Պահոց | ԳՐԱԿԱՆՈՒԹՅՈՒՆ RSS feed for this section

ՄՏՔԵՐ

30 Սպտ

— Ո՞րն է քո երազանքը:
— Որ ինչ-որ մեկն ինձ համբուրի անձրևի տակ: Իսկ քոնը՞:
— Որ անձրև գա:
Չարլզ Բուկովսկի

Իրականացած երազանքը միշտ զրկված է ռոմանտիզմից:
Բորիս Վասիլև

— Երջանկությունն այցելում է նրան, ով կարողանում է սպասել:
— Այո, իհարկե: Միայն տես, որ ամբողջ կյանքդ չանցնի սպասասրահում:
Թեոդոր Դրայզեր

Հասակ մը կա մեր կենաց մեջ,
Ուր ամենայն իղձ կավարտի…
Նահապետ Ռուսինյան

Ավելի ցավալի բան չկա, քան ամբողջ սրտով սիրել մարդուն և իմանալ, որ նա գրոշ չարժե:
Սոմերսեթ Մոեմ

Բաժանումը սիրո համար նույնն է, ինչ որ քամին` կրակի համար: Փոքր սերը նա հանգցնում է, իսկ մեծ սերն ավելի է բորբոքում:
Ալեքսանդր Կուպրին

Եթե թշնամին գերագնահատում է քո թերությունները, դա մեծ հաջողություն է: Բայց եթե բարեկամդ թերագնահատում է քո առավելությունները, դա ավելի լավ է:
Մարիո Պյուզո

Աստված ամեն ինչ տեսնում է, հարևաններն` ավելի շատ:
Անհայտ հեղինակ

Աստված մտածում է մեր մասին: Աստված չի մտածում մեր փոխարեն:
Ժան Կոկտո

Ադամն ընդամենը էսքիզն էր: Աստծուն հաջողվեց մարդ կերտել միայն Եվայի միջոցով:
Սիմոնա դը Բովուար

Ավտորիտարիզմն այն է, երբ մեկն ասում է` «Ես ձեր թագավորն եմ», և բոլորը համաձայնվում են: Իսկ տոտալիտարիզմն այն է, երբ բոլորը գոռում են. «Դու մեր թագավորն ես, դու մեր թագավորն ես», և նա համաձայնվում է:
Բոլեսլավ Վոլտեր

Լավ է քիչ հասկանալ, քան վատ հասկանալ:
Անատոլ Ֆրանս

Նա, ով քեզ գովում է այն բանի համար, ինչը դու չունես, ուզում է քեզնից ստանալ այն, ինչը ունես:
Յուջին Մանյուել

Տղամարդիկ ստում են հենց այնպես, կանայք` արտասուքն աչքերին:
Դոն-Ամինադո

Երբ ժամը կգա որոշելու, թե ում արդարացնել, ամբոխը միշտ կընտրի Բարաբային:
Ժան Կոկտո

Երբ մի դուռը փակվում է, բացվում է մեկ ուրիշը: Սակայն մենք հաճախ այնքան երկար ենք նայում փակված դռանը, որ չենք նկատում բացվածը:
Հելեն Քելլեր

