Պահոց | ՄՏՔԵՐ ՈՒ ԽՈՀԵՐ RSS feed for this section

ՄՏՔԵՐ

6 Հկտ

Իրականում մեզնից յուրաքանչյուրը նման է թատերական ներկայացման, որ դիտում են երկրորդ արարից: Ամեն ինչ լավ է, բայց ոչինչ հասկանալի չէ:
Խուլիո Կորտասար

Ես աշխարհ եմ: Բայց աշխարհը ես չեմ:
Դանիել Խարմս

Ուզու՞մ ես մարդկանց դարձնել ազատ,- նախ ինքդ ազատագրվիր:
Ուզու՞մ ես, որ քեզ սիրեն,- նախ ինքդ սիրիր:
Ուզու՞մ ես ինչ-որ բան ստանալ,- նախ ինքդ տուր:
Վիկտոր Լիխաչև

Մարդկային հանրությունը նման է մի հրեշի, որը ոչինչ չի սովորում, անում է միևնույն ապուշ սխալները, գնում է կարճաժամկետ հաճույք` երկարատև ցավի գնով:
Մարգարետ Էթվուդ

Մեռածները չեն նախանձում ապրողներին:
Ջեյմս Ռոլլինս

Չորս բան կա, որոնք այսօր կառավարում են աշխարհը՝ փողը, կրոնը, ֆուտբոլն ու պատերազմը:
Արթո Պաասիլինա

Խելագար սերը արագ է անցնում, երկու խելագարների սերը՝ երբեք:
Անջելինա Ջոլի

Քանի դեռ քո կյանքում տեղ չի գտնվել այն մարդու համար, ում կհամարես ոչ պակաս կարևոր, քան ինքդ քեզ, դու միշտ կլինես միայնակ:
Ռիչարդ Բախ

Այս աշխարհում ամեն բան շատ պարզ է` առաստաղը սպիտակ է, ճտքակոշիկները սև են, իսկ շաքարը քաղցր է:
Անտեն Չեխով

Ինչ-որ տեղ կարդացել եմ, որ դինոզավրերը վերացան, քանի որ նրանց ոչ ոք չէր շոյել: Հուսամ, տղամարդիկ չեն կրկնի նույն սխալը կանանց դեպքում:
Ֆաբիո Վոլո

Ամուսնության մասին չափից ավելի մտածելը գռեհկություն է:
Հենրի Ջեյմս

Եթե 600 կապիկ 700 տարի չխչխկացնեն գրամեքենան, ապա նրանցից մեկը կհավաքի Շեքսպիրի տողը:
Սթիվեն Կինգ

Ով պայքարում է՝ կարող է նաև պարտվել: Ով չի պայքարում՝ արդեն պարտված է:
Ֆայթ Էթցոլդ

Խելացի մարդիկ ներում են, բայց չեն մոռանում:
Քոլին Թիփինգ

Երջանկությունը վաղվա օր չունի: Երեկվա օր էլ չունի: Նա չի հասկանում անցյալը և չի մտածում գալիքի մասին: Նա ունի միայն ներկան:
Իվան Տուրգենև

Խոհեմությունն այսպես ամենքիս վախկոտ է դարձնում…
ՇեքսպիրThe-art-of-sales-through-story-telling

ԱԼԵՔՍԱՆԴՐ ՖՈՆ ՇԵՄԲՈՒՐԳ

10 Սպտ

Ոչնչով ուրիշներից ետ չմնալու ձգտումը երջանկությունից ինքդ քեզ զրկելու միջացներից մեկն է: Եվ կարևոր չէ, թե մինչև որ մակարդակը այդ բավարարման ձգտումը կարող է զարգանալ: Երջանկությունը հնարավոր է միայն այն պայմանով, երբ մարդը կարողանում է գոհ լինել նրանով, ինչ ինքն ունի և չի նախանձում ունևոր մարդկանց:

2123743

ԹՈՄ ՌՈԲԻՆՍ

10 Սպտ

Զգալով մեր անկատարությունը, մենք մշտապես որոնում ենք մեկին, ով կլրացնի մեզ: Եվ երբ սիրային կապից ամիսներ կամ տարիներ անց վերստին զգում ենք, որ ինչ-որ բան պակասում է, դրա համար մեղադրում ենք մեր զուգընկերոջը և գլխովին նետվում են նոր, առավել խոստումնալից կապերի ետևից: Սա կարող է տևել որքան ցանկանաք և վերածվել սերիական բազմակնության, քանի դեռ մի օր մենք չենք գիտակցի, որ մեկ ուրիշը կարող է մեր կյանք բերել բազում քաղցր պահեր, սակայն միայն մենք ինքներս ենք պատասխանատու մեր ամբողջականության ու կատարելության համար: Ոչ ոք, մեզնից բացի, չի կարող իրագործել մեր ինքնաիրացումը և հաստատել հակառակը:

Tom-Robbins-e1353605364133

ԲԼԱՔ ՍԵԱ

24 Օգս

Եթե շատ ու շատ անգամ օգտագործված փալասը լվանաք, այն ամբողջությամբ չի մաքրվի: Բոլորը նրան կշարունակեն օգտագործել հատակը մաքրելու համար և կամ դեն կնետեն, երբ քրքրվի: Մարդկանց համար այն պետքական կլինի միայն այդ նպատակով: Եվ որքան էլ փալասը ջանա փոխել իր դերը, նա միշտ փալաս է լինելու: 
Եթե չեք ցանկանում, որ ձեզ հիշեն այնպիսին, ինչպիսին թվում եք, փոխվեք, քանի դեռ ուշ չէ, քանի դեռ վարկաբեկիչ դիմակը չի սոսնձվել ձեր դեմքին:

maxresdefault

ԱԼԱՆ ՄՈՒՐ

24 Օգս

Մեզ սովորեցնում են հիշել ոչ թե մարդուն, այլ գաղափարը: Քանի որ մարդը թույլ է: Նրան կարող են բռնել, կարող են սպանել և տալ մոռացության: Բայց գաղափարը չորս դար հետո էլ կարող է փոխել աշխարհը: Ես իմ անձնական փորձից գիտեմ, թե ինչ բան է գաղափարի ուժը: Ես տեսել եմ, թե ինչպես են հանուն գաղափարի սպանություններ կատարվել, ինչպես են մարդիկ գնացել մահվան: Բայց անհնար է գաղափարը համբուրել: Անհնար է դիպչել նրան: Գրկել նրան: Գաղափարը չի կարող արնաքամ լինել: Նա ցավ չի զգում: Գաղափարը չգիտի սիրել: Այնպես որ ոչ թե գաղափարն է իմ վշտի պատճառը, այլ մարդը:

«V նշանակում է Վենդետա»

Alan Moore

ՄՏՔԵՐ

20 Օգս

Նրանք, ովքեր ասում են, թե դա անհնար է, չպետք է խանգարեն նրանց, ովքեր դա անում են:
Ջեք Կենֆիլդ

Մարդկության դժբախտությունների մեծ մասը բերում են բարի մտադրություններով ֆանատիկները:
Պոլ Անդերսոն

Հավատն առ այն, թե գոյություն ունի միայն մեկ ճշմարտություն և որ հենց ինքդ ես տիրապետում դրան, ինձ ներկայանում է իբրև աշխարհի բոլոր չարիքների խորագույն արմատը:
Մաքս Բորն

Ճշմարտությունը երբեք չի հաղթանակում: Ուղղակի մեռնում են նրա հակառակորդները:
Անրի Պուանկարե

Միշտ կգտնվեն էսկիմոսներ, որոնք Կոնգոյի բնակիչների համար կգրեն տրոպիկական շոգի պայմաններում դրսևորվող վարքի կանոնները:
Եժի Լեց

Դժբախտ են այն մարդիկ, որոնց համար ամեն ինչ պարզ է:
Լուի Պաստեր

Կինը գիտի սիրո իմաստը, տղամարդը՝ դրա գինը:
Մարտի Լարնի

Հոգում ծանրացած քարը իր քաշը չի փոփոխում: Փոխվում է միայն այդ քարը կրելու ուժը:
Մաքսիմ Մարուխ

Այն, ինչ բոլորին դուր է գալիս, ոչ միշտ է լավը:
Թոդ Շթրասեր

Ամեն ինչ անցնում է, բայց ամեն ինչ չէ, որ մոռացվում է:
Իվան Բունին

Երբ սիրտը կռիվ է տալիս դատողության հետ, հազվադեպ է պատահում, որ հաղթի դատողությունը:
Ժյուլ Վերն

Ես սիրեցի քեզ վաղը, որովհետև այսօր մենք դեռ անծանոթներ ենք:
Մարկ Լևի

Տեր Աստված, տուր ինձ իմաստնություն եւ ժուժկալ ապրելու կամք: Բայց ոչ հիմա, խնդրում եմ…
Ստանիսլավ Եժի Լեց

Կգա ժամանակը, երբ դու կորոշես, որ ամեն ինչ վերջացած է: Հենց դա էլ կլինի սկիզբը:
Լուիս Լամուր

Մարդուն կարելի է դուրս քաշել կեղտի միջից, բայց հնարավոր չէ կեղտը դուրս քաշել մարդու միջից:
Լի Հարփըր

Զգացմունքներն ու հույզերը մաքրում են հոգին, ինչպես ջուրը մարմինն է մաքրում: Բայց ամբողջ օրը թաց-թաց ման գալն էլ հիմարություն է:
Հենրի Լայոն Օլդի

Եթե ինչ-որ պահի զգաս, որ դժվարացել է կյանքի ճանապարհով քայլելը, ուրեմն դու շարժվում ես դեպի վեր:
Օլեգ Ռոյ

Իմ դժբախտությունն այն է, որ ես ամեն ինչ հասկանում եմ:
Ալբեր Կամյու

47535966

ՍԱ ՓՉԱՑՆՈՒՄ Է ՄՅՈՒՍՆԵՐԻՆ

20 Օգս

Թագավորը սովորություն ուներ տարին մեկ անգամ այցելել բանտ, լսել կալանավորներին, և եթե նա որոշում էր որևէ մեկին ներում շնորհել, ապա հանցագործին ազատ էին արձակում նույն պահին: Ահա մի անգամ էլ տիրակալը բանտ էր գնացել, խցից խուց էր անցնում և բոլոր դատապարտյալները նրան ասում էին.
— Տեր արքա, մենք անմեղ ենք, մեզ անարդարաբար են բանտ նետել:
Եվ միայն նրանցից մեկը` մի մարդասպան, ով ցմահ դատապարտյալ էր, թագավորին ասաց.
— Տիրակալ, ես մղավոր եմ, ես մարդ եմ սպանել և արժանի եմ ավելի խիստ պատժի:
Այդ ժամանակ թագավորը կարգադրեց.
— Անմիջապես ազատ արձակեք: Սա փչացնում է մյուսներին: Բոլորն այստեղ անմեղ են, բացի այս մեկից:

RL4qpx8

ԱՅՍՕՐՆ ՈՒ ՎԱՂԸ

20 Օգս

— Իմ տառապանքներն անտանելի են,- ասաց մի մարդ իմաստունին:
— Ներկան երբեք անտանելի չի լինում: Քեզ հուսահատության է հասցնում այն, ինչը կարող է կատարվել հինգ րոպե անց կամ հինգ օր հետո: Դադարիր ապրել ապագայով: Աշխարհը լի է հրաշքներով: Տես այս գեղեցիկ կապույտ թռչնակին, որ նստել է ճյուղի վրա: Նա ցատկոտում է ու աշխարհը լցնում է իր երգով` տրված կախարդական երանությանը: Չէ՞ որ նրա համար գոյություն չունի այնպիսի հասկացություն, ինչպիսին է «վաղը»:

маленькая-птичка-на-ветке-1000x625

ԷԼՉԻՆ ՍԱՖԱՐԼԻ

15 Օգս

Հարցրեք, թե այս կյանքում ես ինչն ամենաշատը սիրեցի: Կպատասխանեմ` առօրյան: Դրանց սկիզբն ու ավարտը, դրանց հաղթանակներն ու պարտությունները, դրանց կորուստներն ու ձեռքբերումները: Դրանց մեջ նույնիսկ ինքնատիպության բացակայության դժգոհությունը չկա: Ամեն ինչ սովորական է, ինչպես բոլորի մոտ: Բայց այդ առօրյայի ամենակարևոր իմաստն այն է, որ մենք օրերը դիմավորում ու ճանապարհ ենք դնում միասին:

1450161394_maxresdefault-2

 

ԷՆԴՐՅՈՒ ՄԵՏՅՈՒԶ

15 Օգս

Մարդը ամենակարևոր դասերը քաղում է միայն այն ժամանակ, երբ հայտնվում է անելանելի կացության մեջ: Հաջողություններով մենք ուրախանում են, բայց դրանք մեզ ոչինչ չեն սովորեցնում: Իսկ պարտությունները շատ ցավոտ են, և նման դասերը մենք երկար ենք հիշում: Հայացք նետելով անցյալին`մենք  հատկապես դժբախտություններն ենք  համարում մեր կյանքի բեկումնային պահերը:

Andrew-Matthews-620x388

ԻՐՎԻՆ ՅԱԼՈՄ

15 Օգս

Մի մարդ պատրաստվում է անցնել կամրջակը, այսինքն մոտենալ մեկ ուրիշ մարդու, երբ հանկարծ այդ ուրիշ մարդը առաջարկում է անել հենց այն, ինչ նա ուզում էր անել: Եվ ահա հիմա առաջինը չի կարող քայլ կատարել, քանի որ տպավորություն կստեղծվի, թե իբր նա ենթարկվում է մյուսի կամքին: Գերիշխումը արգելք է հանդիսանում մերձեցման ճանապարհին:

«Երբ Նիցշեն արտասվեց» գրքից

rubric_issue_event_641605

ԱՄԵՆ ԲԱՆ ՔՈ ՁԵՌՔՈՒՄ Է

15 Օգս

Մի անգամ մեծ իմաստունի աշակերտը որոշեց ստուգել իր ուսուցչին: Նա մի թիթեռ որսաց ու մտածեց. «Իմ ուսուցիչն ամեն ինչ գիտի: Հիմա կմոտենամ նրան ու կհարցնեմ` ձեռքիս մեջ թիթեռ կա, ի՞նչ ես կարծում` նա կենդանի՞ է, թե՞ մեռած: Եթե ասի, որ կենդանի է, ես բռունցքս կսեղմեմ և թիթեռը կմեռնի, իսկ եթե ասի` մեռած է, ես ափս կբացեմ ու թիթեռը կթռչի»:
— Ուսուցիչ, ձեռքիս մեջ թիթեռ կա, ի՞նչ ես կարծում, կենդանի՞ է, թե՞ մեռած:
— Ամեն բան քո ձեռքում է,- պատասխանեց իմաստունը:

Ալեքսանդր Տկաչենկո

8395

ՉԱՐ ՃՇՄԱՐՏՈՒԹՅՈՒՆ

13 Օգս

Կար-չկար, մի մարդ կար, որը բոլորին ճշմարտությունն էր ասում: Տեսնում էր երկարաքիթ մեկին ու գոռում էր. «Դու այլանդակ ու տգեղ քիթ ունես»: Տեսնում էր կույրին ու ասում էր. «Դու խլուրդի պես կույր ես»: Տեսնում էր չարքաշ կնոջն ու ասում էր. «Դժվար է քո բանը, այ եթե ամուսին ունենայիր, նա քեզ կօգներ, բայց դու անմարդ ես»:
Մարդիկ լսում էին նրան, սակայն ոչ ոք չէր պատասխանում, ոչ ոք չէր ցանկանում վիճաբանել նրա հետ, որովհետև եթե չգիտես, թե ինչպես է պետք վարվել ճշմարտության հետ, ապա երբեմն ավելի լավ է ուղղակի լռել և հաշտ ապրել մյուսների հետ:

The-Truth-Behind-Pathological-Compulsive-Liars-722x406

ԴԵՆ ՈՒԵԼՍ

13 Օգս

Այլոց հետ հուզական կապի բացակայությունը մարդու վրա տարօրինակ ներգործություն է ունենում: Դու քեզ զգում ես օտար և միայնակ, կարծես կողքից ես դիտում մարդկային ցեղին և անտարբեր ու անկոչ ես: Մարդիկ սեթևեթում են, գնում են անպետք գործերին, իրենց օջախ են պահում և աշխարհը լցնում են անիմաստ հույզերով, իսկ դու կողքից տարակուսանքով նայում ես այդ ամենին: Դա որոշ սոցիոպատներին գերազանցության զգացողություն է տալիս, նրանց թվում է, թե ամբողջ մարդկությունը կազմված է կենդանիներից, որոնց պետք է հետապնդել ու ոչնչացնել: Մյուսները ճաշակում են անտանելի, նախանձոտ կատաղություն, նրանք համառորեն ցանկանում են ստանալ այն, ինչ չունեն: Իսկ ես պարզապես միայնություն եմ զգում, ինչպես աշնան տերևը, որին հսկայական կույտի վրայից քամին քշել է միլիոնավոր մղոններ հեռու:

huzak2

ՍՈՄԵՐՍԵԹ ՄՈԵՄ

13 Օգս

Կյանքի զարմանալի առանձնահատկություններից մեկն էլ այն է, որ երբեմն դուք ամիսներ շարունակ ամեն օր հանդիպում եք որևէ մեկին, այնքան եք մտերմանում, որ թվում է, թե այլևս չեք կարող ապրել առանց մեկդ մյուսի, բայց ահա վրա է հասնում բաժանումը և ամեն ինչ ընթանում է առաջվա պես, ասես ոչինչ էլ չի կատարվել: Մտերմությանը, առանց որի դուք ապրել չէիք կարող, ձեր ստուգումն ամենևին էլ հարկավոր չէ: Կյանքը հոսում է իր ընթացքով և դուք նունիսկ չեք էլ նկատում ձեր ընկերոջ բացակայությունը:

maugham_l_min

ԱՎԱՆԴԱԶՐՈՒՅՑ

10 Օգս

Դժվար էր ապրել մարդը երկրի վրա: Տառապանքը եղել էր շատ, իսկ ուրախությունը` քիչ: Մահից հետո մարդն ընկավ դրախտ: Եդեմական ծաղիկների հեթիաթային բուրմունքից նրա կուրծքը լցվեց երջանկությամբ, և մարդը բացականչեց.
— Տեր, կյանքը դրախտում արքայություն է, իսկ երկրի վրա լի է դառնությամբ: Նվիրիր մարդկանց քո երկնային ծաղիկները, որ նվազեն նրանց ցավերը:
Եվ Արարիչն ասաց.
— Իմ ծաղիկները վաղուց են աճում երկրի վրա: Մարդիկ դրան անվանում են սեր:

flowers-1405662_960_720

ՄՏՔԵՐ

10 Օգս

Ես վիրաբույժից ստացա վիրահատության հաշիվը: Հիմա հասկանում եմ, թե ինչու են նրանք դիմակներով աշխատում:
Ջեյմս Բորեն

Ես ճանաչում եմ մարդկանց: Բայց որքան կուզեի հավատալ, որ սխալվում եմ:
Գ. Կուլ

Ես կարողանում եմ ներել, բայց չեմ կարողանում մոռանալ:
Հարիեթ Բիչեր

Թող կոշկակարը չդատի կոշիկից բարձր:
Ապելլես

Ճշմարտությունը երբեք չի հաղթանակում: Պարզապես մեռնում են նրա հակառակորդները:
Մաքս Պլանկ

Մարդն իր կյանքի ընթացքում բախվում է երկու դրամայի. առաջինը, երբ նա ինչ-որ բան է երազել, բայց դա չի ստացել և երկրորդ, երբ նա ստացել է ու հասկացել, որ դա չէր երազել:
Էլբերտ Հաբբարդ

Ինչքան միտքը քիչ է, այնքան համակիրները շատ են:
Կոստանտին Մելիխան

Ժամը վրա է հասել, բայց չկա հերոսը:
Վալտեր Սքոթ

Մարդը ծնվում է, որ ապրի, այլ ոչ թե նախապատրատվի կյանքին:
Բորիս Պաստեռնակ

Արդեն չորրորդ անգամ եմ այս ֆիլմը դիտում և պիտի ասեմ, որ այսօր դերասաններն ավելի լավ էին խաղում:
Ֆաինա Ռանևսկայա

Ցինիկ հեռուտատեսային պարոնները, ինչպես հայտնի է, անտարբեր հաշվում են արցունքների քանակը, որ հնարավոր է լինում քամել դյուրահավատ տանտիրուհիներից հերթական սրտաշարժ սյուժետի օգնությամբ, որ հետո նրանց մածուցիկ սրտերի վրա ավելի լավ նստի լվացքի փոշու գովազդը:
Լիդիա Մասլովա

Թմբուկը կարող է խլացնել ամբողջ նվագախմբին, բայց չի կարող փոխարինել նրան:
Էմիլ Կրոտկի

Բոլորը գրում, գրում, գրում են և գիտե՞ք որն է ամենավատը` գրում են բանաստեղծություններ: Գիտե՞ք ինչքան լավ կլիներ, եթե այդ գրչակների ցեղախմբի` մեզնից յուրաքանչյուր չորրորդ ապուշի ձեռքը տային գործիքներով արկղը և ուղարկեին ինչ-որ տեղ իսկական գործով զբաղվելու:
Ուոլթ Ուիթմեն

Դե ինչ, ջեմտլմեններ, եկեք այսօր անենք այնպիսի մի բան, որ աշխարհը հավերժ հիշի դա:
Ծովակալ Քոլլինգվուդ

Երբեմն շատ ուշ է լինում հաղթելու համար: Բայց երբեք ուշ չի լինում պարտվելու համար:
Թոմ Ուորսոն

Ռուսաստանի հետ համաձայնությունն արժե ճիշտ այնքան, որքան այն թուղթը, որի վրա դա գրված է:
Չերչիլ

Այնքան ծիծաղելի է լսել սուտը, երբ գիտես ճշմարտությունը: Բայց ընդհատել չես ուզում. ախր մարդն այնքան ջանք է գործադրել…
Ֆաինա Ռանևսկայա

thumb_1

ԻՄԱՍՏՈՒՆ ԽՈՐՀՈՒՐԴ

10 Օգս

Իմաստուն Մումին` տիրակալի երբեմնի խորհրդականին հարցրեցին, թե կառավարողներն ինչու՞ ականջ չեն դնում իմաստունների խորհուրդներին` գործելով դաժանաբար կամ հիմարաբար: Իմաստունը պատասխանեց.
— Մեկն իրեն բոլորից խելոք է կարծում, որ չունի խորհրդի կարիք, այդ պատճառով էլ չի լսում մյուսներին: Մեկ ուրիշի խելքը չի հասնում, որ իր համար իմաստուն խորհրդական ընտրի: Երրորդը խորհուրդն առնելով չի պատկերացնում, թե ինչպես վարվի դրա հետ: Իսկ ահա նա, ով ականջ է դնում, ինքն էլ ապրում է իմաստունի պես: Միայն թե իմաստունի ինչի՞ն է պետք իշխանությունը:

c585128e6a0f-696x442

ԿԱՐՈՏ ՈՒ ԹԱԽԻԾ

10 Օգս

Ծերունուն հարցրեցին.
— Ո՞րն է կարոտի ու թախծի տարբերությունը:
Եվ նա ասաց.
— Ճիշտ այնպես, ինչպես տարբեր են երկու ծառերը, որոնցից մեկը չորանում է, իսկ մյուսը սպասում է գարնանը:

69707

ԻՆԳՈՒՇԱԿԱՆ ԱՍՔ

10 Օգս

Կար ժամանակ, երբ ընկերներ էին Ջուրը, Կրակը, Քամին ու Պատիվը: Բայց եկավ մի պահ, որ պիտի բաժանվեին, և նրանք սկսեցին քննարկել, թե ինչպես հետո գտնեն իրար: Ջուրն ասաց, որ իրեն կարող են գտնել այնտեղ, որտեղ եղեգներն են աճում: Քամին ասաց, որ ինքն այնտեղ կլինի, որտեղ տերևներն են սոսափում: Կրակն ասաց, որ իրեն կարող են գտնել վեր բարձրացող ծխով: Եվ միայն Պատիվն էր, որ լուռ մնաց: Ընկերները հարցրեցին, թե ինչու՞ նա ոչինչ չի ասում: Եվ այդ ժամանակ Պատիվն ասաց.
— Դուք կարող եք բաժանվել ու կրկին միանալ, սակայն ինձ այդ բանը տրված չէ: Նա, ով մի անգամ բաժանվում է ինձնից, բաժանվում է ընդմիշտ ու այլևս հանդիպել չի կարող:

1453991251_lava

%d bloggers like this: