթ-Էվրեմոն

Մարդը պարտության մեջ է ճանաչելի, ոչ թե հաղթանակի:
Սթիվեն Կինգ

%d0%b7%d0%b0%d0%bf%d0%b8%d1%81%d1%8c

ԲԵՐՏՈԼԴ ԲՐԵԽՏ

23 Հկտ

Դուք գիտե՞ք, թե ինչպես է ծնվում մարգարիտը խեցու մեջ: Այս ոստրեն մահացու հիվանդանում է, երբ նրա մեջ ներթափանցում է մի ինչ-որ օտարածին մարմին, օրինակ, ավազահատիկ: Նա շրջանակում է այդ ավազահատիկը արցունքե գնդիկով: Այդ ժամանակ ոստրեն ինքն էլ քիչ է մնում հոգին ավանդի: Եվ ուրեմն գրողի ծոցը թող կորչի մարգարիտը, ես նախընտրում եմ առողջ ոստրե:5800_3

ՋՈՒԼԻԱՆ ԲԱՐՆՍ

21 Հկտ

Ոչ մի բան սկիզբ չի առնում որոշակի վարքագծով, որոշակի օրը, որոշակի տեղում: Ամեն բան սկիզբ է առնում տարբեր վայրերում, տարբեր ժամանակներում, ընդ որում՝ երբեմն նույնիսկ մինչև քո լույս աշխարհ գալը, օտար հողերում, օտար մտքերում: Իսկ մեկ անգամ սկիզբ առնելով ամեն բան ընթանում է սահմանված հերթականությամբ՝ և ուրիշ հողերում, և ուրիշ մտքերում…julian-barnes

ԼՈՐԵՆ ՕԼԻՎԵՐ

21 Հկտ

«Ամեն ինչ լավ կլինի»: Այս բառերն իրականում ոչինչ չեն նշանակում, դրանք ընդամենը ձայներ են սև անեթերային դատարկության մեջ, գոնե ինչ-որ բանից կառչելու խղճուկ փորձեր են, երբ անդունդն ես գահավիժում: Որքան ցավոտ է և որքան դյութիչ է լինել կողք-կողքի և միևնույն ժամանակ չունենալ հնարավորություն դիպչելու մեկմեկու:145798696616348552

ՎԻԼԵՅՆԱՈՒՐ ՌԱՄԱՉԱՆԴՐԱՆ

20 Հկտ

Արդյոք պատահակա՞ն է, որ մեր համարյա բոլոր հույզերը իմաստ են ձեռք բերում միայն ուրիշների հետ հարաբերության մեջ: Հպարտությունը, մեծամտությունը, փառասիրությունը, սերը, վախը, մեծահոգությունը, խանդը, զայրույթը, ամբարտավանությունը, մարդասիրությունը, խղճահարությունը, նույնիսկ սեփական անձի հանդեպ խղճահարությունը,- այս հույզերից և ոչ մեկը որևէ իմաստ չէր կարող ունենալ սոցիալական վակուումի պայմաններում:a_t100_ramachandran

ՋԵՐՈՄ Դ. ՍԵԼԻՆՋԵՐ

17 Հկտ

Ձանձրացրել է ինձ այդ հավերժական «ես, ես, ես»-ը: Եվ իմ ես-ը, և ուրիշներինը: Ձանձրացրել է ինձ, որ բոլորը ձգտում են ինչ-որ բան ձեռք բերել, ուզում են ինչ-որ ակնառու բաներ անել, դառնալ ինչ-որ մեկի համար հետաքրքիր: Զզվելի է, այո, այո, զզվելի է: Եվ միևնույն է, թե մյուսներն ինչ կասեն… Ես ինքս ինձ համար էլ եմ ամաչում, որ քաջությունս չի բավարարում լինել պարզապես ոչ մեկը: Ես ինքս ինձնից էլ եմ ձանձրացել ու ձանձրալի են նրանք, ովքեր ցանկանում են մեծ իրարանցում ստեղծել:
,Ֆրենի և Զուի» գրքից

JD Salinger Portrait Session

Եթե սիրում է

12 Հկտ

«Երբեք մի հավատա կանանց: Թուրք սուլթանները իմաստուն ու հեռատես մարդիկ էին: Հենց որ կինը քեզ կասի, որ սիրում է, որ դու նրա համար ամեն ինչ ես, նրան պարկի մեջ գցիր ու ջրասույզ արա: Եթե իրոք սիրում է՝ չի նեղանա, եթե ոչ՝ մի սուտասան պակաս կլինի»:

Դմիտրի Եմեցhohmodrom_chajkinadmorem

ԴՈՒԳԼԱՍ ՔՈՈՒՓԼԵՆԴ

12 Հկտ

Ես չեմ հավատում, որ մահացածները մնում են մեզ հետ: Ինձ թվում է, նրանք ուղղակի հեռանում են: Դադարում են լինել: Բայց եթե մահից հետո ինչ-որ մի կյանք այնուամենայնիվ գոյություն ունի, այդ դեպքում մեր ննջեցյալները պիտի նստեն տրիբունաներում դրոշներով ու բարձրախոսներով և աղաղակեն ամբողջ ուժով. «Աստծո սիրուն, մոռացեք մեր մասին: Շարունակեք ապրել: Հա, մենք մեռած ենք: Բայց դուք հո կենդանի եք դեռ»:rikmu5yvqca

ՊՈԼ ԱՆԴԵՐՍՈՆ

9 Հկտ

Յուրաքանչյուր իրադարձություն բազմաթիվ փաստերի հանրագումարն է, այլ ոչ թե եզակի պատճառի հետևանքը: Սակայն ժամանակ առ ժամանակ տեղի են ունենում վճռորոշ դեպքեր: Եվ ինչ-որ մի կետում միահյուսվում են այնպիսի մեծ թվով համաշխարհային գծեր, որ այդ հանգույցը կանխորոշում է ողջ ապագան:
Ժամանակի և տարածության մեջ լինում են նաև շեղումներ ու խզումներ: Համաշխարհային գծերը կարող են երկատվել և պրկվել հանգույցներում, ինչի արդյունքում հանկարծակի խնդիրներ են առաջանում ու կատարվում են ոչնչով չպայմանավորված իրադարձություններ:117602

%d bloggers like this: