ՄԱՐԳԱՐԻՏԱ ՊԱՍ ՊԱՐԵԴԵՍ

23 Հլս

Եվ վեցերորդ օրը աստված երկնեց մարդուն
Ըստ պատկերի յուրում:
Աստված երկնեց մարդուն
Ու շունչ տվեց նրան,
Տվեց նաև մի սիրտ,
Որը պիտի դառնար մթնում սիրո խարույկ…
Իմ երազը սակայն քեզ նորովի երկնեց
ըստ պատկերի յուրում:
Իմ ծով քնքշությունը քեզ ստեղծեց տարբեր.
Քեզ ողողեց ծովի ծուփ-ծուփ ալիքներով,
Որ լողանան այնտեղ դելֆիններս մաքուր:
Ողջ այն լույսը, որով ներծծված էր հոգիս
Քեզ կերտելուս պահին,
Փոխանցեցի ես քեզ, քո աչքերին:
Ես ուզեցի լուծվել շշուկի մեջ իմ տաք,
Որ գեթ մի պահ հպվեմ քո ճակատին.
Լուսարձակի նման սերս ես ուղղեցի
դեպի խավարամած խորշը հոգուս,
Որ մինչև քեզ ունայն քարանձավ էր միայն:
Հիմա փեթակի պես նա դժժում է լցված
Մի քաղցրագույն մեղրով, որ նմանը չունի:
Իմ երազը փորձեց երկնել քեզ նորովի
Ըստ պատկերի յուրում:
Իմ այրոցքը ուզեց քեզ հալեցնել նորից
Քեզ կերտելու համար.
Ավաղ, վահանված ես այն մետաղով,
Որ չի հալվում սիրո հնոցի մեջ:
Ադա’մ, նունն ես, Ադա’մ,
Ինչ որ էիր օրը ստեղծումիդ.
Դու դեռ կավ ես մի տաք,
Բնազդական ու խուլ,
Առանց աստվածային շող ու շնչի,
Որից պիտի փլվեր կարծր պատը կրծքիդ:
Դու` ստվերում կանգնած,
Քեզ չի դիպել հրաշքն արևային:
Թեև քեզ հետ, բայց դեռ առանց քեզ է Եվան,
Ու դեռ իր դրախտն է նա հորինում անդուլ
Քո շուրջն ու քեզ համար…

One Response to “ՄԱՐԳԱՐԻՏԱ ՊԱՍ ՊԱՐԵԴԵՍ”

  1. Նուշիկ Միքայելյան 25 Սեպտեմբերի, 2011 at 3:43 ե. #

    Հրաշալի գործ է…Շա՜տ սիրեցի:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s