content_41__econet_ru

Advertisements

ՄԻ ԿԱՆԳՆԻՐ ԱՆՁՐԵՎԻ ՏԱԿ

29 Սպտ

Մի կանգնիր աշնան գիշերվա անձրևի տակ: Իզուր է: Նրանք, ովքեր քեզնից առաջ կանգնում էին, հետո տուն էին տանում թրջված հագուստներ, մի թեթև հարբուխ և ինքնախաբկանքն այն բանի, թե մարմնի չարչարանքը հատուցման գին ունի: Չէ, մի կանգնիր անձրևի տակ, սպասված գնի կեսն անգամ քեզ չեն տալու ոչ ամպը, ոչ մութը, ոչ էլ նա, ում համար գիշերն ընտրեցիր:
Մեր հիասթափությունների համար միշտ էլ մեղավորը մենք ենք լինելու, քանի որ ակնկալեցինք ավելին, քան պիտի տրվեր: Մեր կորուստներից ցավ ապրեցինք, քանի որ նախընտրեցինք լինել կողոպտված, երբ կարող էինք պարզապես հրաժարվել: Մեր նվաստացումների կսկիծը վերջին վերքերի մեջ լցվեց, երբ առաջինները ապաքինեցինք մոռացումով:
Դե ուրեմն մի կանգնիր անձրևի տակ, որովհետև եղածն ընդամենը անձրև է. կգա, կթացացնի, հետո կչորանա, կանցնի-կմոռացվի: Հավատա, հարբուխդ ավելի երկար կհիշես, քան այդ վարար տեղատարափը, ինչպես որ մտապահվելու են ճանապարհները, բայց ոչ քայլերը: Իսկ նա, ով իրապես քոնն է, աշնան գիշերներին իր հետ անձրևանոց կբերի:

Հովիկ Չարխչյան

foto-zontiki-05

ՏՈԼՍՏՈՅԸ ՀԻԱՑԱԾ ՉԷՐ

27 Սպտ

Աշխարհն այսօր էլ հիացմունքով է ընթերցում Լև Տոլստոյի «Պատերազմ և խաղաղություն» վեպը, մինչդեռ հեղինակին այդ գործը կարծես թե այնքան էլ չի հիացրել: Այսպես, 1871 թ. Աֆանասի Ֆետին հասցեագրած իր նամակում Տոլստոյը գրում էր. «Ինչ երջանիկ եմ ես, որ այլևս երբեք չեմ գրելու այնպիսի անհեթեթ շատախոսությամբ գործեր, ինչպիսին էր «Պատերազմը»: Իսկ 1908 թ. իր օրագրային գրառումներից մեկում Տոլստոյն ասում էր. «Մարդիկ ինձ սիրում են այն դատարկ բանի` «Պատերազմ և խաղաղության» համար, որը նրանց թվում է շատ կարևոր»:

ТОлстой1

Մենք չենք դրսևորվում որպես ինքնիշխան երկիր

23 Սպտ

Ռուսաստանը Հայաստանի նկատմամբ շարունակում է այն քաղաքականությունը, որը որդեգրել է վերջին 200-300 տարիների ընթացքում: Որևէ փոփոխություն չկա, ընդամենը ձևերն ու մեթոդներն են մի փոքր քաղաքակրթվել: Tert.am-ի հետ զրույցում նման կարծիք հայտնեց գրող, հրապարակախոս Հովիկ Չարխչյանը։

«Եվ այն, որ Ռուսաստանը Հայաստանին ցանկանում է տեսնել իր թևերի տակ, այնքան ակնառու է, որ դրա մասին վիճելն անիմաստ է: Այլ խնդիր է մեր իշխանությունների պահվածքը տվյալ դեպքում»,-ասաց նա՝ անդրադառնալով հարցին, թե տեղի՞ն են արդյոք հայ հասարակության շրջանում հնչող դժգոհությունները՝ կապված Հայաստանում ռուսերենի հայեցակարգի, հայաստանյան փողոցների անվանակոչման հարցում ռուսաստանցիների ակտիվ միջամտության («դեմ» կարծիքներով), Նժդեհի արձանի տեղադրման հարցում ՌԴ ԱԳՆ ներկայացուցչի մակարդակով բացասական արձագանքի հետ:
Հայտնի է, որ Սանկտ Պետերբուրգի Տավրիկյան պալատում անկացվելու է Իսրայել Օրուն նվիրված միջոցառումներ: Չի բացառվում, որ հայ հասարակության մեջ այս առնչությամբ հարցականներ կծագեն՝ ինչու հատկապես Իսրայել Օրին՝ ժամանակի ազգային-ազատագրական պայքարի գաղափարների ձևավորման առումով ռուսական կողմնորոշման հայտնի ջատագովը: Չմոռանանք, որ վերը նշված հանգամանքների պատճառով է, որ բազմաթիվ քաղաքական գործիչներ, վերլուծաբաններ պնդում են, թե անկախության 25 տարիներին Հայաստանն աստիճանաբար կորցնում է ինքնիշախության գործիքներն ու խորհրդանիշները, իսկ ավելի արմատական տրամադրություն ունեցողներն անգամ ապագաղութացման կոչեր են արվում:
Չարխչյանն ընդգծեց՝ այլ հարց է, որ Հայաստանը չի կարող իրեն դրսևորել իբրև ինքնիշխան, անկախ երկիր, որն ինքն է իր քաղաքական կողմնորոշումները կազմում՝ առանց արտաքին գործոնների ազդեցությունը կամ հնարավոր ելքերը հաշվի առնելու. «Կամ նաև հաշվի առնելով, բայց չվախենալով, ինչպես այսօր վախվորած գործում են մեր իշխանությունները»:
Ի վերջո, տրամաբանական հարց է առաջանում՝ ինչու են ռուսները բոլոր հայ մեծերից առանձնացնում ժամանակի ազգային-ազատագրական պայքարի գաղափարների ձևավորման առումով ռուսական կողմնորոշման հայտնի ջատագով Իսրայել Օրուն:
Հովիկ Չարխչյանը, ում կարծիքով՝ հասարակության դիրքրորոշումը միանգամայն տեղին է, միևնույն ժամանակ, գտնում է, որ իրականում շատ մեծ սխալ է Իսրայել Օրուն անվանել ռուսական կողմորշմամբ մարդ:
«Իսրայել Օրին ընդամենը ելքեր էր փնտրում իր ժողովրդի փրկության համար, և ճանապարհներից մեկն էլ դեպի Ռուսաստանն էր: Այդ հանգամանքը իբրև պարսավանք այդ մարդու կենսագրությանը կցելը սխալ է, և եթե հետևեք այդ դարերի պատմությանը, կտեսնեք, որ նա ոչ առաջին էր, ոչ էլ վերջինը: Տասնյակ հայ քաղաքական գործիչներ այդ տարիներին դեպի Հյուսիս էին գնում՝ փորձելով Ռուսաստանյան կայսրությունից օգուտներ քաղել, Հայաստանի համար ուժեղ պաշտպան գտնել: Եվ նույն հաջողությամբ նաև Եվրոպա էին գնում»,- իր առարկությունները ներկայացրեց մտավորականը:
Նրա ամփոփմամբ՝ այլ հարց է, որ մենք չենք կարող մեզ դրսևորել իբր ինքնիշխան անկախ երկիր, որը ինքն է իր քաղաքական կողմորոշումները կազմում՝ առանց արտաքին գործոնների ազդեցությունը կամ հնարավոր ելքերը հաշվի առնելու: «Կամ նաև հաշվի առնելով, բայց չվախենալով, ինչպես այսօր վախվորած գործում են մեր իշխանությունները»:
Անդրադառնալով հայաստանյան դպրոցներում ռուսաց լեզվի դասավանդման հայեցակարգին՝ հրապարակախոսն ասաց, թե սա ոչ թե ռուսերենի հայեցակարգ է, այլ «ստրկամտության հայեցակարգ»:
«Ռուսերենը Հայաստանում պետք է ունենա նույն կարգավիճակը, ինչ ունեն Հայաստանում բոլոր օտար լեզուները: Սրանք խնդիրներ են, որ կուտակվում ու կուտակվում են, և մեկ էլ տեսնում ենք, որ իսկապես մղվում ենք երկրորդ պլան մեր արժեքային համակարգով»,-ասաց նա և օրինակ բերեց Հովհաննես Այվազովսկու 200-ամյակի տոնակատարությունը՝ նշելով, որ այն գրեթե վերածվել էր ռուս նկարչի 200-ամյակի, և Հայաստանը չկարողացավ նույնիսկ այս հոբելյանը հնարավորինս հայկականացնել:
«Իսկ լեզվի թեման սկսվեց նրանից, որ Ռուսաստանից եկած գործիչները սկսեցին մեր տաքսիստներից իրենց լեզվի իմացությունը պահանջել,-նշեց Հովիկ Չարխչյանը,-սա է վիճակը ու սա պետք է ինչ-որ ձևով արմատախիլ անել»։
Նա այս առումով առայժմ տեսնում է միմիայն հասարակության հակազդեցությունը և ոչ որևէ քաղաքական ուժի կամ հոսանքի:

Անուշ Դաշտենց
Tert.am

14962587_1176971072395812_5260210727936451674_n

 

ՄԱՀ ԾԻԾԱՂԻՑ

23 Սպտ

Կուբացի նշանավոր գրող Խուլիան դել Կասալի ստեղծագործություններն աչքի էին ընկնում իրենց հոռետեսությամբ և մռայլ երանգներով: Սակայն ճակատագրով նրան վիճակված էր վախճանվել… ծիծաղից: 1893 թ. հոկտեմբերի 21-ին բանաստեղծը ընթրում էր իր ընկերների հետ: Ներկաներից մեկը որոշեց անեկդոտ պատմել: Պատմությունն իսկապես զվարճալի էր: Կասալի մոտ սկսեց անվերահսկելի ծիծաղի սուր նոպա, ինչն առաջ բերեց շնչերակի շերտավորում, արնահոսություն: Եվ գրողը մահացավ:

297729_900

ՉԿՐԿՆՎՈՂ ՏԱՌԵՐՈՎ

17 Սպտ

Յուրաքանչյուր գրող աշխատանքի իր տեխնիկան է ունենում: Բայց Սերգեյ Դովլաթովի մոտեցումն ամենատարօրինակներից մեկն էր: Կան վկայություններ այն մասին, որ կյանքի վերջին տասը տարիների ընթացքում նա գրում էր` հավատարիմ մնալով մի սկզբունքի. նախադասության մեջ չօգտագործել միևնույն տառով սկսվող բառեր, այսինքն բոլոր բառերը պիտի սկսեին տարբեր տառերով: Նրա խոսքերով, այդ մոտեցումն իր մեջ կարգապահություն է ներարկել` խուսափել շատախոսությունից ու դատարկաբանությունից: Ասում են, հենց այդ հնարանքի կիրառմամբ են գրվել նրա «Ճամպրուկը», «Արգելանոց», «Բաժանմունք» և այլ գործեր:

1475519576

ՔԱՐ ԳՐՈՂԻ ՀԱՄԱՐ

17 Սպտ

Երբ վախճանվեց ռուս գրող Նիկոլայ Գոգոլը, նրան թաղեցին եկեղեցու բակում: Հետո, երբ գերեզմանատունը պատրաստվում էին ոչնչացնել, Գոգոլի աճյունը վերաթաղեցին, բայց այս անգամ ոչ թե շիրմաքար դրվեց, այլ գրողի կիսանդրին: Հենց այդ նույն շիրմաքարն էլ հետագայում տեղադրվեց Միխայիլ Բուլգակովի գերեզմանի վրա: Այդպես էր ցանկացել Բուլգակովի կինը: Վերջինս ասում էր, որ ամուսինը կենդանության օրոք հաճախ էր կրկնում նույն արտահայտությունը` հասցեագրված Գոգոլին. «Ուսուցիչ, ծածկիր ինձ քո թուջե շինելով»:

442963

ԿՅԱՆՔԻ ՓՐԿՈՒԹՅՈՒՆ

15 Սպտ

Սովորաբար բժիշկների կամ փրկարարների մասին սիրում են ասել. «Այս մարդիկ կյանքեր են փրկում»: Եվ դա իրոք այդպես է:
Իսկ ի՞նչ են անում մյուսները: Նա, ով հող է մշակում, կյանքեր չի՞ փրկում: Նա ով տներ է կառուցում, կյանքեր չի՞ փրկում: Նա, ով սերունդ է կրթում ու դաստիարակում, կյանքեր չի՞ փրկում…
Յուրաքանչյուր արված լավ գործի մեջ կյանքի փրկություն կա:

Հ. Չարխչյան1495066171.9046.958005361

ՀԻԱՑՄՈՒՆՔԻ ՕՂԱԿԸ

15 Սպտ

Կրկեսում ինձ ամենաշատը հիացնում էր երկու փակ օղակներն իրար միացնող ձեռնածուն: Մարդիկ պատերի միջով են անցնում, աչքիդ առաջ գնացքներ են անհետացնում, նայում, զարմանում ես, բայց ես հիացմունքս միշտ պահում էի օղակներով ձեռնածուի համար: Բանիմացներն ասում էին. «Ախր դա դատարկ հնարք է, ով ասես` կարող է անել», միայն թե իրենց ճշմարտությունն իմ հափշտակության ափերին չէր մոտենում, իրենց իմացությունն իմ անգիտության հետ հաշտություն չէր գտնում:
Երկու փակ օղակների կապը, երկու ամփոփ, պարփակ շրջանների միակցումը, մի թեթև հպումով անդրդվելին տրոհելու և մեկուսին ագուցելու շնորհը ես թողնում էի բոլորից առանձին`շարունակելով հավատ ընծայել այն ընտրությանս, որ հրաշագործը նա չէ, ով զարմանք է պատճառում, այլ նա, ով հիացնում է:

Հովիկ ՉարխչյանChinese-font-b-Linking-b-font-font-b-Rings-b-font-4-font-b-Rings-b

ՉԻՆՈՒՀՈՒ ՊՈԵՄԸ

5 Սպտ

Գիտե՞ք սա ինչ է: Սա 4-րդ դարում ապրած չինուհի բանաստեղծ Սու Հուեի պոեմն է, որն իրենից ներկայացնում է քառակուսի` լցված 29×29 չափի հիերոգլիֆներով: Սրան անվանում են պալինդրոմ: Ասում են, թե այս պոեմն ընթերցելու 2848 տարբերակ կա: Այն կարելի է կարդալ աջից ձախ, ձախից աջ, հորիզոնական, ուղղահայաց և նույնիսկ անկյունագծով:

275970_original

ՎԻԼՀԵԼՄ ՏԵԼԼԻ ՈՃՈՎ

31 Օգս

Բոլորին է հայտնի առասպելական հերոս նետաձիգ Վիլհելմ Տելլի պատմությունը, ով թագաժառանգի պահանջով խնձոր տեղադրեց հարազատ որդու գլխին և կարողացավ խոցել խնձորը` առանց տղային վնասելու:
Ահա այս պատմությամբ ոգեշնչված ամերիկացի նշանավոր գրող Ուիլյամ Բերրոուզը 1951 թ. սեպտեմբերի 6-ին մի խնջույքի ժամանակ բաժակը դնում է կնոջ` Ջոանի գլխին և հայտարարում է, թե կարող է փշրել գավաթը «Վիլհելմ Տելլի ոճով»: Սակայն դա ճակատագրական կրակոց էր: Գրողը վրիպում է և սպանում է կնոջը:

400622_33_i_067

ԲԱՑԱՐՁԱԿ ԴԱՏԱՐԿՈՒԹՅՈՒՆ

29 Օգս

Աշխարհում անսովոր գրքերի պակաս չկա: Դրանցից մեկի հեղինակն էլ լեհ ֆանտաստ գրող Ստանիսլավ Լեմն է: Նրա պատմվածքների ժողովածուի անունն է «Բացարձակ դատարկութուն»: Գիրքն իրենից ներկայացնում է գոյութուն չունեցող գրքերի գրախոսականների հավաքածո, որոնց հեղինակները գոյութուն չունեցող գրողներն են:

EN_00907813_8369

ՄՏՔԵՐ

8 Օգս

Նրանք, ովքեր ինձ վիրավորում են, այդ բանը չեն անում երկրորդ անգամ:
Պիթեր Սթրաուբ

Մարդիկ գրքերի պես են. տառերը նույն են, բովանդակությունը` տարբեր:
Գի դը Մոպասան

Գիշերը կնոջ հետ` դա, իհարկե, ամբողջ գիշերն է, բայց ամբողջ կինը չէ:
Անդրե Մորուա

Մենք չենք կարող պատռել մեր կյանքի մի էջը, փոխարենը հեշտությամբ կարող ենք կրակը նետել ամբողջ գիրքը:
Ժորժ Սանդ

Հիշողությունը միակ դրախտն է, որտեղից մեզ չեն վտարում:
Ժան Պոլ

Երբ սերը սառչում է, այն պետք է կամ տաքացնել, կամ մի կողմ նետել: Դա այն մթերքը չէ, որ կարելի է պահել ցուրտ տեղում:
Էդիթ Պիաֆ

Երջանկություն է, երբ քեզ հասկանում են:
Մեծ երջանկություն է, երբ քեզ սիրում են:
Իսկական երջանկություն է, երբ դու ես սիրում:
Կոնֆուցիոս

Կյանքում ամեն ինչ սկսվում է հույսով և ավարտվում է սովորությամբ:
Լիլիան Հելման

Մարդկանց մեծ մասը պատրաստ է անսահման չարչարվել, միայն թե իրեն ազատի մի փոքր մտածելու անհրաժեշտությունից:
Թոմաս Էդիսոն

Պատկերացրեք, թե ինչպիսի լռություն կլինի, եթե մարդիկ ասեն միայն այն, ինչ գիտեն:
Կարել Չապեկ

Մեր անհաշիվ ցավերի զգալի հատվածն ավելի տանելի է, քան դրանց մասին մեր մտերիմների մեկնաբանությունները:
Չարլզ Կոլտոն

Երբ մարդիկ միասին են, կարևոր չէ, թե որտեղ են նրանց մամինները:
Կոնֆուցիոս

Որքան ուշացած է աղջիկը ժամադրության գալիս, այնքան նա ժպտերես է:
Գոմես դե լա Սերնա

Կինը գիտի սիրո իմաստը, իսկ տղամարդը` արժեքը:
Մարթի Լարնի

3fa2

Արթուր Միլլերը Երևանում

8 Օգս

Ամերիկացի հանրաճանաչ գրող, դրամատուրգ Արթուր Միլլերը, որին շատերը ճանաչում են որպես Մերիլին Մոնրոյի նախկին ամուսին, մի անգամ եղել է նաև Հայաստանում: Այս մասին, ցավոք, քիչ բան է հայտնի: Բայց 1967 թվականին նա իր կնոջ` ճանաչված լուսանկարիչ Ինգա Մորատի հետ հյուրընկալվել է Երևանում: Զույգը հանգրվանել է «Արմենիա» հյուրանոցում: Տեղեկություններ կան, որ Միլլերն այստեղ մասնակցել է իր երկու` «Սալեմյան կախարդներ» և «Տեսարան կամրջից» պիեսների ներկայացումներին: Իսկ այցի ամենավառ պահերը անմահացրել է Ինգան` իր լուսանկարչական ապարատով: Ահա դրանցից երկուսը:

Հովիկ Չարխչյան

USSR. 1965. Aram KHACHATURIAN, the composer, with his wife.

միլերի կնոջ նկարածը 1967

ՌԱԲԼԵԻ ԹՈՒՅՆԸ

2 Օգս

Ֆրանսիացի գրող Ֆրանսուա Ռաբլեն ուզում էր Լոնդոնից Փարիզ մեկնել, բաց փող չուներ: Այդ ժամանակ նա երեք փոքրիկ փաթեթ պատրաստեց և նրանց վրա գրեց. «Թույն թագավորի համար», «Թույն թագուհու համար» և «Թույն արքայազնի համար»: Հետո դրանք դրեց հյուրանցի համարում, տեսանելի տեղում: Շատ չանցած այդ մասին իմացավ հյուրանոցի տերը և հայտնեց ոստիկանությանը: Ռաբլեին անմիջապես ձերբակալեցին և զինված պահակախմբի ուղեկցությամբ տարան ուղիղ Ֆրանսիայի միապետ Ֆրանցիսկ Առաջինի մոտ, որ սա որոշի գրողի ճակատագիրը: Պարզվեց, փաթեթներում շաքարավազ էր, որը Ռաբլեն կուլ տվեց բոլորի ներկայութամբ, իսկ հետո թագավորին (որի հետ մտերիմներ էին) պատմեց, թե ինչպես լուծեց Փարիզ հասնելու հարցը:

2

ԵՐԿՈՒ ԴՐՎԱԳ «1984» ՎԵՊԻ ՄԱՍԻՆ

1 Օգս

Ջորջ Օրուելը ժամանակին հաղորդավար է աշխատել BBC-ում: Խմբագրության թռուցկաժողովները տեղի էին ունենում 101-րդ սենյակում: Դրանք երբեմն այնքան ձանձրալի ու տանջալիորեն երկար էին, որ հետագայում իր «1984» գրքում հեղինակը հենց այդ համարն է տվել կտտանքների սենյակին:
Նույն վեպում մի բանաձև կա` «Երկու անգամ երկու հավասար է հինգի»: Հեղինակի խոստովանությամբ, այդ գաղափարը նրա գլխում ծնվել է, երբ լսել է «Հնգամյակը չորս տարում» սովետական կարգախոսը:

1984

ԳԻՍԱՍՏՂԻ ՀԵՏ

29 Հլս

1835 թվականին մեր մոլորակի կողքով անցավ Հալլեի գիսաստղը: Այդ դեպքից 2 շաբաթ անց ծնվեց Մարկ Տվենը: 1909 թվականին Տվենը գրեց. «Ես աշխարհ եկա գիսաստղի հետ, նրա հետ էլ կհեռանամ, երբ եկող տարի կրկին հայտնվի»: Այդպես էլ եղավ: Գրողը մահացավ 1910 թ. ապրիլի 21-ին, Հալլեի գիսաստղի հայտնվելու հաջորդ օրը:

m-tven-7

 

ԱՆՎԵՐՋ ՍԵՐ

23 Հլս

Ինքնատիպ նվեր ընտրելը նույնքան մեծ արվեստ է, որքան լավ բանաստեղծություն գրելը: Վլադիմիր Մայակովսկին իր սիրելիին` Լիլիա Յուրևնա Բրիկին որոշեց մատանի նվիրել և դրա վրա փորագրեց կնոջ անվան սկզբնատառերը` Л. Ю. Б.: Ու քանի որ մատանու վրա տառերը փորագրված էին շրջանաձև, ապա ստացվում էր անվերջանալի ЛЮБЛЮ…

pizap.com15006786501311

ՀՈՂԻՆ Ի ՊԱՀ

23 Հլս

Երբ 1862 թվականին վախճանվեց անգլիացի գրող Դանթե Ռոսսետիի կինը, բանաստեղծը նրա դագաղի մեջ դրեց իր անտիպ պոեմները: Մի քանի տարի անց գրողին առաջարկեցին ժողովածու հրատարակել, սակայն Ռոսսետին չկարողացավ հիշողությամբ վերականգնել թաղված գործերը: Այդ ժամանակ ընկերները նրան հորդորեցին բացել գերեզմանը և դուրս բերել ձեռագրերը: Ի վերջո նա տեղի տվեց համառ խնդրանքներին, և գիրքը տպագրվեց:
Նույնը կրկնեց Եղիշե Չարենցը, երբ 1927 թ. հունվարին վախճանվեց բանաստեղծի կինը` Արփենիկը: Չարենցը նրա դագաղի մեջ դրեց կնոջը նվիրած բանաստեղծական շարքի ձեռագիրը: Սակայն, ի տարբերություն Ռոսսետիի, Չարենցը երբեք չփորձեց էջերը դուրս հանել:

pizap.com15006812574971

ԽՈԶԻ ԱՆՎԱՆԱՓՈԽՈՒԹՅՈՒՆԸ

15 Հլս

Ջորջ Օրուելի «Անասնաֆերմա» ստեղծագործության մեջ գլխավոր խոզի անունը Նապոլեոն է: Սակայն երբ գիրքն առաջին անգամ պիտի հրատարակվեր Ֆրանսիայում, հեղինակը նրան անվանափոխեց: Խոզն այստեղ կոչվում էր Կեսար: Դա հավանաբար արվեց ֆրանսիացիների ազգային արժանապատվությունը չվիրավորելու համար: Հետագայում հին անունը վերադարձվեց:

5567255p7153676-o

%d bloggers like this: